Иртәнге линейкадан соң, "Күңелле уеннар"  планетасына сәяхәт ясалды. Төрле кызыклы уеннар, күңелле стартлар үткәрелде. Нәниләр булып уйнау, кызыклы викторина үткәрү бик отышлы булды.  Планетада яшәүче хитмәтле хайваннар, аларның тормышы турында сөйләнде, презентация күрсәтелде. "Көлүнең файдасы" турында видеофильм каралды. "Оста балыкчы"  ярышы үткәрелде. Иң күп һәм  иң әз балык тотучы билгеләнде. Көн бик күңелле үтте. 

       Иртәнге аштан соң "Гиннес" рекордлары көне үткәрелде. Иң - иңнәр билгеләнде: иң тәртипле, әдәпле; озын буй, чәч, бармак, табан. Укучылар үзләренең сирәк булдыра ала торган мөмкинлекләрен күрсәттеләр. "Серле сүзләр" бәйгесе дә балаларга бик ошады. Саф һавада хәрәкәтле уеннар уйналды.

        Бүген "Россия көне" бәйрәмен билгеләп үттек. Дәүләт символларын, идарә органнары турында белемнәрне ныгыттык, рәсем, темага туры килгән җырлар башкару бәйгеләре, викторина сорауларына җаваплар эшлекле һәм күңелле оештырылды. Кыр чәчәкләре фестивалендә тәкыяләр үрү ярышы үзенчәлекле булды.   

          Бүген лагерьда "Нептун көне" үткәрелде. "Нептун көне" аңлатылды, видео каралды. "Урман - дустыбыз", "Табигать - җир анабыз" дигән әңгәмә бик җанлы үтте. Якындагы агачлыкка экскурсиягә бардык, сулыкларны күзәттек. Саф һавада хәрәкәтле уеннар уйнадык. Көн күнелле үтте. 

     Лагерьда  бөек рус язучысы А. С. Пушкинның туган көне уңаеннан бәйрәм үткәрелде. Пушкин әкиятләрен  һәм шигырьләрен иң матур сөйләүче бәйгесе уздырылды, җиңүчеләрне билгеләдек. Балаларның Пушкин әкиятләрен таный белүләрен сынап, викторина уздырылды. Пушкин әкиятләре буенча рәсем ясадылар.

     Иртәнге зарядкадан соң линейкада бүгенге эш тәртибе белән таныштырылды. Кызыл китапка кертелгән хайваннар һәм үсемлекләр турында әңгәмә үткәрелде. Бүгенге көн "Табигать  көне"  темасына багышланган иде. "Табигатьне саклагыз!" темасына плакатлар ясау бәйгесе үткәрелде. Балалар белән табигатькә экскурсиягә чыктык, яңа төзелгән чишмә белән таныштык. Көн файдалы һәм кызыклы үтте. 

    Бүгенге көн "Юындыр бездә кунакта" темасы астында узды. Темага багышланган рәсем бәйгесе, флешмоб, викторина уздырылды. Йомгаклау өлешендә "Мойдодыр" мультфильмын карап хозурландык. Балалар бик актив булды.  

           Бүген "Күңелле балачак" исеме астында лагерь ачылу тантанасы узды. Укучылар  үзләренең  матур  чыгышлары белән тантанага ямь өстәделәр. Бәйрәм спорт уеннары белән үрелеп барды. Көнебез күнелле һәм файдалы узды.

     Лагерь  иртәнге линейка белән башланып китте. Линейкада бүгенге көннең эш тәртибе белән таныштырылды. "Кояш, һава, су- безнең дусларыбыз! " һәм "Туган якны сөючеләр" дигән темаларга  укучылар белән әңгәмә үткәрелде. Табигатькә  чыкканда үз-үзеңне  тоту кагыйдәләре, юл йөрү кагыйдәләре искә төшерелде. Саф һавада хәрәкәтле уеннар уйналды. Бүгенге көн укучылар өчен бик күңелле һәм файдалы булды.

      Мәктәптә "Дуслык" лагеры ачылды. Лагерьдагы тәртипләр һәм кагыйдәләр белән таныштырылды. Шәфкать туташы тарафыннан балаларның сәламәтлекләре тикшерелде. Чисталыкны саклау таләпләре турында әңгәмә уздырылды.  Укучылар берлеге, төркем  исеме сайланды һәм укучылар ике төркемгә бүленделәр.  Төркем почмаклары булдырылды. 1 нче июнь  - балалар яклау көне.  Шул уңайдан асфальтта төсле бурлар белән "Җир планетасы балалары" темасы астында рәсем бәйгесе уздырылды. Һәр төркемнең рәсеме эчтәлекле һәм үзенчәлекле булды.