МБОУ «Ташкичинская основная общеобразовательная школа» Арского муниципального района РТ/Татарстан Республикасы Арча муниципаль районының «Ташкичү төп гомуми белем мәктәбе» муниципаль бюджет гомуми белем учреждениесе
Визитная карточка
Адрес: | 422039, РТ, Арский район, д. Ташкичу, ул. Ленина, д. 36\Татарстан Республикасы Арча районы, Ташкичү авылы, Ленин урамы, 36 нчы йорт |
Телефон: | +7(843)-669-05-22 |
E-Mail: | sch524@bk.ru |
Министерство: | Министерство образования и науки Республики Татарстан |
Короткое название: | МБОУ "Ташкичинская ООШ" |
Руководитель: | Сабирзянова Гулия Радиковна |
Год основания учреждения: | 1929 |
У нас учатся: | 53 Бездә укыйлар: 53 укучы |
У нас учат: | 13/Бездә укыталар 13 укытучы |
МБОУ «Ташкичинская основная общеобразовательная школа» Арского муниципального района РТ/Татарстан Республикасы Арча муниципаль районының «Ташкичү төп гомуми белем мәктәбе» муниципаль бюджет гомуми белем учреждениесе - новости
Страницы: << 171 172 173 174 175 176 ( 177 ) 178 179 180 >>
-
Профсоюз рәисләренең район семинары
01.03.2017
Бүген мәктәптә район мәгариф хезмәткәрләре профсоюз комитеты рәисләре район семинары узды. Ул "Отчет-сайлау җыелышы уздыру буенча мастер-класс" темасы астында узды. Прфсоюз рәисләре башта яңартылган мәктәп белән таныштылар, укытучылар оештырган дәресләрдә, балалар бакчасы тәрбиячесенең ачык занятисендә булдылар. Семиарның икенче өлешендә мәктәп коллективы семинарда катнашучыларга Равил Сабырның "Сигезле бию" дип аталган спектаклен тәкъдим итте. Өченче өлештә "Отчет-сайлау җыелышы үткәрү буенча мастер-класс оештырылды". Семинар эшлекле тонда узды.
-
Булган егетләр
28.02.2017
Хәрби-патриотик айлык кысаларында спорт буенча иң алдынгы егетләр билгеләнде. Алар 5 төр буенча ярыштылар. 5-6 класс укучылары арасында 5 класс укучысы Ахмадуллин Ильмир, 7-9 класс укучылары арасында 9класс укучысы Габделхаков Фидаиль җиңүчеләр булып танылды. Җиңүчеләргә һәм призлы урыннар яулаган укучыларга грамоталар һәм истәлекле бүләкләр тапшырылды.
-
Тыюлыклар турында сөйләштек
25.02.2017
"Тирә-якны саклау елы" кысаларында, мәктәптә төрле эшләр башкарыла. Бүген биология укытучысы А.А.Вафина укучылар өчен "Тыюлыклар" темасына класстан тыш чара оештырды.
-
Ватанны саклаучылар көне
23.02.2017
Хәрби-патриотик айлык кысаларында Ташкичү төп мәктәбендә укучылар арасында ярышлар, әңгәмәләр, очрашулар узды. Айлыкның соңгы көнендә әтиләр, укучылар, ир укытучылар, Ташкичү, Мәмсә егетләре өчен волейбол буенча ярышлар оештырылды. Ярышларда 5 команда катнашты. Киеренке көрәштә Мәмсә авылы укучылары әтиләре җиңү яулады. Алар 3 таймда узган уенда 2 җиңү яулап, беренче урынга чыктылар. Мәктәп укытучылары 2 нче, 8 класс егетләреннән торган команда 3 нче урынны яулады.
Шунысы куанычлы, бәйрәмдә Галаветдиновларның династияләре катнашты. 64 яшьлек Тәбрис Галаветдинов күп еллар буе күмәк хуҗалыкта механизатор булып эшли, күп еллар Сабантуе батыры, спорт ярышларының актив катнашучысы. Бүген дә ул ярышлардан читтә калмады, спорт киемнәре алып килеп, ярышларда катнашты.
Ярышлар бүләксез булмый. Ярышларга катнашкан һәр кешегә Арча район электр челтәре начальнигы Нияз Фәрит улы Нурмухаметов истәлекле бүләкләр тапшырды, чәй өстәле әзерләде. Ул үзе дә ярышларның актив уенчысы булды. Улы, Илсаф, бу ярышта 2 нче призлы урынны яулады.Ярышта җиңүчеләрне котлаганда ул бәйрәмнең бик күңелле узуы, Мәмсә, Ташкичү авылы әтиләренең бик актив булуларын билгеләп үтте.
