Каникул вакытларында мәктәп спортзалында волейбол, баскетбол буенча тренировкалар уздырыла. Бүген 6-8 нче класс кызларыннан торган волейбол командасы белән Курса-Почмак мәктәбенең кызлар командасы арасында иптәшләрчә очрашу үтте.

Каникул көннәрендә 9 нчы класс укучылары график буенча имтиханнарга әзерләнәләр.

21 нче март көнне Урта Курса мәктәбе спортзалында Курса МТС ы җитәкчесе призына 2000-2001 нче елгы яшүсмерләр арасында татар-башкорт көрәше буенча район беренчелеге узды. Ярышны Арча районы башлыгының социаль мәсьәләләр буенча урынбасары Котдусов И.Ф. башлап җибәрде. Бәйгегә килүчеләргә мәгариф бүлеге начальнигы Дәүләтбаев З.М.,  баш хөкемдар Алиев Р.З., Курса МТС ы җитәкчесе Гыйләҗетдинов Р.Г., имам-хатиб Равил хәзрәт уңышлар теләде. Әлеге ярышта 18 командадан 68 яшүсмер катнашты. Алар 45, 50, 55, 60, 65, 70, 75, 80 һәм югары үлчәүдә көч сынашты. Бу ярышта командалар арасында 1 нче урынны Урта Курса мәктәбе (тренеры Лотфуллин М.Л.), 2 нче урынны Шушмабаш мәктәбе, 3 нче урынны  Ашытбаш мәктәбе командалары яулады. Шәхси беренчелектә үз үлчәүләрендә Абдуалимов О. 3 нче, Нурисламов Р. 2 нче, Шакиров Ә.  1 нче, Мөхәрләмов А. 1 нче урыннарга лаек булдылар.Җиңүчеләргә кубоклар һәм медальләр, грамоталар, Курса МТС ы җитәкчесе Гыйләҗетдинов Р.Г. исеменнән бүләкләр һәм абсолют батырга тәкә бирелде.

21 нче март көнне 2 нче сыйныф укучылары белән “Мин – пассажир”  темасына сыйныф сәгате үткәрелде. Юл кагыйдәләре искә төшерелде, авыр ситуациядән чыгу юллары эзләнде, видеоролик каралды, “Яхшы-начар” уены үткәрелде, карточкалар буенча “Тукта, синең тормыш куркыныч астында” темасына сорау-җавап эше үткәрелде. Уен формасында оештырылган сыйныф сәгатендә укучылар үзләрен  пассажирлар итеп тойдылар. “Юлда йөрү кагыйдәләрен онытма! Аларны һәрвакыт үтә!” дигән чакыру яздылар.

Мәктәбебездә “70 еллыкка – 70 оя” акциясе дәвам итә. Укучылар  актив рәвештә акциядә катнаштылар. Бигрәк тә башлангыч класс укучылары тырыш, алар алдынгылыкны бирмәде.

Бүген мәктәптә сугыш чорында иҗат ителгән шигырьләрне сәнгатьле сөйләү конкурсы башлангыч класс укучылары арасында үтте. Укучылар чыгышларында сугыш чынбарлыгын, аның фаҗигасен, батырлык үрнәкләрен, җиңү шатлыгын чагылдырдылар. 

21 март көнне мәктәбебездә район күләмендә милли көрәш ярышы уздырылачак. Әлегә укучылар тренерлары Лотфуллин М.Л. җитәкчелегендә ярышларга әзерлек эше алып баралар, спортзалда шөгыльләнәләр.

Сәламәт яшәү рәвеше булдыру, аны пропагандалау максатыннан Арча шәһәре стадионында чаңгы сезонын ябу буенча ярыш- эстафета узды. Мәктәбебезнең көчле спортчылары бу юлы да сынатмады. Алар 2 нче урынны яуладылар. Команда составындагы укучылар: Мингазова И, Галимуллина И., Сәләхова Ф., Галимуллин И., Мөхәммәдиев И., Хөснетдинов Р. Афәрин!