Бәйрәмгә бик ныклап әзерләндек. Яңа җырлар, биюләр, шигырьләр, уеннар өйрәндек. Балалар бик тырыштылар. Кунакка Кыш бабай, Кар кызы, убырлы (әти - әниләр) килгән иде.

Кызыл калфак костюмын әти - әниләр (Галаветдинов Рамил - Тәслимә) балалар бакчасына яңа ел бүләге итеп бирделәр. Костюм  Динәгә бик килешә.

Яңа ел симвалы "Әтәч" не ясауда да балалар үз көчләрен кызганмадылар. Күмәк эшнең нәтиҗәсе барлык әти - әниләргә дә ошады.

Яңа елга әзерләнүдә балалар да актив катнаша. Үз көчләре белән уенчыклар ясап чыршы ылысларын бизәделәр.

Бакча хезмәткәрләре бик тырышып Яңа елга әзерләнә. 

Ата - аналар арасында "Яңа ел чыршысы" дигән конкурс игълан иттек. Катнашкан барлык әти - әниләргә дә үзебезнең рәхмәтебезне җиткерәбез.

Бүлмәләрне үзебез ясаган кар бөртекләре бизи.

"Нинди матур безнең чыршылар". Балаларның эшләре иҗат почмагын бизи.

Балаларда кошларга карата мәрхәмәтлелек, кайгыртучанлык хисе тәрбиялибез.Кошларга кешеләрнең ярдәме бик әһәмиятле булуын аңлатабыз.Балаларның кышлаучы кошлар турында белемнәрен ныгытабыз.

Балаларда бер берсенә уңай мөнәсәбәт тәрбияләү максатыннан, бакчада төрле уеннар, күмәк эшләр һәм төрле чаралар үткәрәбез. Бер береңне сыйпау балаларга бигрәк ошый.