Бүген 4 нче класс укучылары өчен чираттагы сынау үткәрелде. Алар рус теле фәненнән мониторинг тапшырдылар.

Бүген укучыларга Бөек Җиңү көненең символы - Георгий тасмасы турында тирән мәгълүмат бирелде. Тарих укытучысы Шәфигуллин Н.Ф. әлеге тасманың тарихы, аның төсләре, бүгенге көндәге роле турында сөйләде. Җиңү яулап алучыларга карата хөрмәт йөзеннән укучылар үзләре дә бу тасмаларны тактылар.

"Язгы игелек атнасы - игелекле эшләр эстафетасы" акциясе кысаларында классларда дуслык, тынычлык темасына әңгәмәләр уздырылды.

Авыл китапханәсе мөдире Минһаҗева Д.Д. мәктәп коллективы белән һәрчак элемтәдә тора. Бу юлы ул 9 нчы класс укучылары белән начар гадәтләргә каршы әңгәмә корды, аракының, тәмәкенең, наркотикларның зарары турында кабат исләренә төшерде.

Бүген барлык укучылар һәм укытучылар, техник хезмәткәрләр мәктәп территориясен, авыл урамнарын, олы юл кырыйларын чистартуда катнаштылар.

17 апреля проводилась  оценка сформированности метапредметных результатов в ходе выполнения группового проекта. 11 учеников разделились на 3 группы и  выполнили проектные работы познавательного направления. Две  группы выбрали компьютерную презентацию на темы “ Земля – планета наша”, “Что мы знаем о Земле?”, одна группа   подготовила плакат на тему “Природа Земли”. В завершении проекта каждая группа выступила с защитой своей работы, заполнили листы самооценки. 

  “Халыкара  балалар китабы көне” уңаеннан 3 нче сыйныф укучылары белән бергә китапханәче Мөхәмәдиева Н.З. “Китаплар сере”  исемле тәрбия әңгәмәсе үткәрде.  Укучылар китап турында мәкальләр, табышмаклар әйтештеләр. Укылган китаплар буенча фикер алыштылар. Зур кызыксыну белән китап күргәзмәсен карадылар, сорауларга тапкыр җаваплар бирделәр. Китап укыган кешенең теле бай, эчтәлекле, фикерләре зирәк була. Китап белән дус булыйк!

Бүген мәктәптә ата-аналар җыелышы үтте. Ата-аналарга чирек йомгаклары, төп дәүләт имтиханнары, укучыларның туклануы турындагы мәгълүматлар җиткерелде. Хезмәт тәрбиясе бирү турында доклад тәкъдим ителде. Ата-аналар каршында авылның имамы Равил хәзрәт, Сеҗе янгын бүлегеннән Җамалиев Марат Тәлгат улы да чыгыш ясады.

Бүген 9 нчы класс укучылары Г.Тукай исемендәге Әтнә авыл хуҗалыгы техникумыннан килгән педагоглар белән очрашты. Хәсәнова Фәридә Фәрит кызы, Галимҗанов Марат Рәфкат улы техникумга керү шартлары, анда алырга мөмкин булган белгечлекләр, яшәү шартлары белән укучыларны җентекләп таныштырдылар, эчтәлекле чыгыш ясадылар.