Бүген бакчада уңыш бәйрәме үткәрелде. Чарага әти - әниләр чакырылды.

Әти - әниләр һәм балалар көзге уңыштан күргәзмә әзерләделәр.

Балалар төзү материалы атрибутлары белән бик яратып уйныйлар. Уенны ахырына кадәр җиткерү уйланган уен проектын җиренә җиткереп төзү аларда ихтыяр көче һәм сабырлык кебек сыйфатлар тәрбияли.

Балаларның төрле юнәлештә аң - белем дәрәҗәләрен күтәрү максатында бакчада дидактик уеннарны күпләп тупладык. Балалар бу уеннарны шөгыль вакытында һәм режим моментларында да теләп, яратып кулланалар. Бергәләп пазллар төзү аларның дус һәм тату булуларын күрсәтә.

Рәсем ясау шөгылен балалар аеруча көтеп алалар, бигрәк тә  ирекле рәсем ясау аларга ошый. Фантазияләре чиксез аларның. Рәсем шөгылендә карандаш, краска ярдәмендә төс аерырга, төсләрне кушкач нинди төс барлыкка килүен күзәтү аларда зур кызыксыну уята.

Вируслы авыруларга каршы профилактик чараларны кулланабыз. Бүлмәләргә кварцевый лампа , ваклап суган, сарымсак куябыз. Һәр балага суган, сарымсак белән муенсалар киертәбез һәм борын асларына оксалиновый мазь сөртәбез. Бүлмәләрне даими җилләтеп, юеш уборка ясап торабыз. Уенчыкларны да ешрак юарга тырышабыз. 

Бүген бакчада юл йөрү кагыйдәләрен өйрәнү буенча ачык шөгыль уздырылды. Балалар юлда йөрү кагыйдәләрен, билгеләрен искә төшерделәр. Тәрбияче Марина Александровна шөгыльне оешкан төстә алып барды. Шөгыльдә балалар актив катнаштылар, сорауларга төгәл һәм дөрес җавап бирделәр, җырлар ,шигырьләр башкардылар. Балаларга шушы темага багышлап рәсемнәр ясарга кушылды һәм күргәзмә оештырылды. Шөгыльдә Россия Федерациясе ОГИБДД ОМВДның Арча филиалы дирекциясенең финанслау бүлеге мөдире Энҗе Газизовна Мухаметзянова катнашты. Ул балаларны юлда сак йөрергә, үз-үзеңне саклау кагыйдәләре белән таныштырды. Балаларга методик әсбаплар, дидактив уеннар, караңгы вакытта йөргәндә яктылык кайтаручы брилоклар бүләк итте. Чара бик җанлы үтте.

Юл йөрү кагыйдәләрен балаларга тәрбияче һәрдаим өйрәтеп, өйрәнгәннәрен искә төшереп тора. Балалар бик тырышып, яратып, кызыксынып өйрәнәләр. Бүгенгесе көндә алар Россиянең ОГИБДД ОМВД хезмәткәрләрен шөгель карауга чакыруга әзерләнәләр.

Безнең күрше бүлмәдә генә медпункт урнашкан. Фельдшер апалар безнең янга кереп гел хәлләребезне сорашып, чисталыкны тикшереп, тиешлевакытта прививкаларны ясап торалар. Ак халатлы апаларны без көтеп алабыз, чөнки алар файдалы киңәшләр бирәләр, чисталыкка өндиләр.

Сәгать  10 тулып  узган тәрбияче ярдәмчесе апабыз безгә витаминлы икенче аш алып керә. Без шуны тәмләп ашыйбыз. Бигрәкләр дә тәмле инде алмасы.