Бүген "Самостоятельные дети" проекты кысаларында һәм сәламәт яшәү рәвешен пропагандалау максатыннан "Россия без табака" акциясе булып үтте. Укучылар авыл урамына чыгып тәмәке тартуның зарары турында сөйләделәр. 

         Бүген  27 май көнне Сикертән мәктәбенең 1-4 класс укучылары җәйге табигатькә  экскурсиягә чыктылар. Экскурсия барышында укытучы апалары Хөсәенова Гөлнур Мансуровна, Бәдриева Фәридә Һидиятулловна, Хәбирова Рая Павловна һәм Мәҗитова Рүзия Гафуровна укучыларга табигатьне пычратырга ярамаганлыкны, киресенчә, аның белән дус булырга кирәклекне аңлатты. Укучылар дару үләннәре белән таныштылар, чишмә тирәсен тәртипкә китерделәр. Әлеге экскурсия укучылар өчен файдалы ял булды.

            Бүген 9 нчы класс укучыларының сайланма фәннәрдән-җәмгыять белеме һәм химия фәненнән-экзамен. Уңышлар юлдаш булсын Сезгә!

     Бүген республикабызның барлык мәктәпләрендә дә "Соңгы кыңгырау"бәйрәмнәре гөрләп узды. Иртәгә мәктәбебезнең 6 укучысы, укытучыларының һәм әти-әниләренең хәер-фатихасын алып, тәүге имтиханнарына тотыначак. Чыгарылыш класс укучыларыбызга имтиханнарында һәм алдагы тормышларында уңышлар телибез.

     23-24 нче май числоларында район күләмендә туризм ярышлары үтте. Мәктәбебезнең Разыйл Расип улы җитәкчелегендәге "Туризм" түгәрәгенә йөрүче иң уңган егетләр һәм кызларыбыз көч сынашып кайттылар. Берничә төр ярышта җиңү яулап, грамоталарга ия булып, мәктәбебез данын лаеклы якладылар. Рәхмәт аларга!

               На районном конкурсе рисунков на асфальте, посвященном Дню пионерии, среди учащихся общеобразовательных школ Арского муниципального района участвовали ученики нашей школы Шамсемухаметова Гульшат и Камалова Алия.
                 Ученица 7- го класса Камалова Алия заняла 3 место в номинации «ПДД знай и соблюдай!» и была награждена грамотой и памятным подарком. Поздравляем наших девочек и желаем творческих успехов!

Бүген 4 нче класс укучылары өчен зур бәйрәм булды: мәктәпнең   варислар  оешмасына 9 укучы кабул ителде. Алар варисларның кагыйдәләрен , законнарын нык үзләштергәннәр.  Бәйрәм шигырьләр һәм  матур җырлар белән үрелеп барды. Өлкән класс варислары  укучыларның муеннарына галстуклар тактылар. Чара "Һәр көнне изгелек кыл!" өндәмәсе белән тәмамланды

         Яз җитүгә, мәктәбебез серле бакчага әйләнә. Алмагачлар  шау чәчәктә, бал кортлары безелдәшә, фонтан җырлап утыра. Тиздән күлгә аккошлар да төшәр. 6 нчы класс укучылары аккошларга соңгы бизәкләр төшерәләр.

     18 нче май көнне башлангыч сыйныф укучылары, укытучылар һәм әти-әниләр белән берлектә, Казан Татар дәүләт "Әкият" курчак театрына барып, "Таңга - Чулпан, Айга - Зөһрә" исемле спектаклен тамаша кылдылар.

Казанны күрү зур шатлык

Авыл балаларына.

Курчак театрын күрү

Үзе бәхет аларга.

Артистлары бигрәк матур

Курчаклар искитәрлек.

Күп елларга истә калыр

Бу күңелле истәлек.

  9 нчы класс җитәкчесе Нәгыймова Р.Р. “Имтиханнарга хәзерләгәндә психологик киңәшләр. Стресска ничек бирелмәскә?”  темасына класс сәгате үткәрде. Укучылар имтихан вакытында үз-үзләрен ничек тотарга кирәклеген аңладылар. Барысына да уңышлар телибез!!!