Балалар курчак театрын бик яраталар. Җәнлек киемнәрен әти-әниләре белән әзерләделәр. Айга бер тапкыр нинди дә булса әкиятне сәхнәләштерәләр. Бу мавыгу балаларның иҗади сәләтләрен үстерергә ярдәм итә.

 Кечкенәдән чыныгып үскән бала гына зур үскәч тә сәламәт була. Шуның өчен һәр иртәдә балалар белән сәламәтләндерү күнегүләре үткәрелә. Бу аларга бик ошый.

Бакчада әдәп-әхлак тәрбиясенә аеруча игътибар бирелә. Балалар дус-тату яшиләр. Бер-берсенә булган уңай мөнәсәбәтләре мөстәкыйль уеннарда чагыла.

Бүген бакча балалары әниләрен бәйрәм белән котладылар. Алар үзләре ясаган открыткаларны әниләренә бүләк иттеләр.Бэйрэм җыелыш  формасын алды,  тәрбияче "Гаиләдә әни кешенең роле" дигән темага лекция укыды. Үзен борчыган мәсьәләләргә тукталды. Алдан бирелгән анкеталарга анализ ясады. Әниләр белән гаилә тормышына кагылышлы сорауларга җаваплар һәм биремнәр эшләделәр. Соңыннан бергәләп чәй эчтек. Чара бик җанлы һәм күңелле узды.

Бакча коллективы балалар белән берлектә ТРИЗ методы кулланып әниләр көненә багышланган "Минем әнием" дигән стенгазета чыгардылар.

Тәрбияче әти - әниләргә "Гаиләдә бала тәрбияләүдә әни кешенең роле" дигән темага анкета өләште. Анкеталарга ата - аналар җыелышында анализ ясалачак.

Балалар әниләр көне уңаеннан, әниләренә бүләк ясарга уйладылар. Иң матур төсләрне сайлап алар әиләренә булган иң җылы хисләрен белдерәләр.

Тәрбияче балаларга "Терроризм нәрсә ул?" дигән темага әңгәмә үткәрде. Ул стендта булган рәсемнәрне нәрсә аңлатканын, нәрсәдән сакланырга, куркыныч янаганда үзеңне ничек тотарга икәнен аңлатты. Балалар апаларын бик кызыксынып һәм гаҗәпләнеп тыңладылар.

Тәрбияче балаларга йоклар алдыннан әкият укый. Балаларга аудио кассеталардан тыңлаткан әкиятләр дә бик ошый. Алар бу мизгелне көн дә көтеп алалар.