МБОУ «Ташкичинская основная общеобразовательная школа» Арского муниципального района РТ/Татарстан Республикасы Арча муниципаль районының «Ташкичү төп гомуми белем мәктәбе» муниципаль бюджет гомуми белем учреждениесе
Визитная карточка
Адрес: | 422039, РТ, Арский район, д. Ташкичу, ул. Ленина, д. 36\Татарстан Республикасы Арча районы, Ташкичү авылы, Ленин урамы, 36 нчы йорт |
Телефон: | +7(843)-669-05-22 |
E-Mail: | sch524@bk.ru |
Министерство: | Министерство образования и науки Республики Татарстан |
Короткое название: | МБОУ "Ташкичинская ООШ" |
Руководитель: | Сабирзянова Гулия Радиковна |
Год основания учреждения: | 1929 |
У нас учатся: | 53 Бездә укыйлар: 53 укучы |
У нас учат: | 13/Бездә укыталар 13 укытучы |
МБОУ «Ташкичинская основная общеобразовательная школа» Арского муниципального района РТ/Татарстан Республикасы Арча муниципаль районының «Ташкичү төп гомуми белем мәктәбе» муниципаль бюджет гомуми белем учреждениесе - новости
Страницы: << ( 181 ) 182 183 184 185 186 187 188 189 190 >>
-
Катнашыгыз!
16.01.2017
Арча муниципаль районында укучыларның"НУР" дип аталган телестудиясе эшли. Бу телестудиягә йөрүчеләр матур итеп сйләшергә, телевизион тапшырулар төшерү серләренә өйрәнә. "НУР" телестудиясе республикабыз, Россия Федерациясендә күп төрле ярышларда катнашып, зур җиңүләр яулаган коллекив. Шушы коллектив 2016 нчы елның 17 январенда татар телендә сөйләшүче укучылар өчен кастинг уздыра. Кастинг Арча укучылар сараенда 15.00 сәгатьтә башлана. Кастингта 7-8 класс укучылары катнаша ала. Кастингтан узган укучыларга бушлай күнегүләр оештырылачак. Рәхим итегез, үзегезне сынап карагыз!
-
Спорт ярышларында
09.01.2017
Кышкы каникуллар сиздермичә узып та китте. Балалар өчен районда, мәктәптә, авыл Мәдәният йортында, китапханәдә күп төрле чаралар узды. Мәктәп укучылары район күләмендә узган спорт ярышларында да катнаштылар. Бадминтон буенча узган ярышта 8 класс укучысы Шәйхетдинов Булат 2 нче урын яулады. Котлыйбыз, Булат!
-
Әбиемнең сандык серләре
06.01.2017
Ташкичү Мәдәният йорты, авыл китапханәсе, мәктәп коллективы кышкы каникул чорында укучылар өчен әледән –әле кызыклы чаралар үткәрә. Чираттагы чара “Әбиемнең сандык серләре” дип аталды. Кичәгә авылның олысы-яше чакырылды. Чарада сандык, аның эченә яшерелгән серләр ачылды. Сер дигәнебез – чиккән сөлгеләр, бизәнү әйберләре, читек, калфак, түбәтәй... Дөрес, бу әйберләр белән без көн дә очрашабыз. Ләкин алар кайдан килеп чыккан, ни өчен чигелгән? Сәбәбе гади икән – күз тигәннән саклый икән безне чигелгән әйберләр!
Укучылар кичәдә Сабантуй күрке – сөлге, кызларның сөйгәненә ядкәре – чиккән кулъяулык, балаитәкле күлмәк белән таныштылар. Читек ничек барлыкка килә – шул серне төшенделәр.
Өлкән буын вәкилләре укучыларга моңлы, борынгы җырлар бүләк итте, укучылар сикереп-сикереп биеделәр, шигырьләр сөйләделәр. Кичә бик эшлекле рухта узды.
-
Барыбыз да - чаңгыга!
05.01.2017
5 январь - "Барыбыз да - чаңгыга!" көне итеп игълан ителде. Мәдәният йорты яны иртәдән мәш килде! Чонки анда чаңгы ярышларына старт бирелә. Ә финиш - мәктәп ишек алды. Мәктәп ишек алдында ярышта катнашчыларны тәмле коймак, бүләкләр көтеп тора иде. Бәйрәмгә укучыларның әти-әниләре, әби-бабалары да килгән иде. Ярыш тәмамлануга , ярышта катнашучыларны тәмле пылау, коймак белән чәй көтә иде. Бәйрәм күңелле узды.
-
Чаңгы юллары салабыз
04.01.2017
Яңа елның беренче көннәре карлы килде. Салынган чаңгы эзләре калын кар астында калды. Бүген төшкә кадәр башлангыч, төштән соң 5-9 класс укучылары чаңгы юлларын тәртипкә китерде.
-
Укучылар өчен дискотека
03.01.2017
Ташкичү авылы Культура йорты һәм авыл китапханәсе хезмәткәрләре, мәктәп белән берлектә, укучылар өчен әледән-әле кызыклы һәм мавыктыргыч чаралар оештыралар. Чираттагысы 3 январь көнне узды. Укучыларны якты залда Кыш бабай, Кар кызы каршы алды. Алвр укучыларга кызыклы уеннар, башваткычлар әзерләгәннәр иде. Бию катыш бәйрәм укучыларга да, алар белән килгән әти-әниләренә, әбиләренә дә бик ошады. Кичә укучылар өчен дискотека белән дәвам итте. Укучылар өчен Культура йорты алдында да төрле уеннар оештырылды.
-
Хуш киләсең, Яңа ел!
31.12.2016
Яңа 2017 нче ел да килеп җитте. 2016 нчы ел безнең мәктәп өчен капиталь ремонт елы булып истә калачак! Мәктәбебез яңарды, яктырды, тагын да җылыракка әйләнде! 2016 нчы ел якташыбыз Мәхмүт Галәүгә 130 ел тулу белән безнең истә калачак. Аның оныгы Олег Надирович, оныкчыгы Анастасия Олеговна белән очрашу безнең күңелләрдә мәңге сакланыр. Укучыларыбыз, укытучылар район, республика күләмендә узган бәйгеләрдә катнаштылар, җиңүләр яуладылар, үзләренең көчләрен сынадылар. Яңа 2017 нче ел барчабызга бетмәс бәхетләр, күңел күтәренкелеге, семьяларда тигезлек, сәламәтлек алып килсен! Яңа ел белән!
-
Татар теленнән имтиханнарга әзерлек
29.12.2016
Сайлап алу имтиханнары арасыннан укучылар татар телен дә сайладылар. Бүген татар теле укытучысы Р.С.Шагидуллина белән алар имтиханнарга әзерләнделәр.
-
Барыбыз да бозга!
28.12.2016
Укучыларның кышкы каникуллары дәвам итә. 1-8 класс укучылары өчен "Барыбыз да бозга!" акциясе узды. Мәктәп ишек алдында укучылар өчен төрле ярышлар, кызыклы уеннар оештырылды.
-
ОГЭга әзерәнәбез
28.12.2016
Каникул чоры 9 класс укучылары өчен Бердәм Дәүләт имтиханнарына әзерләнү өчен бик кулай вакыт. 27 декабрь көнне рус теленнән, бүген математикадан аларга имтиханнарга әзерлек эше оештырылды. Шулай ук график нигезендә биология, химия. татар теле, география, җәмгыять белеменнән дә өстәмә эшләр оештырылачак.