14 апрель көнне Арчаның 3 нче номерлы мәктәбендә Г.Тукайның мирасын өйрәнүгә багышланган "Без - Тукайлы халык"дип аталган V Республикакүләм Г.Тукай укулары булып узды. Бу укуларның финал өлешендә мәктәпнең 8 класс укучысы Салахова Динә катнашты. Ул "Г.Тукай - күпкырлы шәхес" номинацисендә чыгыш ясады, Дипломга лаек булды. Динәне бу укуларга татар теле һәм татар әдәбияты укытучысы Р.С.Шагидуллина әзерләде.

   Тирә-якны чистарту икеайлыгы дәвам итә. Мәктәп янын, авыл территориясен чистарту эше дәвам итә. 6 класс укучылары, гадәттәгечә, Бөек Ватан сугышнда һәлак булган авылдашларыбыз хөрмәтенә куелган обелискны чистарту өстендә эшләделәр. Кар тараттылар, тирә-яктагы чүпләрне җыйдылар. Тиздән һәйкәл янында чәчәк утырту өстендә эш оештырылачак.

    Наркотик кулланмауга карата көрәш кысаларында, мәктәптә "Әзер бул!" акцясе узды. "SаMоsтоятельные дети" проекты группасы укучылары бу чарага алдан әзерләнделәр: плакатлар ясадылар, махсус әдәбят белән таныштылар. Урамда, кибеттә, кече предприятеләргә кереп, наркотикка каршы көрәш чаралары белән таныштырдылар, "Мин наркотикларга каршы!" дигән акцияне раслатып, куллар куйдырттылар.

   12 апрель көнне Казан әһәренең Пирамида күңел ачу комрлексында "Илһам" Бөтенроссия яшь язучылар бәйгесенең йомгаклау утырышы булды. Бу бәйгедә мәктәбебезнең 9 класс укучысы Касимова Илүзә катнашты һәм бәйгенең Дипломанты булды. Илүзәгә иҗат эшендә зур уңышлар телибез, журналист булырга дигән хыялың тормышка ашсын!

   Бүген мәктптә Ю.Гагаринның галәмгә очуына 55 ел тулу уңаеннан Ю,Гагарин белән 108 минут космоста" акциясе үткәрелде. 7 класс укучылары беренче космонавтның космоска очу турында чыгышлары тыңланды. Алар Ю.Гагарин, космоска очу турында кызыклы мәгълүматлар  белән таныштырдылар. Китапханә мөдире Ф.Ф.Хабибуллина авыл китапханәчесе В.Ф.Мустафина белән космоска багышланган китап күргәзмәсе оештырды. Физика укытучысы М.М.Гайфуллин укучыларга кызыклы сораулардан торган викторина әзерләгән иде. Сынлы сәнгать укытучысы Р.Р.Хакимзянова укучылар эшләреннән рәсем күргәзмәсе оештырды.Акция  файдалы үтте.

    Республикада һәм районда тирә-якны чистарту буенча икеайлык игълан ителде. Бу акциягә мәктәп коллективы да кушылды. Тирә-якта кар оемнәре. Бу - чистарту эшенә комачаулый. Шуңа күрә эшне карларны тарату, канаулар казудан башладык. Беренче өмә шимбә көнне узды.

    8 апрель көнне Ш.Мәрҗани исемендәге тарих Институты Әтнә районы Комургуҗа урта мәктәбе белән берлектә Ш.Мәрҗани исемендәге республика фәнни-гамәли конференциясе  оештырды. Конференциядә тарих укытучы Р.Р.Хакимзянова катнашты һәм "Милләт өчен тугры хезмәт итәм" секциясендә уңышлы чыгыш ясады, 3 нче призлы урын яулады.

  Бөек Тукайга 130 ел! Һәрбер әдәбият, туган телне сөюченең күңелендә шушы исем!  "Г.Тукая исемендәге Ашытбаш урта мәктәбе" МБГБ учреждениесе кысаларында да Г.Тукайга багышланган "Тукай төрле телләрдә яңгырый" дип аталган яшь иҗатчылар конкурсы булып узды. Үз әсәрләре белән бу бәйгедә мәктәптә укучы 10лап бала катнашты. Шулардан Касимова Илүзә,Ахмадуллин Илнур, Гараев Әсгатьләр конкурсның финал өлешенә уздылар. 6 нчы апрель көнне алар шушы бәйгенең йомгаклау тантанасына катнаштылар. Тантанадан укучылар рухланып кайттылар.

   Симетбаш башлангыч мәктәбе укучылары да кошлар көненә ныклап әзерләнде. Кош оялары ясалды, аларны элеп кую оештырылды. Бүгенге көндә мәктәп тирәсен чистарту эше бара.

   Бүген мәктәптә "ГТО  нормативларын үтәргә әзер без!" дип аталган акция узды. Дәретән соң барлык укучылар, хезмәткәрләр спорт залына җыйналдык. Линейкада Гто нормативлары, аларны тапшыру торышы турында физик культура укытучысы А.З.Багавиев чыгышы тыңланды. Акцияукучылар һәм укытучылар командалары арасында волейбол ярышлары белән дәвам итте. Ахырыдан укучылар ГТО нормативлары тапшырып карадылар. Акция оешкан төстә узды.