Бүген Ташкичү  балалар бакчасында тәрбияләнүчеләрнең Яңа ел чыршысы булып узды.  Нәниләр Кыш бабай белән Кар кызын зарыгып көтеп алдылар, үзләренең җыр-биюгә осталыкларын күрсәттеләр, төрле әкият геройлары белән очраштылар. Бу бәйрәмдә Ташкичү мәктәбе укучылары да актив  катнашты. Бәйрәм бик күңелле узды.

Кышкы каникул коннәрендә Симетбаш башлангыч мәктәбе укучыларын китапханәче Гөлнара апалары кунакка чакырды.  Укучыларны китапханәгә кайткан яңа китаплар белән таныштырды.

  Бүген Арча мәдәният йортында  чыршы бәйрәме булды. Бу бәйрәмдә мәктәбебезнең 7 сыйныф укучылары Галәветдинова Фирдинә һәм Галимҗанова Азалия катнашты. Әлеге бәйрәм балаларга истә калырлык чын Яңа ел бүләге булды.

25 декабрь көнне Яңа ел бәйрәмнәре гөрләп үтте. Иртәнге якта 1-5 сыйныф укучылары бәйрәме булса, кичке якта 6-9 сыйныф укучылары бәйрәм итте. Һәр сыйныф үзенең матур чыгышларын тәкъдим итте. Укучылар бу бәйрәмгә бик тырышып әзерләнделәр. Үзенчәлекле матур сценарийлар, театральләштерелгән тамашаларда укучылар актив катнаштылар. Укучыларның әти-әниләрен рәхмәт хатлары бирелде. Кар сыннары һәм Яңа елга багышлап чыгарылган газеталар буенча конкурс нәтиҗәләренә йомгак ясалып, җиңүче классларга бүләкләр тапшырылды.

    Укучылар өчен төрле конкурслар оештырыла. Мәктәп укучылары бик теләп IT-чемпион конкурсында катнаштылар. 4 класс укучылары классы шушы конкурста җиңүче булдылар. Класс җитәкчесе - Камалиева Мәүҗидә Миннәхмәтовна

    Татар теленнән республика олимпиадасының муниципаль туры узды. Бу турда 7 класс укучысы Галимзянова Азалия зур җиңүгә иреште, муниципаль этап призеры булды.

    Азалия мәктәп, район, республика күләмендә уза торган төрле чараларда актив катнаша. Җиңүләр яулый. Азалиягә киләчәктә тагын да зуррак уңышларга ирешүен теләп калабыз.

   18 нче декабрь көнне мәктәп укытучылары һәм укучылары Социалистик Хезмәт Герое, Яңа Кенәр урта мәктәбендә күп еллар рус теле һәм әдәбияты укытучысы Стелла Зәкиевна Габдрахманова белән очраштылар. Бу чараны ветеран укытучы Рузалия Ибраһимовна Насибуллина оештырды. Ни өчен Стелла Зәкиевна Ташкичү халкы, Ташкичү төп мәктәбе коллективы белән очрашты соң?

      Беренчедән, Рузалия Ибрагимовна Стелла Зәкиевнаның тормышы, хезмәте турында "Акланган өметләр" дип аталган китап язды. Икенчедән, Стелла Зәкиевнаның Ташкичү авылында укучылары бихисап. Бу кичәдә Стелла Зәкиевнаның тормыш юлы, хезмәте кабат искә төшерелде, истәлекләр яңартылды. Стелла Зәкиевна шушы кичәне оештырганнары өчен Рузалия Ибрагимовнага, катнашкан укучыларына, аның тормыш юлын бертавышсыз тыңлап утырган мәктәп укучыларына чиксез рәхмәтен белдерде.

Мәмсә мәктәбендә кардан сыннар ясалды.Мәктәп каршында һәркөнне һәркемне Кыш бабай һәм Кар кызы каршы ала.

Симетбаш башлангыч мәктәбе укучылары зур түземсезлек белән Яңа елны көтәләр. Сыйныф бүлмәләрен бизәделәр, шигырьләр һәм җырлар өйрәнәләр.Бик тырышып мәктәп янына кардан чыршы да ясап куйдылар. Кыш бабайны гына көтәсе калды.

Кыш бабай килгәч, булачак

Котлаулар да,бүләк тә!

Яңа елда чынга ашар

Безнең бөтен теләк тә

2018 нче елның ноярь аенда Казан шәһәренең Ш.Мәрҗани исемендәге мәдрәсәсе Ш.Мәрҗанинең 200еллыгына багышлап сочинение һәм фотосүрәт конкурсы оештырды. Бу конкурска безнең мәктәп укучылары да бик теләп катнаштылар. Конкурс нәтиҗәләре буенча, 6 класс укучысы Ибатуллина Гөлия 2 нче урын яулады. Гөлиягә Диплом һәм истәлекле бүләк тапшырылды. Касимова Алсу, Галимзянова Азалия, Гараев Әсгат, Гараев Исхак, Галяветдинова Ралинәләр Лауреат Дипломы белән бүләкләнделәр. Барлык укучылар да Казан шәһәренең Ш.Мәрҗани исемендәге мәдрәсәсендә булдылар, мәдрәсә музее белән таныштылар.