Бүген "Дуслык" лагеры эшен тәмамлады. Балалалар концерт куйдылар. Линейка булды һәм тантаналы рәвештә лагерь сменасы ябылды, флаг төшерелде. Көн һәм лагерь йомгакланды.   

     Бүген лагерьда  сабантуй.. Бәйрәм  милли уеннар һәм бәйрәм концерты  белән   бик күңелле булды.

       Лагерьда  бүген сабантуй бәйрәме. Балалар  милли уеннар, спорт уеннарын җыр һәм биюләр аралаштырып күңелле ял иттеләр.  

            22 нче июнь - сугыш башланган көн. Ул хәзер Хәтер һәм кайгы көне итеп билгеләп үтелә. Безнең лагерыбызда бу көнгә багышлап, "Кирәкми безгә сугыш" дигән темага әңгәмә үткәрделәр. Хөрмәтле сугыш һәм тыл ветераннарын бер минутлык тынлык белән искә алдылар. 

       "Табигать ул - гузәллек, могҗиза, тылсым" темасы астында әдәби мәйдан уздырдык.  Йомгаклау итеп, Казаклар авылындагы бик тәмле сулы чишмә тирәсен җыештырдык.  Көнебез куңелле уеннар белән сизелми дә узып китте.   

    Бүген лагерьда балалар татар халык әкиятләрен укыдылар. "Әкият геройларын беләсезме?" дигән викторина үткәрелде. "Синең яраткан әкият героең" дигән рәсем бәйгесенә укучылар иҗат эшләрен тәкъдим иттеләр. Укучыларның рәсемнәренә урыннар билгеләнде.

     Лагерьның истәлекле вакыйгаларына багышлап балалар бүләк иҗат иттеләр.Һәрбер баланың иҗади эше эчтәлекле, үэенчәлекле булды. Балалар лагерьга изге теләкләрен белдерделәр.  

      Лагерь иртәсе бик үзенчәлекле башланып китте. Иртәнге ашны ашаганнан соң, М. Мәһдиев музеена юл тоттык. Көн бик матур иде. Безне бик җылы каршы алдылар. Халидә Кыямовнаның эчтәлекле чыгышы балаларга бик ошады. 

           Бүгенге истәлекле вакыйгалардан  "Туган ягым тарихы эзләре буйлап"  исеме астында, атаклы тегермәнче, Павел абый биләмәләре урынына сәяхәт кылу булды. Хәзерге вакытта ул урын, кыскача, Повал болыны дип атала. Балаларыбыз үткәннәр белән очрашып, рухи азык алып, ял итеп кайттылар.  

        Бүген, олуг бәйрәм уңаеннан, Казаклар авылында яңа ачылачак мәһабәт мәчеткә экскурсия оештырдык. Шул ук авылда яңа ясалган үзенчәлекле ясалма буаны да карап хозурланып кайттык. Көннең төп темасы буенча балалар бүген үзләрен төрле рольләрдә сынады: җәяүле, шофёр, велосипедист, машинист, пассажир, капитан һ. б.