1 нче класска укырга кечеләр өчен тантаналы көн 11 нче августта оештырылды. Ул көн Ташкичү, Мәмсә, Симетбаш авылыннан 1 нче класска укырга керүче 4 балага шатлыклы көнгә әверелде. Аларга портфель, уку кирәк-яраклары өләшенде. бу бәйрәмне аларга "Бердәм Россия" партиясе һәм МБГБУ "Ашытбаш урта гомуми белем мәктәбе" коллективы оештырды.

Барыбыз да сайлауларга!

   Көннәр көзгә авышты. Бакчада яшелчә уңышы мул үсте. Инде кишер, чөгендер уңышын җыяр вакыт та җитәр. "Төннәр озынайгач үсәләр тамыразыклар",-  ди торган иде әбиләр. Карагыз, ничек үскәннәр кишерләр!

   Мәктәп территориясенең арткы ягы коймаларын алыштыру эше бара. Бу эштә мәктәпнең ир укытучылары тырышып эшли. Багана утыртуда шушы мәктәпне тәмамлаган, хәзерге вакытта электр челтәре җитәкчесе Н.Нурмухамметов зур ярдәм күрсәтте.

  5 август көнне Мәмсә авылы халкы авыл уртасында агып яткан Нигъмәтҗан бабай чишмәсе янына җыйналды. Өлкәне, яше, укучы балалар - барысы да монда. "Өммегөлсем" фольклор ансамбле авыл халкын биюле-җырлы кичәгә чакырды. Максатлары - суларны саклап тоту, кадерләү, борынгы гореф-гадәтләрне кире кайтару. Кичәнең идеясен ветеран укытучы, элеккеге мәктәп директоры Рузалия Насибуллина тәкъдим иткән. Культура йорты, мәктәп, балалар бакчасы хезмәткәрләре кичәне үткәрүдә үз өлешләрен керттеләр. Ахырыдан авыл халкы чишмә суыннан кайнаган чәйдән, кайнар коймактан авыз иттеләр. Рәхмәт сезгә, өммегөлсемчеләр!

  Мәктәпнең тирэ-ягында , күз явын алырлык, чәчәкләр үсә. Ниндиләре генә юк аның! Иртә язда ләлаләр чәчәк атсв, инде җәй гөлләре шау чәчәктә утыра.

   Мәктәп яны тәҗрибә участогында  иртә яздан эш кайнады. Ел да явымлы булды. Уңышлар сөендерерлек. Кишер, чөгендер, суган, кыяр - барысы да мулдан үсте.

   2015-2016 нчы уку елында мәктәптә 64 бала укырга тиеш.  Аларның списогы әзер. Мшмсә башлангыч мәктәбе филиалында 16 укучы, Симетбаш башлангыч мәктәбе филиалында 7 укучы уку башларга әзер.

    Эле кайчан гына соңгы звонок укучыларны каникулга дәште. Бер айдан мәктәп аларны , ишекләрне киң ачып, үзенә дәшәчәк. Шуңа күрә дә әзерлек эшләре алдан башланды. 2015 нче елның 28 июленә тәрәзә-ишекләр буялып, кирәкле урыннарга ремонт ясалды. Ишек алдында  чәчәкләр хуш исләрен тарата. Бу эшләрдә мәктәп укытучылары һәм укучылары катнашты. 28 июль көнне мәктәпләрнең яңа уку елына әзерлеген тикшерү район комиссиясе булып китте. Алар эшләнгән эшләрдән канәгать булып китте, үзләре күргән кимчелекләрне бетерергә кушты.

   Тәҗрибә участогында үскән яшелчәләрне эшкәртү эшләре башланды.