Бүген район мәдәният йортында укуда, төрле конкурсларда, спортта зур уңышларга ирешкән сәләтле һәм талантлы балаларны бүләкләү тантанасы булды. Әлеге бәйрәмдә спорт ярышларында мәктәп һәм район данын яклаучы 9 нчы класс укучысы Сәләхова Фәнүзә дә катнашты һәм район башлыгы И.Г.Нуриевның Рәхмәт хаты белән бүләкләнде.

30 апреля команда нашей школы «КоrSa» приняла участие в музыкально-спортивном танцевальном антинаркотическом марафоне «Флеш моб батлл», посвященный  70-летию Победы в Великой Отечественной войне 1941-1945. (Руководитель - Султанова И.А.)

 Бүген районыбыздагы барлык оешмаларда да чираттагы өмә оештырылды. Безнең укучылар, укытучылар коллективы, техник хезмәткәрләр дә тирә-якны чистарту, төзекләндерү эшендә актив катнаштылар.

Бөек Җиңүнең 70 еллык юбилее якынлашкан көннәрдә мәктәпнең "Туган якны өйрәнү" музее экспонатлар белән  тагын да тулыландырыла. Бу эштә безгә авылыбыздан чыккан якташлар да ярдәм итә. Шушы көннәрдә генә Арча шәһәрендә яшәүче Мәҗитова Таңсылу Вазих кызы Урта Курса авылында туган, шушыннан Бөек Ватан сугышына китеп, Ленинград фронтында радист булып хезмәт иткән әнисе Мәҗитова Фәхирә Нәбиулла кызының фотоларын, документларын музейга тапшырды. Мәктәп музее Таңсылу апада бик матур тәэсир калдырды.

Көннәр җылыну белән мәктәп тирәсендә эш тә күбәйде. Укытучылар, укучылар буш вакытларында бакчаны, чәчәклекләрне тәртипкә китерү, үзгәртү өстендә эшлиләр. Укучылар тал чыбыгы белән эшләү серләренә дә өйрәнәләр.

9 нчы класс укучылары өчен җаваплы чор якынлаша. Үзләренең киләчәк һөнәрләре турында да еш уйлана алар. Ел дәвамында төрле уку йортларыннан килгән белгечләр белән очрашу алар өчен файдагага гына. Бүген мәктәпкә  77 нче номерлы Арча агросәнәгать көллиятеннән һөнәргә өйрәтү мастеры Хаҗиәхмәтова Сания Ринат кызы һәм укытучы Фәсхетдинова Раймә Илсур кызы килделәр,  көллияттәге белгечлекләр, уку, яшәү шартлары белән укучыларны таныштырдылар, киңәшләрен бирделәр.

Габдулла Тукайның туган көне уңаеннан бүген Яңа Кырлайда шигырь бәйрәме узды. Әлеге бәйрәмдә Казаннан бер төркем язучылар катнашты. "Тукай конкурсы"  җиңүчеләрен дә бүген шушы тантанада бүләкләделәр. 6 нчы класс укучысы Солтанова Камиләгә  "Шигырь иҗат итү" бәйгесендә җиңгәне өчен район башлыгы И.Г.Нуриев 2 дәрәҗә диплом һәм истәлекле бүләк тапшырды.

"Язгы мәрхәмәтле эшләр эстафетасы" акциясе кысаларында мәктәптә күп төрле чаралар үтте. Укучылар һәр чарада теләп катнаштылар. Аларның һәркайсы изге эшләр башкарырга ашыкты. Бу атнага нәтиҗәләр атналык линейкада ясалачак.

26 апрель - Габдулла Тукайның туган көне уңаеннан уздырылган чарада укучылар шагыйрьнең шигырьләрен яттан башкардылар, тормышы, иҗаты буенча  викторина сорауларына җаваплар бирүдә актив катнаштылар. 5-6 нчы класс укучылары катнашында уздырылган ярышта 6 нчы класс укучыларының белемнәре өстенрәк булды. Афәрин!