Балалар кисеп ябыштыру шөгылендә  "Ракеталар галәмдә" дигән темага күмәк эш башкардылар. Шөгыльнең максаты балаларның космонавтика турында белемнәрен формалаштыру, алган белемнәрен куллана белү һәм кызыксынучанлык уяту иде.

Балалар планеталарның төрле фигураларга охшаган булуларын күзәтәләр. Буш вакытларында пластилиннан шуларны ясап та карыйлар.

Тирә - юньне, табигатьне аңларга һәм сакларга сәләтле социаль актив , иҗади шәхес тәрбияләүдә бакчада әти - әниләр белән бердәм эш алып барыла. "Сәлам галәм" дигән балалар һәм зурлар проектын тормышка ашыру максатыннан рәсем конкурсы үткәрелде.

"Космос" проектын тормышка ашыру максатыннан 11 - 15 апрель көннәрендә балаларның космонавтика турындагы белемнәрен ныгыту өчен комплекслы эшләр планлаштырылды. Балаларның кояш системасы турындагы белемнәрен камилләштерү нияте белән күргәзмә материаллардан тыш мультимедийный материал киң кулланыла. 

Юл йөрү кагыйдәләрен өйрәнүгә аеруча игътибар бирелә. Балалар да бик кызыксынып һәм яратып уйныйлар. Шунлыктан шушы темага багышланган почмакны яңарттык.

    Балаларның логик фикерләү сәләтләрен үстерү максатыннан,  алар белән  төрле дидактик уеннар уйныйбыз. Балалар бу уеннарны уйнарга бик тә яраталар.

Өлкән төркем балалары тәрбиячеләрнең зур булышчылары. Алар кече төркем балалары белән төрле уеннар оештырырга ярдәм итәләр. Кече һәм өлкән төркем балаларының килешеп уйнаулары үзара дустанә мөнәсәбәт тудыруга ярдәм итә.

Бакчабыз яңарды, бүлмәләребез иркенәйде, яңа җиһазлар кайтты. Безгә бигрәк тә өстәл, урындыклар ошый. Уңайлы урында туклану да рәхәт, ашлар да тәмле.

Балаларга хезмәт тәрбиясе  бирү максатыннан, тәрәзә төбендә  чәчәк үсентеләре үстерәбез. Балалар ул үсентеләрне үзләре тәрбияләп үстерәләр. 

Г.Тукайның тууына 130 еллыгы уңаеннан бакчабызда төрледән-төрле чаралар үткәрелә. Бүген балаларыбыз Г.Тукай иҗат иткән әкиятләр белән таныштылар. "Шүрәле" әкиятен мультфильмнан карадылар.