Татар әдәбияты классигы, атаклы драматург, сүз остасы, журналист, татар театрына нигез салучы, ялкынлы публицист, авылдашыбыз Галиәсгар Камалның тууына 30 нчы гыйнварда 140 ел була. Шул уңайдан 7 нче класс җитәкчесе Нәгыймова Р.Р. укучылар белән “Г. Камал тормыш мизгелләре” исеме белән әдипнең тормыш юлын, нәсел шәҗәрәсен яктырткан класс сәгате үткәрде.

       Укучыларның дәүләт йомгаклау аттестациясендә нинди нәтиҗәгә ирешүе мәктәпнең имтиханга әзерлек эшчәнлегеннән тора. Бу катлаулы чорга әзерлек буенча педагогик коллектив тарафыннан күп эш башкарыла.  Каникул чоры булуга карамастан укытучылар, укучылар һәм әти-әниләр бик тырыша. Бүген исә укучыларыбыз математика фәненнән сынау имтиханы тапшыра.
 

        Яңа ел каникуллары вакытында мәктәбебездә, тимераякларда һәм чаңгыда шуу өчен бөтен мөмкинлекләр булдырылды. Әлеге вакытта да мәктәбебездә итекле хоккей ярышлары бара.
Куркытмый безне
Кышкы салкын да.
Боз мәйданында
Уйныйбыз хоккей да.
 

    Каникулның һәр көне бик кызыклы үтте. Бүген күмәкләшеп чана шудык! Эй күңелле булды да соң! Рәхәтләнеп күңел ачтык, саф һавада сәламәтлегебезне ныгыттык.
Каникуллар матур үтә,
Таудан чана шуабыз.
Рәхәтләнеп уйнап була –
Кышны бик яратабыз!
 

        Кышкы салкын саф һавада уйнаулары бигрәк тә күңелле. Бүген без кабат мәктәптә! Укырга түгел, чаңгыда шуабыз. Бергә-бергә күңелле бит. Битләр кызара, рәхәтләнеп саф һава сулыйсың. Күңелләр күтәрелә.

            Бүген 7, 8 нче сыйныф укучылары арасында хоккей ярышлары булды. Спортның бу төрен балалар бик ярата. Мәктәптә хоккей мәйданчыгы булу да моңа зур этәргеч. Балалар рәхәтләнеп тимераякта шудылар, бер-берсе белән аралаштылар, командалар ярыштылар. Ахырдан җиңүчеләр билгеләнде. Кышкы каникуллар матур гына, актив ял белән аралаштырылып үтә, балаларның сәламәтлеге ныгый. Алга таба да барысына зурдан-зур уңышлар телибез!!!

          Кышкы каникуллар! Бу вакытта гына кышкы спорт төрләре белән шөгыльләнергә була. Мәктәп укучылары каникул ялларын файдалы һәм күңелле уздыралар. Мәктәп янында алдан төзелгән план нигезендә шугалак эшли. Бүген мәктәбебез янындагы шугалакта кызлар арасында шорт-трек ярышлары үтә. Тимераякта шуу кеше организмы өчен бик файдалы.

     Спорт – сәламәтлек нигезе. Шуңа күрә укучыларыбызны һәрдаим спортка тартырга тырышабыз. Шул уңайдан бүген укучыларыбыз мәктәп яны спорт мәйданчыгында тимераякта шуып, вакытларын күңелле итеп үткәрделәр.

        Сикертән һәм Гөберчәк мәдәният йортларында Яңа 2019 нчы елны каршы алу бәйрәмнәре гөрләп үтте. Ул бәйрәмнәрдә безнең мәктәбебез укучылары һәм укытучылары бик теләп катнаштылар. Авыл халкына һәм килгән кунакларга күңелле булсын өчен, төрле әкият сүрәтләренә кереп күңелле уеннар үткәрделәр, җыр-биюләрдә катнаштылар. Яңа елны каршы алу бәйрәме укучыларыбызда, бер тәрбияви чара булып истә калды. Һәркем гаиләләренә шат күңел белән таралышты.

  Хөрмәтле коллегаларыбыз! Сезне чын күңелебездән якынлашып килүче Яңа ел белән тәбрик итәбез!!! Тормыштан ямь-тәм табып, кадерле булып яшик. Яңа елда шатлыклы очрашулар, бәхетле елмаюлар, куанычлы мизгелләр күп булсын!