Быел мәктәптә өч группа укучылар өчен "Арча" спорткомплексы тарафыннан оештырылган түгәрәк эшли башлады. Укучылар бу түгәрәккә бик теләп йөриләр. Яңа Кенәр авылында, Арча шәһәрендә узган ярышларда катнаштылар, үзләренең уйнау сәләтләрен тирәнәйтәләр. 

   15 октябрь көнне мәктәптә укучы балаларга медицина күзәтүе узды. Яңа Кенәр участок больницасы балалар врачы Р.Р.Аксакова укучыларның сәламәтлеген тикшерде, хзенең киңәшләрен бирде. Ахырыдан класс җитәкчеләре, ФАП хезмәткәрләре белән укучыларның сәламәтлеген саклау юллары турында киңәшләрен бирде.

   Мәктәптә укучыларны имтиханнарга әзерләү эше дәвам итә. Бүген 9 класс укучылары рус теленнән ОГЭ форматында контроль эш башкардылар.

Җилдәй җитез узып киткән гомер, 
Күпме юллар сизми узылган. 
Якты хатирәләр юл буена 
Гүя маяклар күк сузылган. 
*** 
Чәчләрдәге көмеш картлык түгел, 
Шаулап узган тормыш билгесе, 
Тырыш хезмәт, күпме түгелгән тир, 
Ирешелгәннәрнең көзгесе. 
   Хөрмәтле Нурия Ильдаровна! Олы юбилеегыз белән котлыйбыз!  Сез барлык гомерегезне балалар тәрбияләүгә багышладыгыз! Укучыларыгызның Сезне сагынуы олы бәхет түгелме?! Ныклы сәламәтлек, куанычлар юлдаш булсын!

   Мәктәптә өстәмә белем бирү эшчәнлеген күзәтү ункөнлеге бара. Укучыларның түгәрәкләргә йөрүләре күзәтелә. Укучылар бигрәк тә волейбол түгәрәгенә теләп йориләр.

9 октябрь көнне мәшгульлек үзәге тарафыннан 14 яше тулган укучыланың эшкә хәвәслеген билгеләү максатында очрашу үтте. Укучылар һөнәрләр, аларның хезмәт базарында тоткан урыннары турында белгечләрдән информация алдылар. Тест барышында, нинди хезмәт алар өчен актуаль булуы ачыкланды.

   Бүген территорияне кышка әзерләү буенча өмә үткәрдек.

   Бүген 9 класста математикадан сынап карау имтиханы үткәрелде.  Укучылар имтихан үтү проөцдурасы белән таныштылар, үзләрен сынап карадылар.

  Укучылар укытучыларнв халыкара укытучылар көне белән котлау оештырдылар

Рус шагыйре С.Есенинга 3 октябрьдә  120 ел.  Шушы уңайдан рус теле һәм әдәбияты укытучылары А.Т.Ахмадуллина, Р.И.Фаттерова әдәби кунакханә оештырдылар. Шагыйрьнең биографиясе, тормышы, иҗаты өйрәнелде, шигырьләре, аның шигырьләренә иҗат ителгән җырлар тыңланды.  Бөек шагыйрьнең иҗатына багышланган күргәзмә китапханәдә оештырылды.