Тәгәрәтеп ак карны,

Ясадык кар бабайны.

Куйдык кишердән борын,

Ясадык ике кулын.

Күзләре – кара күмер.

Дидек: “Син урам себер!”

Зур себерке тоттырдык,

Көлешеп карап тордык.

Бакчада индивидуаль эш даими алып барыла. Прогулка вакытында төп хәрәкәтләрне ныгыту өстендә даими эшләнелә.

Саф һаваның тәнгә дәва икәнен һәрберебез беләбез. Балалар белән җәйге верандада "кунак-кунак" дигән сюжетлы уен оештырылды.

Балаларда кошларга карата мәрхәмәтлелек, кайгыртучанлык хисләре тәрбияләү максатыннан, кошлар өчен тагын бер "ашханә" булдырдык.

Без бүген балалар белән экологик сукмак буенча табигатькә  экскурсия оештырдык. Бу экскурсиядән балалар үзләренә  бик күп мәгълүмат алдылар. Балалар табигатьтәге үзгәрешләр белән таныштылар. Табигатькә карата сакчыл караш, мәрхәмәтлелек сыйфатлары буенча әңгәмә үткәрелде.

 Бакчада план нигезендә һәрдаим тәҗрибәләр үткәрелә. Тәрбияче җитәкчелегендә "Кар" дигән кыска вакытлы тәҗрибә-проект үткәрелде. Нинди кар тизрәк эрер? Көпшәк кармы әллә тапталганымы?

"Голосок" конкурсында катнашкан Мостафин Альнур, Ибатуллина Дилә, Сабирова Ләйләләргә зурдан-зур уңышлар, сәламәтлек, бәхет телибез. Киләчәктә дә шундый актив һәм сәләтле балалар булып үсегез.

Кичә балалар районкүләм җыр конкурсы "Голосок"ка бардылар. Балаларыбыз уңышлы чыгыш ясадылар. Һәрбер башкаручыга мәгариф бүлеге дипломнар тапшырды.

Халык сәнгате аша балаларда зәвыклы һәм матур итеп киенергә теләк тәрбияләү максатыннан, бакчабызда төрледән-төрле чаралар үткәрелә. Әңгәмәләр аша балаларда милли киемнәрне тану һәм аларга карата  кызыксыну хисләре тәрбияләнә.