Бүген бакчада ата - аналар җыелышы булды. Җыелышның максаты: балаларның һәм ата -аналарның буш вакытын бердәм оештыру системасын булдыру иде. Бакча мөдире "Ни өчен балага уен кирәк" дигән темага лекция укыды.

Тәрбияче рәсем ясау шөгыльләрендә инновацион технологияләр куллану һәм аның мәгьнәсе турында чыгыш ясады. 

Тәрбияче әти - әниләр белән мастер класс үткәрде. Ул бу очрашуда инновацион технологияләр кулланып әти - әниләр белән шөгыль үткәрде һәм әти - әниләргә  үзенең эшләгән эшләрен тәкъдим итте.

Җыелыш ахырында башлангыч сыйныфлар укытучысы Камалиева М.М. җыелышка йомгак ясады, үзенең фикерләрен белдерде.  Әти - әниләргә балалар белән күбрәк русча сөйләшергә кирәклеген һәм башка киңәшләрен җиткерде.

 "Россия - зур дәүләт" проекты буенча шөгыльләрдә балалар белән төрле чаралар уздырыла. Бүгенге шөгыльдә курчак Маша ярдәмендә балаларның Россия башкаласы Мәскәү турындагы белемнәре ныгытылды. Россия символикасы турында мәгълүмат бирелде. Шөгыль мавыктыргыч һәм эчтәлекле үтте. 

Балаларда туган илне ярату, башка милләт вәкилләренә хөрмәт тәрбияләү һәм эстетик зәвыкълылык тәрбияләү максаты куелды.

 Бүген бакчабызда тәрбияче ярдәмчесе булып эшләүче Мостафина Миләүшә Мухаррямовнага 55 яшь. Кадерле хезмәттәшебез! Сине 55 яшьлек юбилей көнең белән ихлас котлыйбыз. Гаилә бәхете, тынычлыгы, ныклы сәламәтлек, балаларыгызның, оныкларыгызның куанычын күреп яшәвегезне телибез. Иң изге теләкләр белән хезмәттәшләрең. 

Балалар бүлмә гөлләрен бик яратып һәм теләп тәрбиялиләр. Бу беренчел хезмәт күнекмәләренә өйрәнү өчен зур этәреш булып тора.

Бу атнада "Хезмәт төбе - хәзинә" проекты буенча эш алып барылды. Балалар белән әңгәмәләр, занятиеләр үткәрелде. Өстәл, дидактик, сюжетлы уеннар оештырылды. Балаларның эш кораллары турында күзаллауларын киңәйтү максатыннан әвәләү занятиясе үткәрелде.

Балаларның өлкәннәр хезмәте турында күзаллауларын киңәйтү максатыннан бакчага яңа өстәл уеннары алынды. Тәрбияче уенны уйнау тәртибен  аңлата, үзе уйнап күрсәтә. Балалар уенчыкларны яратып, саклап уйныйлар.