Хөрмәтле тәрбиячеләр! Сезнең барчагызны да һөнәри бәйрәмегез белән кайнар котлыйбыз! Сезгә авыр һәм мактаулы хезмәтегездә зурдан-зур уңышлар, ныклы сәламәтлек, гаилә бәхете телибез. Күкләрегез һәрчак аяз торсын, авыр хезмәтегез һәрчак шатлыклар китерсен.

Менә көтеп алган 1сентябрь дә килеп җитте. Балалар белән ,беррәттән, без дә  бу көнне бик дулкынланып һәм шатланышып каршы алдык. Быел бакчабызда 20 бала тәрбия һәм белем алачак. Һәркемгә яңа уку елында уңышлар телибез!

Үсте матур чәчәкләр,

Гел кояшка үрелеп,

Балкып тора бакчабыз,

Яшеллеккә төренеп.

  Бакчабыз бүген бераз моңсуланып калды. Чөнки ничә ел бакчабызда йөргән балаларыбыз үзләренең  яратып йөргән бакчалары һәм тәрбияче апалары белән саубуллаша. Бу шатлыклы көн белән уртаклашырга аларның әти-әниләре дә килгән иде. Килгән кунаклар "Мәктәп аланында" дигән бик матур кичә карадылар. Әти-әниләр үзләренең балалары белән горурланып утырдылар. Шундый зур көч куйганнары өчен алар тәрбиячеләргә зур рәхмәтләрен җиткерделәр.

Бүген бакчабызда балалар белән "Чәчәкле аланда" дигән чара оештырылды. Бу чарада балалар чәчәкләр һәм үсемлекләрне танып белергә өйрәнделәр. Бик күп эчтәлекле биремнәр белән беррәттән табышмакларга да дөрес җавап бирә алдылар. Чара җыр һәм бию белән бергә үрелеп барды. 

 "Үткәнеңне белмичә киләчәк юк" диләр. Без шул максаттан балалар белән берлектә  мәктәптә оештырылган музейга сәяхәт кылдык. Монда балалар әби-бабайларыбыз эшләгән эш кораллары, аларның кием-салымнары, көнкүреш җиһазлары белән таныштылар. Балалар музейдагы борынгы җиһазлар белән бик кызыксынып таныштылар.

 Юлда халәкәтләр еш булып тора.  Куркынычсызлык кагыйдәсен саклау безнең төп максатыбыз. Шул уңайдан бакчабызда һәрдаим балаларга юлда йөрү кагыйдәләрен тәрбияче апалары аңлатып һәм исләренә төшереп тора. Бакчада әзерләнгән ярдәмлекләр аша балалар юл билгеләрен танып белергә өйрәнәләр. 

Көн белән төн тигезләшкән вакытта  татар халкында борынгыдан үткәрелә торган   зур бәйрәме бар. Ул - Нәүрүз бәйрәме. Бу уңайдан мәктәптә зур чара үткәрелде. Бу чарада оештырылган  уеннарда  безнең бакчабызда тәрбияләнүче балаларыбыз да бик теләп катнашты. 

 Бакчада бүген  пожар куркынычсызлыгы таләпләрен үтәү буенча чираттагы тикшерү үтте. Пожар инспекторлары тарафыннан балаларга һәм тәрбиячеләргә инструктаж үткәрелде. Бу юнәлештә бакчаның эше канәгатьләнерлек дип бәяләнде. Инспекторлар балалар белән әңгәмәләр, төрле ситуация вакытында үз-үзеңне дөрес итеп  тоту, югалып калмаска, тиешле номерга яки өлкәннәргә хәбәр итәргә кирәклеген искәрттеләр. 

Сегодня прошел праздничный утреннник, посвященный Международному женскому дню. На праздник были приглашены мамы, бабушки. Для них были подготовлены концертные номера и подарки, выполненные детьми. Утреннник прошел в доброжелательной атмосфере. праздник всем понравился.