Газиз халкының талантын барлау өчен, “Ач, шигърият, серләреңне!” дип аталган шигырь бәйрәме- әдәби мәйдан һәркемнең игътибарын җәлеп итте. Җирдә дә түгел, күктә дә түгел, шигърият ул – кеше йөрәге биеклегендә. Мәҗитова Адилә, Мәҗитова Галияләрнең әниләргә, табигатькә багышланган шигырләре һәркемне игътибарcыз калдырмады. Шигъри җанлы укучылар: Кәримов Инсаф, Сафин Илназ, Солтанова Зәринә, Солтанова Рәзилә, Шәмсемөхәмәтова Гөлшат,  Шәмсемөхәмәтова Илүзә, Ибәтуллин Ирек, Мәһдиев Әнисләрнең чыгышлары ихтирамга лаек. Кичәдә милләтебезне дөньяга таныткан шагыйребез - Г. Тукай әсәрләре үз урынын алды.Чөнки һәр татар баласы кечкенәдән аның әсәрләрен күңеленә сеңдереп үсә. Тукайның китаплары безне матурлыкка, яхшылыкка өйрәтә, шәфкатьле, гадел, кыю булырга өнди. Безнең туган ягыбыз күп кенә күренекле кешеләр биргән як. Шулар арасыннан - балалар шагыйрәсе Заһирә апа Гомәрованың, үзешчән шагыйрә Роза апа Шәйхетдинованың шигырьләре дә бәйрәмдә яратып укылды. Кичә мәктәбезнең ”Ләйсән” бию коллективының матур чыгышы белән үрелеп барды.  Укучыларның әдәбиятка, шигърияткә, гомумән китапка битараф булмаулары, яраткан язучыларыбызның иҗатлары белән танышып, кызыксынып торулары шатландыра.

Август аеның бик эссе торуы сәбәпле, мәктәп бакчасында су сибү даими рәвештә алып барыла.

Үссен матур чәчәкләр,

Гел кояшка үрелеп.

Балкып торсын җиребез,

                                                          Яшеллеккә төрелеп.

     Депутатлыкка кандидатлар, муниципаль берәмлекләр, иҗтимагый оешмалар вәкилләреннән торган десант республика районнары буенча "Көчле Татарстан - Бердәм Россия" ватанпәрвәрлек эстафетасына чыкты. Мобиль кабул итү бүлмәсеннән гыйбарәт булган автобус 6 нчы август көнне Сикертән җирлегенә килеп халыкның гозерләрен тыңлап, язып алды. Алар: "Бер гозер-теләк тә игътибарсыз калмаячак", - дип ышандыралар.

       Җәй уртасы җиттеме, бакчаларда яшелчәләрне кышка әзерләү башлана. Кыяр тозлар өчен менә дигән вакыт! “Тозлау өчен нык булган, бертөрле зурлыктагы кыярларны сайлыйлар...”,- дип, Гөлүсә апа белән Фәридә апа безне кыяр тозлау серләренә өйрәтеп кенә калмыйлар, мәктәп укучыларына ашханәдә кыш буена җитәрлек кыярларны телеңне йотарлык тәмле итеп тозлап та куялар. Афәрин!

        Суганның сәламәтлек өчен файдасы бик зур. Баш мие эшчәнлеген, хәтерне яхшырта, картаюдан саклый,  хис өчен җаваплы күзәнәкләрне яшәртә. Әнә шундый искиткеч файдалы яшелчәне мәктәп бакчасында без дә үстердек! Кыш буе ашарга да җитә, бәлки артыгын сатып , акча да эшләрлек булыр әле.    

       Мәктәп яны тәҗрибә участогына һәркем соклана. Аллы-гөлле чәчәкләргә күмелеп утырган бакчабыз көннән көн матурлана. Бу укучыларыбызның тырыш хезмәт нәтиҗәсе

           Мәктәп яны тәҗрибә участогында эш тынып тормый. Укучылар бик күп төрле эшләр башкаралар: чүп утыйлар, чәчәкләргә, яшелчәләргә су сибәләр, төпләрен йомшарталар. Мәктәп янын һәрчак тәртиптә тоталар.

      Кыяр,кишер, помидорны кем дә үстерә. Ә менә бездә карбыз һәм кавын үсә! Үсми түгел, үстерәбез һәм мул уңыш җыеп алырбыз дип торабыз. Вакытында суын һәм ашламасын  сибәбез, суыклардан саклыйбыз.

      Мәктәп яны тәҗрибә участогында эш гөрләп бара. Һәр үсенте, һәр чәчәк, һәр яшелчә аерым бер карау сорый. Практикада  эшләүче укучылар бүген виктория җиләге участогын эшкәрттеләр, шулай булганда гына мул уңыш алып була.Мәктәбебез укучылары Мичуриннан бер дә ким түгел.

     Мәктәп яны бакчабызда нинди генә яшелчәләр үсми безнең! Рәт-рәт тезелеп киткән түтәлләрне карап, тәрбияләп тору бик зур көч сорый. Ә уңышын җыеп алганда, барлык ару-талулар да онытыла. Әнә бит, сарымсаклар да нинди уңыш белән сөедерде безне. Бакчада эшләүче балаларның куллары-кулга да йокмый. Үз хезмәт җимешләребез бит.