Ярышларның кунагы итеп, бүгенге көндә Әтнә муниципаль районы Олы Әтнә урта мәктәбендә физкультура фәне укытучысы Нәкыйп Әлтаф улы Магсумов та чакырылды. Ул бик теләп, моннан 11 ел элек үзе укыткан туган мәктәбенә килүен белдерде. Үзе укыткан укучыларның балаларын ярышларда күреп соенүенә басым ясады.Әтисенең улы, улының әтисе өчен шатланып торуын, тәрбия эшендә мондый ярышларның бик кирәк булуына басым ясады.
Мәктәп директоры И.И.Гибадуллин барлык укучылар, укытучылар, әтиләрне бәйрәм белән котлады. Үзенең чыгышында ул укыту-тәрбия эшендә соңгы елларда әтиләрнең активлашуын белдерде.
Бәйрәмнең икенче өлешендә укучылар, әтиләр, кунаклар тәмле пылау, хуш исле чәй белән сыйландылар. Бәйрәм күтәренке рухта узды.
-
Бәйрәм белән, егетләр!
22.02.2017
Бүген мәктәптә "Бәйрәм белән, егетләр!" - дип аталган кичә булды. Һәр класс кызлары үз классларында укучы егетләргә багышлап шигырьләр укыдылар, җырлар башкардылар, бәйрәм белән котладылар, бүләкләр тапшырдылар.
-
Профориентация эше
22.02.2017
9 класс укучылары алдында зур сынаулар тора. Бүгенге көнгә алар нинди фәннәрдән имтихан бирүләрен ачыклап, гаризалар яздылар. Күбесе үзләренең киләчәктә нинди профессия иясе булуларын беләләр. Аларның фикерләре белән танышу, "Г.Тукай исемендәге Әтнә авыл хуҗалыгы техникумы" белән таныштыру өчен кунакка шушы техникумның физика укытучысы Р.Н.Габдрахманов килде. Рамил Наилевич белән безнең мәктәп укучылары якыннан таныш. Ул ел саен мәктәп укучыларын техникум, андагу уку, яшәү шартлары белән таныштырып китә. Очрашудан соң 4 укучы киләчәктә үзләрен шушы техникум студентлары буласыларын тагын бер кат расладылар.
-
"Туган тел" көне
21.02.2017
21 февраль - халыкара туган тел көне. Безнең телебез - татар теле, дөньядагы телләр арасында күренекле урын тотучы тел.
Бүген А.Т.Ахмадуллина һәм Р.С.Шагидуллина татар теленә багышланган музыкаль композиция оештырдылар. Туган телне ярату, аны үстерү рухында оештырылды бу кичә. Кичәдә танылган язучылар, сәнгать ияләренең тел турында үлмәс фикерләре яңгырады. Татар теле турында шигырьләр, җырлар тыңланды. Кичә Г.Тукайның татар гимнына әверелгән "Туган тел" җыры белән йомгакланды.
-
"Иң шәп егет"конкурсы
21.02.2017
Мәтәптә 10 көннән артык егетләр "Иң шәп егет" титулы алу өчен көрәштеләр. Иң шәп булу, бер дә җиңел түгел икән. Кызларга, укытучы апаларга, техник хезмәткәрләргә ярарга, спортта үзеңне күрсәтергә, тырышып укырга кирәк... "Иң шәп егет" конкурсы тәмам. Ә җиңүчеләре - Йулдашов Сәет, Ахмадуллин Илнур һәм Гилфанов Инсаф. Ә менә "Егет солтаны" титулына Шәйхетдинов Булат ия булды. Булат - уку алдынгысы, район күләмендә уза торган спорт ярышларында катнашучы, мәктәпнең теннис, чаңгыда йөгерү буенча чемпионы, волейбол, баскетбол буенча мәктәпнең җыелма командачы әгъзасы. Зур уңышлар сиңа, Булат!
-
II нче дәрәҗә диплом иясе булдык
18.02.2017
8 класс укучысы Наил Зайнуллин тарих укытучысы Р.Р.Хакимзянова белән Балтач муниципаль районы "Б.Зиятдинов исемендәге Карадуган гимназиясе"ннән 2 нче дәрәҗәдәге диплом яулап кайтты. Ул М.Җәлил исемендәге 4 нче республика фәнни-гамәли конференциясендә катнашты, "М.Җәлил исемендәге премия лауреатлары" секцион эшендә катнашты.
-
М.Җәлил исемендәге конференциядә
17.02.2017
Бүген Балтач муниципаль районы МБГБ учреждениесе "Б.Зиятдинов исемендәге Карадуган гимназиясе"ндә IV республика М.Җәлил исемендәге фәнни-гамәли конференция уза. Бу конференциядә мәктәпнең 8 нче класс укучысы Наил Зайнуллин да катнаша. Ул җитәкчесе тарих укытучысы Р.Р.Хакимзянова белән "М.Җәлил премиясе лауреатлары турында эзләнү эшләре" секцясендә чыгыш ясый. Наилгә һәм укытучысы Резеда Ринатовналарга уңышлар телик!