Кечкенә спортчыларыбыз безне һәм әти-әниләрен гел  сөендереп торалар. ГТО дисезме, ярышлар дисезме... барсына да өлгерәләр. Менә тагын чираттагы  мәктәп линейкасында физкультура укытучысы Гөлнара Рәфкәт кызы аларны дирекция исеменнән бирелгән грамоталар һәм медальләр белән бүләкли. Карагыз, үзләре дә горур! Әфәрин, балалар! 

Кичә район күләмендә  мәгариф хезмәткәрләренең профсоюз  оешмасы  тарафыннан үткәрелгән чаңгы  ярышларында  мәктәбебез укытучылары  да  актив катнаштылар.

Күренекле татар халык шагыйре Габдулла Тукайның 130 еллыгына багышланган "Күңелле стартлар" уенында катнашып, безнең мәктәп  командасы  призлы  икенче урынны яулады. Афәрин, укучылар! Җитәкчеләре - физик тәрбия укытучысы Г.Р. Вәлиева. Котлыйбыз, киләчәктә дә уңышлар телибез!

Хәрби – патриотик айлыкта 5-6 класс укучылары мәктәбебез музеендагы  “Батырлык почмагы” белән таныштылар. Алар Бөек  Ватан сугышы ветераннарының тормыш юллары белән кызыксындылар. “Исәннәрнең   кадерен бел, үлгәннәрнең каберен бел!” ергә кирәклеге аңлатылды.

Февраль ае-Туган тел айлыгы дип игълан ителде.Бүген мәктәбебездә шул уңайдан “Туган тел бәйгесе”үткәрелде.Бәйгедә 5 һәм 6 сыйныф укучылары үзара көч сынашты.Алар үзләрен тапкырлыкта,зирәклектә сынадылар,иҗади осталыкларын күрсәттеләр.

Кичә ,15 февраль Герой – шагыйрь Муса Җәлилнең  тууына 110 ел тулу датасын билгеләп үттек. Бу бәйрәмгә укучылар бик тырышып әзерләнделәр. Шагыйрьнең шигырьләрен ятладылар, аның сүзләренә язылган җырларны өйрәнделәр, әсәрләренә рәсем ясадылар . Шагыйрьнең тормыш юлын һәм иҗатын тирәнрәк өйрәнү максатыннан презентация карадылар.

15 февраль көнне безнең мәктәп стеналарында "Ел укытучысы 2016" район бәйгесенең "Иң яхшы сыйныф җитәкчесе" номинациясендә катнашкан төрле  мәктәпләрдән килгән укытучылар тәрбия сәгатен безнең мәктәп балалары белән үткәрделәр. Анда 5, 6 һәм башлангыч сыйныф укучылары бик актив катнашты. Тәрбия сәгатьлэре берсеннән берсе мактауга лаеклы иде. Үзебезнең мәктәп укытучылары да  аларга ярдәм иттеләр һәм үткәргән чараларга анализ ясадылар. Мондый чара тәҗрибә белән алмашыну өчен дә бик файдалы булды. Колегаларыбызга киләчәктә дә зурдан-зур уңышлар телибез һәм зур үрләр яулауларына ышанабыз!

Ватанны саклаучылар көне уңаеннан, Күкчә-Бирәзә башлангыч мәктәбе укучылары рәсем конкурсына әзерләнәләр.Әтиләрне котлау өчен открыткалар ясыйлар.

14 февраль көнне Арча шәһәренең стадионында гөрләп "Лыжня России - 2016" чарасы үтте. Анда мәктәп укытучылары, укучылары һәм төрле организацияләрдән чаңгы шуырга яратучылар катнашты. Хәтта гаиләләре белән дә катнашучылар күп булды. Безнең мәктәп тә читтә калмады, әлбәттә. Иң беренче  7 яшькә хәтле  һәм 7 яшьлек чаңгы спорт сөючеләре 400 метр шуып килделәр. Аннары 8-12 яшьлекләр шуды. Аларга һәрберсенә безнең район җитәкчесе Илшат Габделбар улы бүләкләр тапшырды. Шулай ук ул чаңгы спорты үсешенә кулдан килгәнен эшиячәкбез, дип белдерде.  Олылар да үзләренең осталыкларын күрсәтте. Алла, шәп шуалар! Бу бәйрәм һәрбер кешенең күңеленә кереп калырлык һәм киләчәктә дә чаңгы спортына мәхәббәт үстерүдә бик яхшы чара булды. Оештыручыларга зур рәхмәт белдерәбез! Ә киләчәк буын чаңгычыларыбызга зурдан-зур уңышлар телибез!

Хәрби-патриотик айлык кысаларында бүген башлангыч класс укучылары  арсында “Күңелле стартлар”үтте.