Традиция буенча 1 июнь - халыкара балаларны яклау көне. Бу көнгә укучыларга төрле онлайн-конкурсларда катнашырга тәкъдим ителде. Рәсем конкурсы, туган якның табигатен тасвирлау буенча фото конкурс, балалар тормышын чагылдырган фото конкурс. Бу конкурслар 15 июньгә кадәр дәвам итәчәк.

    Матур, җылы көннәр җитте. Яз аенда чәчкән орлыклардан үсентеләр матур булып үсеп киттеләр. Аларны ачык грунтка чыгару эше башланды. Саклык чаралары күреп эшләнә чәчәк утырту. Җәй көнендә бу үсентеләр шау чәчәктә утырыр.

   9 класс укучылары онлайн-проект эшләрен тапшырдылар. Комиссия аларның эшләрен җентекләп тикшерде, сораулар биреп, укучыларның максатларына ирешү юлларын ачыкладылар. Барлык эшләр дә уңай бәяләнде.

    Сегодня - День провозглашения ТАССР. 27 мая 1920 года Постановлением ВЦИК и Совнаркома РСФСР провозглашена автономная республика в составе  РСФСР,  С этрого дня начинается новая страница жизни Татарской Республики. В связи с этим на пришкольном участке школы были посажены цветы.

    Бүген, онлайн режимда, 9 класс укучылары  өчен соңгы кыңгырау чыңлады. Укучылар. әти-әниләр мәктәпкә булган тирән хисләрен җиткерделәр. Мәктәпне тәмамлаучы 5 укучы да төп белем курсын уңышлы тәмамладылар. Кайберләре укуларын урта мәктәптә, кайберләре махсут урта белем бирүче уку йортларында дәвам итәчәк. Ә бүгенгә алар безнең мәктәп белән саубуллаша. Ак юллар сезгә, 9 классны тәмамлаучылар!

   1-8 класс укучылары өчен 2019-2020 нче уку елы төгәлләнде. Бу классларның ата-аналары өчен дистанцион класс җыелышлары узды. Җыелышта уку йомгаклары, җәйге каникулны оештыру, куркынычсызлык кагыйдәләрен үтәү мәсьәләләре каралды.

   2019-2020 нче уку елын төгәлләү башка елларга караганда үзенчәлекле булды. 1-8 класс укучылары өчен уку елы 23 майда, 9 класс укучылары өчен 30 майда төгәлләнә.  Җәйге каникулларны файдалы, хәвеф-хәтәрсез үткәрегез!

   Бүген дистанцион рәвештә классларда"ТАССРга - 100 ел" дип аталган тәрбия сәгатьләре узды.

    Республикада һәм районда "Тарихны шәхесләр тудыра" ("История в лицах") дистанцион акциясе башланды. Укучылар, укытучылар белән берлектә, туган мәктәбебезне тәмамлап, илебезнең төрле почмакларында яшәүче, татар халкының тарихын дәвам итүче шәхесләрне барлыйлар, алар турында истәлекләр туплыйлар. Шундый шәхесләрдән күп еллар  "Бәкер" шифаханәсе директоры булып эшләгән Ф.И.Ибраһимов, Свердловск өлкәсендә  Татарстан Республикасы вәкиллеге рәисе урынбасары Ф.А.Сафиуллина, илебезнең авыл хуҗалыгын күтәрүдә үзеннән зур өлеш керткән И.Г.Валиев, танылган журналист Р.Г.Фатхрахманов, атказанган авыл хуҗалыгы хезмәткәрләре, укытучылар, табиблар һәм башкалар турында материаллар туплана.

   Быелгы истәлекле даталарның тагын берсе - Татарстан Республикасы төзелүгә 100 ел тулачак. Бу уңайдан да укучылар белән эзләнү эшләре алып барыла. Газета-журнал материаллары белән танышабыз, ТАССР төзүгә зур өлеш керткән шәхесләрнең биогафияләрен өйрәнәбез.