Җиңү килде җирне нурга күмеп,

          Шатлык белән күзне чылатып.

          Килде ул көн, горур күкрәкләрдә

          Орден - медальләрне чыңлатып.

    "Җиңү язы" акциясе кысаларында мәктәбебездә бик күп эшләр башкарылды. Бүген Бөек Ватан сугышы истәлекләрен саклаучы урыннарда, укытучылар һәм балалар җыештыру эшләре башкардылар. Җиңү язы китергән данлы еллар турында онытырга безнең хакыбыз юк!

     Бүген  мәктәбебезнең 4 нче класс укучылары асфальтка рәсем төшерделәр. Әлеге конкурс "Җиңү язы" акциясе кысаларында уздырылды. Балалар рәсемнәрендә Җиребезгә тынычлык теләү, матур балачак темалары чагылыш тапты. 

        Әйе, рәхимсез сугыш  илебез халкына әйтеп бетергесез кайгы-хәсрәт китерә. Япь-яшь егетләр, кызлар, туган җирләрен саклау өчен, фронтка китәләр. Тылда калганнар да солдатлар өчен җылы оекбашлар, бияләйләр бәйлиләр. Җиңү өчен дип, бар тырышлыкларын куялар. Халыкның тырышлыгы бушка китми: күптән көтелгән Җиңү көне килә.  Бу көн халкыбыз күңелендә мәңге онытылмас көн булып уелып кала. Г.Камал исемендәге Сикертән төп гомуми белем мәктәбендә “Җиңү язы” акциясе дәвам итә. Шул уңайдан “Минем гаиләм тарихында Бөек Ватан сугышы”, “Россия патриотлары булып үсәбез”, “Хәзерге солдат” дигән темага класс  сәгатьләре үткәрелде.  

     "Җиңү язы" акциясе кысаларында мәктәбебездә эш дәвам итә. Үзебезнең мәктәпне тәмамлаган, Арча педагогия көллияте укучысы Шафиков Нияз "Эзтабарлар" отряды белән сугыш булып узган җирләрдә булып, тикшерү эшләре башкаралар. Беренче экспедициясеннән  соң ул уй - фикерләрен мәктәбебез укучылары белән дә уртаклашты. Бүгенге көндә ул тагын сәяхәттә һәм 6 нчы май көнне кире юлга кузгала.

         Мәктәбебез укучылары һәм укытучылары "Җиңү язы" акциясенә бик теләп кушылдылар. Акциянең планы төзелде һәм шул план нигезендә эш башланды. Тимурчылар отряды авылыбыздагы бердәнбер сугыш ветераны Дәүләтшин Фатих Дәүләт улының хәлен белеп, өй эшләрендә булышып кайттылар.

         Арчаның бишенче гимназиясендә ЮХИДИның Арча бүлекчәсе Куркынычсыз тәгәрмәч бәйгесе уздырды.Ел да үткәрелеп килә торган бу чарада укучыларыбыз бик теләп катнашты. Укучылар биредә юл хәрәкәте кагыйдәләрен белүләре буенча көч сынаша. Бүген дә алар велосипедта каршылыклар аша үтте, барлык юл хәрәкәте кагыйдәләрен үтәп, автошәһәрчектә йөрде,теоретик белемнәрен дә тикшерде.

   Спорт - основа здоровья. С этой целью в ясный, солнечный весенний день профсоюз работников образования организовал Спартакиаду по лёгкой атлетике, в которой приняли участие работники образовательных учреждений. Спартакиада прошла дружно, весело. Проведение таких спортивных мероприятий помогает укреплению здоровья, дарит хорошее настроение, сплачивает людей. Учителя нашей школы также приняли активное участие в Спартакиаде. Желаем всем дальнейших успехов и крепкого здоровья! 

Һөнәрләр бик күп. Кайсын гына алсак та, аларның һәрберсе җәмгыятебез өчен бик кирәкле. Һөнәре булган, кулыннан эш килгән кешенең җирдә һәрвакыт үз урыны, үз юлы, үз һөнәр җимешләре була.Нинди генә чорда яшәсәк тә, без намуслы хезмәт кешеләре булып көн итәргә тиешбез. Һөнәре булган, авырлыктан курыкмаган, эш яраткан кеше үзен иң бәхетле кеше итеп саный. Сайлаган һөнәр үзеңә ошарга, шатлык китерергә тиеш. Укучыларга тиешле белгечлек сайлап алу юнәлеше буенча мәктәбебездә төрле чаралар, очрашулар булып тора. 120 нче номерлы Арча һөнәри белем бирү көллиятеннән килеп, эретеп ябыштыручы, ташчы, штукатурчы һөнәрләре буенча укучыларга мәгълүмат бирделәр.

Һөнәрләр күп: кем булсаң да,

Игенчеме, эшчеме?

Тик онытма бер нәрсәне:

Хезмәт бизи кешене!

     Хартия Земли — международная декларация основополагающих принципов и ценностей для создания справедливого, устойчивого и мирного глобального общества в XXI веке. Хартия Земли направлена на пробуждение во всех людях нового чувства взаимозависимости и общей ответственности за благополучие всех людей, всего живого сообщества и будущих поколений. Она призывает человечество установить всеобщее сотрудничество в критический момент нашей истории. Хусаинова Гульнур Мансуровна, классный руководитель 4 класса, провела единый урок  на тему  «Хартия Земли» в России.

   Бөек әдәбиятыбызның йолдызлары меңләгән. Тукай шул йолдызлар арасында бер дә сүнми. Аның әсәрләре буыннардан - буыннарга күчә бара. Г.Камал исемендәге Сикертән төп гомуми белем мәктәбе укучылары даһи Тукайның шигырьләрен  сәнгатьле итеп яттан укыдылар. ”130 яшьлек Шүрәле” дигән сәхнәләштерү күренешен  5 нче класс укучылары  бик оста уйнадылар. Әйе,Тукай йөрәкләрдә онытылмас җыр булып яши!