Бүген мәктәбебездә 1 – 4 нче класс укучыларына “Укучының мәдәни көндәлеге” тапшырылды. Укучыларыбыз республикабызда барган шушы проектта катнашып, Татарстаныбызның истәлекле, тарихи урыннарында булырга, көндәлеккә шул урыннарны билеләп барырга тиеш булалар. Ел ахырында “Иң яхшы мәдәни көндәлек”, “Иң әйбәт мәдәни әти-әни” җиңүчеләре билгеле булачак. Һәркемгә уңыш елмаюын телибез!
 

      Мәктәбебездә дәрестән тыш эшчәнлек уку белән берлектә алып барыла. И.И.Ибраһимова интеллектуаль юнәлештәге “Яшь шахматчы” исеме астында дәрестән тыш эшчәнлеккә башлангыч класс укучыларын  җәлеп итте.  Алар бүген мавыктыргыч  презентация аша “Серле шахмат дөньясы”на сәяхәт иттеләр.

      Бакчаларда көзге уңышны  җыю чоры башланды. Безнең мәктәп бакчасында да укучыларыбыз тырышлыгы белән төрледән-төрле яшелчә үстерелде. Бу уңышны  җыеп алуда һәр кеше зур көч куйды.

    Сегодня ученики нашей школы собрались на открытый урок, посвященный на тему пагубного влияния экстремизма и терроризма в современном мире.
 

         10 нчы сентябрь көнне ата-аналар җыелышы булып узды. Җыелышны мәктәп директоры Сөнгатов Ш.Җ. башлап җибәрде, 2017-2018 нче уку елына йомгак ясады һәм яңа 2018-2019 нчы уку елына куелган тәрбияви бурыч-максатлар белән таныштырды. Икенче көн тәртибендә фельдшер Солтанова Г.А. гриппка каршы ясалырга тиешле һәм башка прививкаларнын файдасы турында мәгълүмат бирде. Өченче көн тәртибе буенча туклану мәсьәләсе һәм бердәм меню каралды, фикер алышулар алып барылды. Җыелышның калган өлеше классларда дәвам итте. 

    2018 нче елның 7 нче сентябрендә, дәресләрдән соң, Галиәсгар Камал исмендәге Сикертән төп гомум белем бирү мәктәбендә бәрәңге алу өмәсе оештырылды. Өмәдә укытучылар, 5 – 9  класс укучылары, техник хезмәткәрләр катнашты.  Тырыш хезмәтебез бушка китмәгән, уңыш - искиткеч. 

          Мәктәбебездә уку белән берлектә дәрестән тыш эшчәнлек тә тигез дәрәҗәдә алып барыла. Бүген Ф.Һ. Бәдриева 7 нче класс укучылары белән “Яшь математик” исеме астында, интеллектуаль юнәлешендә, үзенең эшчәнлеген башлап җибәрде. Балалар зур кызыксыну белән эшләделәр.

    Тарих укытучыбыз Хисматуллин И.И. 8 нче сыйныф укучылар өчен “Беслан трагедиясенә 14 ел”- дип исемләнгән класс сәгате үткәрде. Укучыларга шул вакыттагы вәхшилекне чагылдырган презентацияләр, видеофильмнар күрсәтелде. Балалар тагын бер кат шушы ачы хәлләрне күз алдыннан кичерделәр, террористларга каршы ничек көрәшергә кирәклеген белделәр.

     Бүген  мәктәбебездә тәрбия сәгатьләрендә “Россия дәресе” үткәрелде. Дәрестә Россия Федерациясе һәм Татарстан Республикасы дәүләт символлары турындагы төп белемнәр ныгытылды,  дәүләт символикасына хөрмәт, патриотизм һәм үз илеңә, республикаңа һәм шәһәреңә мәхәббәт тәрбияләнде. Шулай ук  укучыларның коммуникатив белемнәре  һәм күнекмәләре үстерелде.

            Бүген мәктәпләрдә яңа уку елы башланды. Белем бәйрәменә багышлап тантаналы линейка үтте. Мәктәп укучыларның шат авазына күмелде. Бәйрәмдә кулларына чәчәк бәйләмнәре тоткан укучылар, әти-әниләр, шушы мәктәптә узенең хезмәт юлын узган өлкән буын, шулай ук бүгенге көндә балаларга белем бирүче укытучылар катнашты. Мәктәбебез бусагасын 2 малай тәүге тапкыр атлап керделәр.Хөрмәтле укытучылар, укучылар, әти-әниләр! Сезне бәйрәм белән тәбриклибез! Мәктәп еллары һәркайсыгызның күңелендә  кабатланмас бер мизгел булып калсын иде.

Нәни дустым, бәйрәм белән

Сине кояш та котлый.

Ал нурларын сибә-сибә,

Ул янәшәңнән атлый.

Мәктәп дигән серле дөнья

Белем өстәргә дәшә,

Укытучы апаң – терәк

Булыр һәрчак янәшә.