Бүген көнне лагерьга йөрүчеләр күңелле үткәрделәр. Ял итүнең соңгы көне булганлыктан, рәхәтләнеп җырладылар, күмәк уеннар уйнадылар, төрле кызыклы конкурслар уздырдылар. Лагерьда алган тәэсирләре матур хатирә булып озак сакланыр әле.

Бүген лагерьда ял итүче балалар диңгезләр буенча белемнәрен арттырдылар. Хәрәкәтле уеннар уйнадылар, "Ак корабль" уенында актив катнаштылар. Малайлар катнашында үткәрелгән "Рыцарьлар турниры" да укучыларга ошады.

Бүген укучылар "Чәчәкләр көне" н билгеләп үттеләр. Табигать кочагында чәчәкләр белән танышканнан соң, аларны рәсемнәргә төшерделәр. "Иң матур чәчәк ясаучы" конкурсы уздырылды һәм җиңүчеләр билгеләнде.

Бүген мәктәбебезнең  9 нчы классын тәмамлаган 10 укучы мәктәпне уңышлы тәмамлаулары турында өлгергәнлек аттестаты алдылар. Шул уңайдан укытучылар, укучылар, әти-әниләр катнашында тантаналы кичә уздырылды. Чыгарылыш класс укучыларына алдагы көннәрендә дә уңышлар юлдаш булсын!

Көн дәвамында укучылар хәрәкәтле уеннар уйнадылар, ярыштылар. Начар гадәтләргә каршы көрәштә спортның зур роль уйнаганына төшенделәр."Кем иң мөлаем?" конкурсы да бик күңелле үтте.

Спорт-сәламәтлек күнегүләре эшләгәннән соң укучылар табигатькә чыктылар. Үләннәр җыйдылар, аларның файдалы-файдасыз якларын билгеләделәр. Вожатый апалары белән берлектә бу көнне файдалы үткәрделәр.

Бүген  лагерьда  Җиңүнең 70 еллыгына карата әңгәмә уздырылды, презентация каралды. Укучылар үзләренең язып килгән иншаларын укыдылар. Аннары сугыш турында шигырьләр  сөйләделәр. Ашханәдә тукланганда да икмәкнең кадере, сугыш елларындагы авыр тормыш турында сөйләшү үткәрелде. Көн азагында җиңүче укучыларга бүләкләр тапшырылды. 

19 нчы июнь – Г.Тукай шигырьләренә конкурс көне. Алдан әйтелү буенча укучылар Г.Тукай шигырьләрен ятлап, сәнгатьле итеп сөйләргә өйрәнеп килделәр. Һәр укучы бик тырышып өйрәнгән шигырен сөйләде. Ахырдан “Иң оста башкаручы” билгеләнде. Ул – Бикбаева Алия. 1, 2, 3 нче урыннар да билгеләнде. Укучыларга бүләкләр тапшырылды. Көннең икенче яртысында Г.Тукай әкиятләрен видеодан карадылар һәм рәсемнәр ясадылар. Көн күңелле үтте.

Бүген саф һавада укучылар белән  "Күңелле стартлар" уздырылды. Җиңүче команда билгеләнде, аларга бүләкләр тапшырылды. Көндезге аштан соң  укучылар мультфильмнардан " Я на солнышке лежу...." исем астында  төрле җырлар өйрәнделәр.Көн ахырында кичке линейка уздырылды, актив укучыларга бүләкләр тапшырылды. Һәр укучы өйләренә яхшы кәеф белән кайтып китте.

Бүген "Кояшкай " лагеренда пожарга каршы профилактика  чаралары уздырылды. Укучылар презентацияләр, видеороликлар карадылар, әңгәмә уздырылды. Укучылар  аннары үзләренең фикерләрен рәсемнәргә төшерделәр.Һәр укучы бу профилактика чарасында теләп катнашты, җиңүче укучылар билгеләнде.