21 март көнне мәктәбебездә район күләмендә милли көрәш ярышы уздырылачак. Әлегә укучылар тренерлары Лотфуллин М.Л. җитәкчелегендә ярышларга әзерлек эше алып баралар, спортзалда шөгыльләнәләр.

Сәламәт яшәү рәвеше булдыру, аны пропагандалау максатыннан Арча шәһәре стадионында чаңгы сезонын ябу буенча ярыш- эстафета узды. Мәктәбебезнең көчле спортчылары бу юлы да сынатмады. Алар 2 нче урынны яуладылар. Команда составындагы укучылар: Мингазова И, Галимуллина И., Сәләхова Ф., Галимуллин И., Мөхәммәдиев И., Хөснетдинов Р. Афәрин!

13 март көнне “Кулланучыларның хокукларын яклау көне уңаеннан “Дөрес туклану” темасына класс сәгате үткәрелде. Чарада презентация дә кулланылды. Нәрсә ул туклану? Нәрсә ул без ашый торган ризык? Дөрес рацион нинди була? Туклану режимы. Кибеттәге продукцияне ничек сайларга? Нәрсәгә игътибар итәргә? һ.б. сорауларга җавап бирелде. Укучылар класс сәгатендә бик теләп катнашты. Максатларга ирешелде.

Бүген мәктәптә 1 нче класс укучылары, аларның әти-әниләре, әбиләре катнашында Әлифба бәйрәме уздырылды. Бәйрәмдә укучылар шигырь сөйләүгә, җырга, биюгә осталыкларын күрсәттеләр, тапкырлыкта, зирәклектә көч сынаштылар. Укучыларга алдагы көннәрдә тагын да тырышып укуларын, белем үрләрен яулауларын телибез.

Чаңгы шуу сезоны төгәлләнү алдында. Укучылар кыш буе рәхәтләнеп чаңгы шудылар, районда уздырылган чаңгы ярышларында призлы урыннар яуладылар. Бүген мәктәптә чаңгы сезонын ябу буенча ярыш (эстафета) үткәрелде.

Бөек Җиңүгә 70 ел тулу уңаеннан  класс сәгатьләре үткәрү дәвам итә. Бүген Мәскәү, Сталинград, Брест крепосте өчен барган сугышлар, аларның фаҗигасе турында класс сәгате 7 нче класс укучылары белән уздырылды.

Бүген 9 нчы класс укучылары белән "Сәламәт тормышка дөрес туклану аша" дигән темага түгәрәк өстәл уздырылды. Укучылар дөрес туклану, ризыкларны дөрес сайлау, сәламәт яшәү рәвеше буенча фикерләштеләр.

Авыл китапханәсе - укучыларның яраткан урыны. Анда алар китап сайлау, алу өчен генә килмиләр. Укучылар белән китапханәдә төрле чаралар үткәрелә. Менә бүген дә 2 нче сыйныф укучылары “Телен яраткан – илен яраткан” темасына багышланган “Иң оста шигырь сөйләүче” конкурсы үткәрделәр. Укучылар яттан татар теленә багышланган шигырьләр сөйләделәр. Җиңүчеләргә истәлекле бүләкләр тапшырылды.