РСФСРның атказанган, ТАССРның халык артисткасы Нәгыймә Таҗдарованың тууына 130 ел тулу уңаеннан Арча районы мәдәният учреждениеләре арасында бәйге бара. Әлеге чарада безнең мәктәп укытучылары да актив катнашты. Камалчыларга уңышлар телибез.

       Бүген Сикертән төп гомуми белем мәктәбендә чираттагы ата-аналар җыелышы үтте. Көн тәртибе буенча:  I нче чирек нәтиҗәләре, юлда хәвефсез йөрү кагыйдәләре һәм террорчылыкка каршы көрәш буенча мәктәптә узучы чаралар турында сөйләшенде. Әти-әниләр һәм укытучылар белән очрашуга Сеҗе җирлеге җитәкчесе Гөлфия Мансуровна, ҖЧҖ “Агрокомплекс” “Ак барс” директоры Шайдулла Имамович, балигъ булмаган балалар белән эшләү инспекторы Энҗе Фанисовна һәм участок инспекторы Эльвир Расихович  килгән иде. Җыелыш эшлекле фикер алышу тәртибендә барды.

     Г.Камал исемендәге  Сикертән төп гомуми белем мәктәбендә сулыкларда куркынычсызлык айлыгы башланып китте. Айлыкка план төзелде. Классларда тәрбия сәгатьләре уздырыла. “Бозда сак бул!” темасына рәсем бәйгесе игълан ителде. 

      Бүген мәктәбебездә: ”Коррупциягә каршы көрәштә мин ничек катнаша алам?” дигән темага класс сәгатьләре узды. Укучылар “Татарстан Республикасында коррупциягә каршы көрәш турында”гы Закон белән таныштылар. Коррупция сүзенең мәгънәсен ачыкладылар.

      7, 8, 9 нчы класс укучылары “Түгәрәк өстәл” артында үз белемнәрен ныгыттылар, фикерләре белән уртаклаштылар, кызыклы ситуацияләрдән чыктылар, чыгыш ясап, фикерләр белән уртаклаштылар.

      7 ноябрьдә Казанда “Мәгариф” журналының беренче саны чыгуга 100 ел (1918)  тулды. Шул уңайдан мәктәбебез китапханәчесе Шәймарданова А.Р. укучылар белән эчтәлекле әңгәмә үткәрде. Ул “Мәгариф” журналының оешу тарихы,  аның редакторлары белән таныштырды. Укучылар сорауларга җаваплар бирделәр.
 

   2 ноября на базе во Дворце школьников прошли соревнования по шашкам  на звание "Лучший шашист". Ученик второго класса Губаев Радис достойно выступил среди своих соперников и занял второе место. Поздравляем Радиса с победой и желаем дальнейших успехов!

    Бүген безнең олимпиадалар буенча мәктәп турында беренчелекне алган укучыларыбыз консультацияләргә килделәр. Фән укытучылары, олимпиадаларга хәзерлекне күптән башлады инде. Район турында катнашу өчен укучылардан зур белем, шәхси теләк сорала. Аларга уңышлар телибез!

        Бүген мәктәбебездә I чирек нәтиҗәләре буенча педагогик киңәшмә уздырылды. Киңәшмәдә класс җитәкчеләре укучыларның укулары, тәртипләре белән таныштырды. Укыту - тәрбия эшләре буенча директор урынбасары Шәмсемөхәмәтова Г.Ф. төп дәүләт имтиханына әзерлекнең торышы турында чыгыш ясады, шулай ук сәләтле балалар  белән эшкә басымны күбрәк ясарга кирәклеген ассызыклады. Бөтенрәсәй фән олимпиадаларының мәктәп турына нәтиҗәләр чыгарылды. Кинәшмәдә алда торган бурычлар билгеләнде.
 

      24 нче октябрь  көнне  Арча  стадионында спорт  туризмы буенча “Алтын көз” ярышлары  булып узды. 10-11 яшьлек укучылар арасында Нәгыймова Руфинә, Шәфикова Гөлфия, Шәмсемөхәмәтова Илүзә  һәм  Ашуров Исмаил составында булган мәктәбебез командасы мактаулы 3 нче урын алдылар. Ярышта катнашкан укучыларыбызга рәхмәт белдерәбез, уңышлар телибез.