Көн саен яңа ачыш."Апа карале, кар астыннан яшел чирәм чыккан"., "Кояшны күрәсе килгән аның ". "Ә төнлә аңа салкын булмыйма?"-әйдәгез балалар, сорауларга   бергәләп җавап әзлибез.

Күргәзмә, котлау почмагын гел яңартып торабыз.Һәр бәйрәм белән әти - әниләрне котларга тырышабыз."Космонавтика көне" белән безнең яраткан, хөрмәт иткән , кадерле әти- әниләр.

 12 апрель - Космонавтика көне.Бу атнаның темасын  "Галәм киңлекләре" дип атадык.Балалар белән бу темага әңгәмәләр  кордык, ББЭ ләр үткәрдек,  уеннар уйнадык, мультфильмнар карадык , призентация ярдәмендә викторина үткәрдек.

Безнең Галактиканың тугыз планета арасында иң матуры безнең Җир. Безнең планетада гына тереклек өчен бар шартлар да бар.Шуны истә тотып, балалар белән, экологик темага еш сөйләшәбез.

 Балаларда кечкенәдән хезмәткә ихтирам тәрбиялибез. Менә бүген дә апаларга ярдәм итәргә ашкынып торалар, күмәкләшеп кар тараталар.

 Балаларда китапханәче хезмәтенә карата ихтирам, китапханәдә үз-үзеңне тота белү сыйфатлары тәрбияләү нияте белән авыл китапханәсенә экскурсия оештырдык. Мәдәният хезмәткәрләре белән берлектә Венера апалары бик матур чара оештырдылар.Кызыклы викторина , сюрприз моментлар , уеннар балалар күңеленә бик хуш килде.

Буген бакчабызда тәрбияче апалар кунакта .Тәрбияче Валиева М.А. "Китап каян килә?" проектын кинәйтү нияте белән "Китап эзеннән тарихка" дигән ачык эшчәнлек күрсәтте.