Лагерьда бүгенге эш көне дә  балаларның шат көлүләре белән тулы составта  дәвам итә. Матур музыка астында үткәрелгән иртәнге зарядка яңа көнгә көч-куәт өстәде. Линейка үткәрелде. Сәламәтлек минутында дару үләннәрен тану, аларның файдасы турында сөйләшү үткәрелде.

Шахмат, шашка уены турында презентация күрсәтелде, берничә уен алымы аңлатылды. Ә аннан соң шашка уены буенча ярыш үткәрелде, иң оста уенчы билгеләнде. Җиңүче булып “Гөлкәйләр” звеносыннан Солтанова Зәринә калды, вожатыйлар арасыннан Гөлнур Мансуровнага тиңнәр табылмады.

“Без - тынычлык яклы” тематикасы буенча үткәрелгән рәсем конкурсы да талантлы рәсем осталарын ачарга ярдәм итте. Бүгенге көн нәтиҗәле һәм файдалы үтте.

Яңгырлы көн булуга карамастан, лагерьның җанлы тормышы үз тәртибе белән бара. Иртәнге зарядка, линейкадан соң, шәхси гигиенаны саклау буенча  әңгәмә үткәрелде.

Г.Тукай һәм А.С.Пушкин иҗатлары буенча  “Могҗизалар кыры” дигән уен-ярыш күңелләргә аеруча хуш килде. Балалар дәресләрдә алган белемнәр белән генә чикләнмичә, дәрестән тыш вакытларда әдәби китаплар укуларын, бу шагыйрьләр иҗаты буенча кызыклы мультфильмнар карауларын, иҗат белән кызыксынуларын күрсәттеләр.

Тукай иҗатын белүнең

Яңа ысулын таптык.

“Могҗизалар кыры” дигән

Шоу-уен уйнадык.

          Бүген лагерьда җитезлегебезне, кыюлыгыбызны сынадык. Звенолар үзара ярыштылар. Бер генә кеше дә читтә калмады, һәркем үз командасы өчен очко китерергә тырышты. Соңгы нәтиҗә куанычлы: дуслык җиңде!

Көчлеләр без, кыюлар без!

Сынатмый беребез дә.

                                                            Фотоларга күз салгач,

                                                            Күрәсез үзегез дә.

   Туган якның гүзәл табигате буйлап сәяхәткә чыктык. Кошлар тавышы тыңлап, агач, куакларга, күз явын алырдай чәчәкләргә сокланып, хозурланып йөрдек. Соңыннан табигать байлыгы булган шифалы дару үләннәре җыеп, сәламәтлекне саклауга үзебездән өлеш керттек.

Лагерьда бүген күңелле,

Юындыр килгән безгә.

Сорау арты сорау биреп,

Имтихан алды бездән.

Сәламәтлекнең нигезе -

Чисталыкта, беләбез.

Шуңа Юындыр белән,

Гел дус булып киләбез.

Ул безгә кунакка килә,

Юындыра, чистарта.

Һәрбер бала шуңа күрә,

Чисталыкны ярата.

   Бүгенге, җәйге лагерь ачылу тантанасы, һәр баланың күңелендә онытылмаслык булып истә калыр. Балалар бу көнгә бигрәк тә зур әзерлек белән килделәр. Бәйрәм сәхнәләштерүләр, рольле уеннар, сәнгатьле сөйләм, җырлар, дәртле биюләр, тантаналы вәгъдәләр белән үрелеп барды.  Балалар оста артис та, тәртипле тамашачы да булдылар. Алда аларны тагын да кызыклырак, маҗаралы һәм җаваплы көннәр көтә.

“Дуслык” лагере үз эшчәнлеген дәвам итә. Бүгенге көнебез “Кояш, Һава, Су – безнең дусларыбыз” – девизы астында үтә. Балалар рәхәтләнеп саф һавада хәрәкәтле уеннар уйнап, сәламәтлекләрен ныгыттылар.

               Лагерь ачылу тантанасына әзерлек тулы көченә бара. Җырлар, биюләр өйрәнү, скетчлар, әкиятләр сәхнәләштерү – барысы да балаларның кызыксынуларын исәпкә алып оештырыла

     Бүген Г.Камал исемендәге Сикертән төп гомуми белем мәктәбе базасында мәктәп яны ял лагере эшли башлады. Анда 1 нче июньнән 21 нче июньгә кадәр барлыгы 20 башлангыч класс укучысы ял итәчәк. Лагерьнең беренче көне халыкара балаларны яклау көненә туры килә. “Балалар – Җиребез чәчәкләре” исеме астында укучылар асфальтта рәсем конкурсында бик теләп катнаштылар. Лагерьда ял алдан төзелгән план нигезендә оештырыла.  

    Уку елы төгәлләнергә санаулы көннәр калды. Бүген  6-7 класс укучылары  класс җитәкчеләре белән берлектә  табигать кочагына экскурсиягә чыктылар.   Тәмле итеп уха пешереп ашадылар. Укучылар бу көнне файдалы һәм күңелле итеп уздырдылар.

     Сегодня среди учащихся 7-9 классов выступил ведущий специалист аппарата исполнительного комитета Арского муниципального района Нигматуллин Мансур Камбилевич, который провел беседу по недопущению правонарушений и преступлений.