Бүген Мәмсә балалар бакчасында чыршы бәйрәме узды. Балалар чыршы тирәсендә уйнадылар, җырладылар, биеделәр. Балаларны котларга Кыш бабай килде. Ул балаларны бәйрәм белән котлады, чыршы тирәли әйлән-бәйлән уйнатты, бүләкләр өләште.

   9 класс укучылары өчен каникуллар ОГЭга әзерләнү өчен бик уңайлы вакыт. Чөнки бар вакытны ОГЭга әзерләнү өчен бирергә мөмкин. Бу мөмкинлекне мәктәп укучылары кулдан ычкындырмаска булдылар: рус теле фәненнән консультациягә җыелдылар.

   Каникулның беренче көнендә авыл китапханәсендә башлангыч класс укучылары өчен "Тукай әкиятләрен яратабыз!" темасы астында кичә узды.

   25 декабрь көнне Татнефть Арена бинасында Татарстан Республикасы Президенты елкасы булып узды. Анда Татарстан Республикасының төрле төбәкләреннән укуда иң алдынгы, җәмәгать эшендә иң актив укучылар катнашты. Бу чарада мәктәпнең иң уңган укучысы Илүзә Касыймова катнашты. Ул елка, андагы атмосфера, бәйрәм тантанасында туган фикерләре белән иптәшләре белән уртаклашты.

   Бүген мәктәптә Яңа ел бәйрәмнәре оештырылды. Башлангыч класс укучылары төштән соң чыршы тирәсендә бәйрәм иттеләр. Өлкән класс укучылары өчен бәйрәм 17.00 сәгатьтә оештырыла.

Мәктәптә "Котлы булсын Яңа ел" дигән девиз астында  бәйрәм открыткалары ясау конкурсы оештырылды. Һәр класс укучылары бу конкурста бик теләп катнашты. Нәтиҗә Яңа ел бәйрәме тантанасында укучылар тарафыннан чыгарылачак.

   22 декабрь көнне 9 класс укучыларының әти-әниләре, укучылар составынлда ОГЭга әзерләнү, киләчәкне сайлау буенча эшлекле сөйләшү булды. Укытучылар имтиханнарга әзерлек торышы, киләчәктә аларга ярдәм итү мәсьәләләренә тукталдылар. Әти-әниләр укучыларгаүзләренең киңәшләрен бирделәр.

   Касимова Илүзә  районның Г.Ахунов исемендәге премиясенә "Проза" номинациясендә лаек булды. Районда үткән конференциядән ул бик канатланып кайтты. Чөнки ул анда Г.Ахуновның кызы, атаклы язучылар белән очрашты. Аның үзенең дә мәкаләләре әледән-әле газета-журнал битләрендә урын ала. Киләчәктә ул үзенең гомерен журналиситика белән бәйләргә уйлый.

   Укучылар Бөтенроссия һәм республика укучылар олимпиадасының муниципаль этабында уңышлы чыгыш ясыйлар. Татар әдәбияты буенча узган олимпиадада 7 класс укучысы Гатиятуллина Алия уңышлы чыгыш ясады, призлы урынга лаек булды.

   Яңа ел якынлаша. Укучылар бәйрәмне уңышлы каршыларга әзерләнәләр. Елка бәйрәменә әзерлек бара, Бөтенроссия укучылар олимпиадасының муниципаль этабында катнашабыз, инде , кар аз булса да, сыннар ясарга керештек.