Балаларга кечкенәдән үк үсемлекләрнең ничек үсүләре, ничек итеп тәрбияләргә кирәклеге турында даими аңлатылып барыла. Алган белемнәрен практик рәвештә ныгыталар.

Бу көнне бакчабызда Бөек җиңүнең 70 еллыгына багышланган иртә үтте. Бәйрәмне, сугыш кырында ятып калган батырларыбызны искә алып,  1 минут тынлык белән башлап җибәрдек. Балалар сугышка, ветераннарга, тыл батырларына багышлап шигырьләр сөйләделәр, җырлар җырладылар. Соңыннан сугыш кырында ятып калган авылдашларыбызга куелган һәйкәл каршына венок куйдык. 

26 апрель- Бөек шагыйребез Габдулла Тукайның туган көне. Шул уңайдан бакчабызда Г. Тукай иҗатына багышланган бәйрәм үткәрелде. Балалар Бөек шагыйрьнең әсәрләрен сәхнәләштереп күрсәттеләр, шигырьләрен яратып сөйләделәр, җырларын җырладылар. Г. Тукай иҗатына багышланган атналык нәтиҗәле үтте.  

Бүген бездә балаларның рәсем ясау сәләтен үстерү максатыннан " Язгы көн " темасына рәсем конкурсы үткәрелде. Һәрбер балага кәгазь бите һәм төсле карандашлар бирелде. Бу конкурста сабыйлар бик теләп катнаштылар.

12 апрель- Космонавтика көне. Шул уңайдан балалар һәм аларның әти- әниләре бу көнне үзләренең кул эшләре белән сөендерделәр. Алар үз куллары белән космик ракеталар ясадылар.

Ясадык матур рәсемнәр,

Күрсәң исләрең китәр.

Без ясаган ракеталар

  Бүген бакчабызда ачык шөгыль үткәрелде. Тәрбияче Валиева Марина балалар белән рус теле фәненнән ачык шөгыль уздырды. Тәрбияче төрле эш алымнары кулланды. Бу шөгыльдә балалар бик актив катнаштылыр. Балаларның  белемнәре ныгытылды.

Ак буяулы бер оя бар

Бакчада зур агачта.

Очып килә шул ояга

Сыерчык яз булгач та.

Шунда тора, шунда йоклый,

Шунда бала үстерә.

Матур итеп сузып сайрый

Басып оя өстенә.

 Менә без дә сыечыклар кайтышка матур оялар ясадык.

  20март көнен балалар түземсезлек белән көтеп алдылар. Ни өчен дип уйлыйсызмы? Чөнки бу көнне мәктәпкә "Ялкын" журналы хезмәткәрләре килергә тиеш иде. Ниһаять, кунаклар килеп җитте. Безгә дә бу мизгелләрне күрергә насыйп булды. Менә нинди икән алар. Балалар белән бик тиз уртак тел таптылар, әйтерсең алар белән яшьтәшләр. Балалар бу очрашудан  үзләренә  бик күп кызыклы мәгълүматлар алдылар. Очрашу бик эчтәлекле, җанлы һәм тәрбияви әһәмияткә ия булуы белән безнең күңелләребездә бик озак сакланыр.

                       Агымсулар кичтем мин,

Сезгә килеп җиттем мин,

Нәүрүз әйтеп үттем мин,

Нәүрүз мөбарәк булсын.

   Газиз кызларым, улларым! Көн белән төн тоташкан, тигезләшкән көнне кешеләргә бәхет теләгез, бер-­берегезгә ягымлы булыгыз, кешеләр белән ике кулыгызны биреп күрешегез. Шундый матур теләкләр белән кичәбез түренә Нәүрүзбикә килде. Нәүризбикә белән балалар җырладылар, биеделәр. Нәүрүзбикә балалрның белемнәрен дә сынады. Нәүрүзбикә балаларга зур үтенечен дә  белдерде: “ Табигатьне саклагыз, елгаларның суы саекмасын, урманнардан киек кошлар китмәсен, зәңгәр күге­безне болыт капламасын, үләннәр гел яшел булсыннар”.