23 февраль - Ватанны саклаучылар көне. Шушы уңайдан классларда "Батырлык дәресләре" үткәрелде. Бу дәресләрдә Россия кораллы көчләре оешу тарихы, илне саклаучыларның батырлыгы, бүгенге көндә Россия кораллы көчләре сафларында хезмәт итүчеләр турында сөйләшү алып барылды.

    Г.Тукайның 130 еллыгына багышланган чаралар дәвам итә. Татар теле һәм әдәбияты укытучысы А.Т.Ахмадуллина 6 класс укучылары белән "Г.Тукай -әкиятче" темасына класстан тыш чара үткәрде. Чарада Г.Тукайның әкиятләре искә төшерелде. Тукай әкиятләрен иң күп белүчеләр конкурсы оештырылды.

   Авыл китапханәчесе мөдире В.Мостафина - укучыларның көтеп алган дусты. Ул һәрвакыт укучылар янына нинди дә булса яңалык, кызыклы кичәләр оештырырга килә. Бүген дә ул Г.Тукайның 130 еллыгына багышланган кичә оештырды. Кичәгә 8-9 класс укучыларын,  теләгән авылдашларны дәште. Кичәдә Г.Тукайның үлемсез шигырьләре, кабатланмас биографиясе кабат искә төшерелде. Уеннар, викторина аша ул укучыларның белемнәрен арттыруга иреште. Туган телне, Тукай телен саклау проблемаларын күтәрде.

   21 феврвль - туган тел көне. Шушы уңайдан мәктәптә класстан тыш чара үткәрелде. Укучылар татар теле һәм татар әдәбияты укытучылары А.Т.Ахмадуллина, Р.С.шагидуллина  белән зур чара үткәрделәр. Бу чарада туган телнең әһәмияте, аны саклау проблемалары күтәрелде. Туган телне ярату, аны үстерү турында фикерләр алышынды.

   Мәктәптә "Хәтерләр маршы" акциясе дәавм итә. Бүген Россия кораллы көчләрендә хезмәт итүче егетләргә хат җибәрү оештырылды. Иң яхшы дип табылган хатлар Ростов, Саратов өлкәләренә китте. Егетләрдән хат көтеп калабыз!

   Бүген мәктәпкә кунакка солдат анасы - ветеран укытучы Нурия Салаховна Мухамадиева килде. Ул тормыш иптәше Равил әфәнде белән 2015 нче елның көзендә улы Рөстәмне Россия кораллы көчләренә озаткан иде. "Илләр тыныч булсын, аналарга күз яше түгәргә туры килмәсен. Бәйрәм көннәре якынлашканда улымны һәм безнең гаиләне сөендергәнегез өчен мин мәктәп коллективына, СМС дети проекты балаларына бик рәхмәтле!" - диде ветеран укытучы. Ул улы Рөстәм, аның классташлары турында укучылар белән үз фикерләрен алышты. Чөнки ул шул классның җитәкчесе иде. Бүгенге көндә Нурия Салаховна класс җитәкчесе булган класстан 2 укучы - Низамиев Динар һәм Мухамадиев Рөстәм - армия сафларында хезмәт итә. Икесе дә югары белем алганнан соң кораллы көчләр сафына чакырылдылар. Бәйрәм белән сезне, егетләр!

   Бүген бөек шагыйрь Муса Җәлилнең туган көне. Шушы уңайдан мәктәптә татар теле һәм әдәбияты укытучылары А.Т.Ахмадуллина һәм Р.С.Шагидуллина  "Гомерем минем моңлы бер җыр..." дип исемләгән батырлык дәресе үткәрделәр. Бу дәрестә М.Җәлил, аның көрәштәшләре батырлыгы турында сөйләшү алып барылды, үлмәс шигырьләре укылды, М.Җәлил сүзләренә язылган һәм аның батырлыгын данлаган җырлар башкарылды.

    Кече яшьтәге мәктәп укучылары очен "Без - Җәлил оныклары" дип аталган КВН булып узды. 5-6 класс укучылары кунакка башлангыч класс укучыларын да чакырганнар иде. Кичәдә М.Җәлилнең  тормышы, үлмәс шигырьләре искә тошерелде. Тоткынлыкта туган илгә мәхэббәт хисләре белән сугарылган шигырь юллары искә тошерелде. Башлангыч класс укучылары бүләк итеп М.Җәлил җырларын, шигырьләрен башкардылар. Кичә бик күңелле узды.

 Бүген 9 класс укучылары сайлаган фәннәрдән сынау үтеп карыйлар. Укучылар биология, җәмгыять белеме, физика, информатика, химия  фәннәрен сайладылар. Бүген алар шул имтиханнарның берсен биреп карыйлар.

    Хәрби-патриотик айлык кысаларында полиция подполковнигы Р.Г.Рахматуллин белән очрашу булды. Ул полиция хезмәткәрләренең тынгысыз хезмәте белән таныштырды. Хокук бозуларны кисәтү буенча лекция укыды.