17 июнь - Юмор һәм көлке көне. Бәйрәм уңаеннан уткәрелгән конкурслар, уеннан, викториналар нәтиҗәләреннән чыгып, ” Иң шаян кыз”, “ Иң шаян егет” исемнәрен бирдек. “ Елмаю бүләк ит” исеме астында асфальтта рәсем конкурсы уздырылды.

18 июнь – Кызлар көне. Бүгенге көнебез сылу кызларыбызга багышланды. Кызлар арасында төрле ярышлар, конкурслар уздырылды. “Иң озын толым”, “ Отряд чибәре” билгеләнде. Малайлар тарафыннан котлау плакатлары, газеталар ясалды. Кул эшләре, сувенирлар бүләк ителде.

16 июнь - Гиннес рекордлары көне. Балалар Сабантуйда милли уеннарда катнашып үзләренең көчләрен сынадылар. Бәйрәм күңелле үтте.

      «Акчарлак» лагере. Инструктаж уздырганнан соң, иртәнге зарядка ясалды. Коллектив бердәмлеге булдыру өстендә коллектив уен уйнатылды. Көн хезмәт десанты белән дәвам итте. Мәктәп тәҗрибә участогында чабылган печән тырмаланды, чәчәклектә чүп уталды. Көндезге аштан соң саф һавада уеннар уйнатылды.

      Бүген бездә Дуслык көне.Иртәнге инструктаждан соң “Сулыкларда үз-үзеңне тоту” кагыйдәләре аңлатылды.Көн дәвамында “Дуслыкның кадерен бел”, Дуслык елмаюдан башлана” темаларына уен - викториналар, әңгәмәләр, үткәрелде. Дуслык турында җырлар өйрәнелде,музыкаль сәламнар тапшырылды.

        Буген лагерыбызда юл йөрү кагыйдәләрен өйрәнү көне. Иртәнге зарядкадан соң “ Сәламәтлек минуты”, “Мин һәм юл” исемле әңгәмә, инструктаж үткәрдек. “Нәрсә? Кайда? Кайчан?, “Син юл кагыйдәләрен беләсеңме?” кебек викторина, эстафеталар оештырылды. Инспектор Нигъматуллин Мансур абыйлары балаларга үз – үзеңнең сәламәтлегеңне һәм иминлегеңне сакларга өйрәтте, киңәшләрен бирде. “ Күңелле светофор” исемле кул эшләре конкурсында балалар кызыксынып катнаштылар.

       «Акчарлак» лагере үзенең эшен иртән балаларга куркынычсызлык кагыйдәләре аңлату белән башлап җибәрде. Иртәнге аштан соң “ Юл кагыйдәләрен яхшы белүче” дигән турнир уздырылды.Мәктәп яны тәҗрибә участогында эш оештырылды: кыяр утыртылды, кабак түтәлләрендәге чүп уталды, парниктагы помидорлар бәйләнде. Сәламәтлек сәгатендә “Алкоголизм ,тәмәке тарту һәм наркомания” дигән темага әңгәмә уздырылды. Төшке аштан соң, укучылар арасында шахмат ярышы уздырылды.

     «Акчарлак» лагере бүген үз эшен дәвам итте. Хезмәт куркынычсызлыгы кагыйдәләре кабат искәртелде. Иртәнге ашны ашагач, өстәл теннисы буенча ярыш уткәрелде. Экологик теманы чагылдырган фильм карау балаларда зур кызыксыну уятты. Мәктәп яны тәҗрибә участогында чәчәк үсентеләрен күчердек ,парникка су сиптек. Төшке аштан соң, кәгазь эшләнмәләр эшленде.

     Буген 12 июнь - Россия көне. Шул уңайдан “Туган ил кайдан башлана” дигән темага әңгәмә үткәрелде, Россиянең символлары искә төшерелде. “Туган илеңне беләсенме?” темасына викторина оештырылды. Укучылар бик кызыксынып Россиянең һәм Татарстанның спилс – карталарын төзеделәр. Туган ил турында яңа җырлар өйрәндек, караокега кушылып җырладык.

     Бүгенге матур кояшлы көнне лагерыбызда Җәй көне итеп үткәрдек. “Минем җәйге хыялым” исемле рәсем конкурсы , “Безнең күңелле отряд” уеннар ярышы бик күңелле үтте. Балачак иленә сәяхәткә бардык. Спорт сәгатендә җитезлектә ярыштык. Көнебез бик матур һәм күңелле үтте.