10 февраль көнне Арча сәнгать мәктәбендә ШТК бәйгесенең финал этабы узды. Анда Арча районының төрле зоналарның  6 иң яхшы һәм көчле командалар үзара ярышты. Безнең Өчиле "Non Stop Юмор" командасы 1 урынга лаек булды. Командабызны чын күңелдән котлыйбыз! Аларга иҗади уңышлар телибез!

Мәктәптә  хәрби-патриотик айлык кысаларында төрле чаралар уза.  Бүген укучылар арасында  “Изгелек кылырга ашык!” дигән темага  рәсем конкурсы узды. Җиңүчеләр билгеләнде. Әлеге чараларны үткәрүдә укучылар  бик теләп катнаша.

Туган ил!  Ватан!  Бу төшенчәләр кеше күңеленә туган көненнән алып  сеңдерелә башлый, чөнки кендек  каны тамган туган җир, әти-әни кебек үк кадерле. Шуңа күрә балалар тәрбияләүдә иң мөһим максатларның берсе булып Туган илгә, Ватанга мәхәббәт, патриотик хисләр тора. Хәрби-патриотик тәрбия айлыгы кысаларында Чиканас башлангыч укучылары арасында патриот шагыйрь Муса Җәлилгә багышланган шигырь бәйгесе үтте.

Бүген Сәламәтлек көне билгеләп үтелде.Бу көнне төрле авылда яшәүче укучыларыбыз төрлечә уздырды.Өчиле ,Чиканас авылларында күмәк чаңгыда йөрү оештырылса,Югары Бирәзә укучылары ,гадәттәгечә, авылдагы катокта хоккей уйнарга җыелдылар. Көн укучыларыбыз өчен искиткеч файдалы үтте.

Бүген укучылар рус теленнән белемнәрен сынап карадылар.

9 сыйныф укучылары кабат үзләренең белемнәрен сыный.Бүген алар   Яңа Кишет төп гомуми белем мәктәбенең татар теле һәм әдәбияты укытучысы  Җәләлетдинова  Гөлфәния Раиф кызы       каршында  татар теленнән имтихан тоттылар.

Стартовала заявочная кампания VI Республиканского молодежного форума  "Наш Татарстан". Заявку можно подать  до 29  февраля.

1 февральдән  “Хәрби-патриотик айлык” старт алды.Бу уңайдан мәктәбебездә күп чаралар планлаштырыла. Алдагы көннәрдә башлангычлар арасында чаңгы ,шашка сөюче укучылар  өчен мәктәп беренчелегенә шашка ярышлары үткәрелсә,бүген исә 5-6 сыйныфлар  баскетболда көч сынашты. 

Озын тәнәфесләрдә башлангыч сыйныф  укучылары халкыбызның төрле җырлы-биюле уеннарын өйрәнәләр.

Районда февраль  - “Патриотик тәрбия  айлыгы”  дип игълан ителде. Бүген иртәнге линейкада укучыларыбыз айлык план  һәм  “Аҗаган” хәрби уенын оештыру нечкәлекләре белән таныштылар. Сталинград өчен сугыш һәм аның тарихи әһәмияте турында класс сәгатьләре үтте. Видеофильм һәм презентацияләр аша укучыларга сугышның аяусыз, рәхимсез булуы  һәм   Сталинград сугышында зур батырлык күрсәткән  якташыбыз Советлар Союзы Герое  Гани Сафиуллин турында тагын бик күп мәгълүмат бирелде.