Ташкичү балалар бакчасында әледән-әле төрле чаралар үткәрелә. Ул чараларга шти-әниләр, мәктәп укытучылары чакырыла. Эле күптән түгел "Әкиятләр илендә" дип аталган кичә үтте. Балалар төрле әкиятләрдән өзекләр сөйләделәр, сәхнәләштереп күрсәттеләр. 

   Мәктәптә волейбол түгәрәге эшли башлагач, укучылар бик теләп түгәрәккә йөри башладылар. Каникул чорында да спортзал ишекләре ябылмады. Көн саен укучылар занятиеләрен үткәрделәр, студентлар, авыл яшьләре көн саен килеп, укучылар белән үзләренең көчләрен сынаштылар.

   Каникул көннәрендә укучылар өчен кызыклы чаралар планлаштырылды. "Мәмсә башлангыч гомуми белем мәктәбе" филиалында 4 ноябрь көнне "Табышмаклар һәм әкиятләр кичәсе" үткәрелде.  М.М.галиева башта укучыларны Халыклар дуслыгы көне белән таныштырды. Укуның кирәклеге, укучылар өчен кызыклы әкиятләр һәм табышмаклар иленә дәште. Кичә вакытында укучылар үзләрен сынадылар, күп укырга, фәннәрне тирәнтен өйрәнергә кирәклегенә төшенделәр. 

  5 ноябрь көнне башлангыч класс укучылары арасында математика фәненнән олимпиада үткәрелде. Бу олимпиадада 2 класс укучысы Гайфуллина 3 класс укучысы Фаттеров Фәнгиз уңышлы катнаштылар. 3 класс укучысы Фәнгиз 3 нче призлы урынны яулады. Котлыйбыз!

     4 ноябрь - Халыклар бердәмлеге көне уңаеннан мәктәптә укучылар, укытучылар, авыл яшьләре арасында волейбол ярышлары булып узды. барлыгы 5 команда җыйналды. Укытучылар командасы авыл яшьләре командасн җиңеп, турнирның җиңүчесе булды.

   Бүген авыл китапханәсендә башлангыч класс укучылары өчен "Халыклар дуслыгы бәйрәме" темасы астында чара оештырылды. Чараны китапханә мөдире В.Мостафина әзерләде һәм алып барды. Ул укучыларны бәйрәм тарихы, кызыклы вакыйгалар белән таныштырды. "Мәдәни көндәлек" тутырырга ярдәм итүче викторина сорауларына җавап алынды, тарихи истәлекләр укылды.

   2 ноябрь  көнне МБГБУ "Ташкичү төп гомуми белем мәктәбе" - "Мәмсә башлангыч гомуми белем мәктәбе" филиалында ата-аналарның гомуми җыелышы булды. Көн тәртибендә укучыларның белем алу дәрәҗәсе, аларны киләчәккә әзерләү, ныклы белем бирү юллары ачыклау мәсьәләләре торды. Укучыларны ЕГЗга әзерләү, ата-аналарның бурычлары турында сөйләшү алып барылды. Җыелышта мәктәп директоры И.И.Гибадуллин, укыту эшләре буенча директор урынбасары М.З.Гарифҗановлар катнаштылар, чыгыш ясадылар.

    Ура! Каникуллар! Бүген каникулның беренче көне. Мәктәп укучылары район буенча узачак волейбол ярышларында катнаша. Аларга уңышлар телик!

   Башлангыч класс укытучылары эледән -эле укучыларны кызыксындыру, буш вакытларын кызыклы үткәрү өстендә эш алып баралар. Бүген алар "Башваткыч" уены үткәрделәр. Укучылар табигать күренеше, хайваннар, кошлар, көнкүреш кирәк-яраклары турында сөйләштеләр, укучыларның тизлеген, фикер йөртү сәләтләрен ачыкладылар. Уен-ярышта 3 нче класс укучысы Фәттеров Фәнгиз җиңеп чыкты.

   Тарих, җәмгыять белеме укытучысы Р.Р.Хакимзянова халыклар бердәмлеге көне уңаеннан класстан тыш чара ткәрде. Ул илебезнең үткәне, патшалары, власть өчен көрәш һәм фетнәле еллар турында эчтәлекле чыгыш ясады. Пожарский һәм Минин ополчениесе, Иван Сусанин батырлыгы турында белемнәрне тулыландырды.