Лагерь  иртәнге линейка белән башланып китте. Линейкада бүгенге көннең эш тәртибе белән таныштырылды. "Кояш, һава, су- безнең дусларыбыз! " һәм "Туган якны сөючеләр" дигән темаларга  укучылар белән әңгәмә үткәрелде. Табигатькә  чыкканда үз-үзеңне  тоту кагыйдәләре, юл йөрү кагыйдәләре искә төшерелде. Саф һавада хәрәкәтле уеннар уйналды. Бүгенге көн укучылар өчен бик күңелле һәм файдалы булды.

      Мәктәптә "Дуслык" лагеры ачылды. Лагерьдагы тәртипләр һәм кагыйдәләр белән таныштырылды. Шәфкать туташы тарафыннан балаларның сәламәтлекләре тикшерелде. Чисталыкны саклау таләпләре турында әңгәмә уздырылды.  Укучылар берлеге, төркем  исеме сайланды һәм укучылар ике төркемгә бүленделәр.  Төркем почмаклары булдырылды. 1 нче июнь  - балалар яклау көне.  Шул уңайдан асфальтта төсле бурлар белән "Җир планетасы балалары" темасы астында рәсем бәйгесе уздырылды. Һәр төркемнең рәсеме эчтәлекле һәм үзенчәлекле булды.

           Бүген 2017 – 2018 нче уку елының соңгы көне. Үзенең кабатланмас истәлекләре, шатлыклы  мәшәкатьләре белән тагын бер ел артта калды. Шул уңайдан мәктәбебездә балалар белән берлектә әти-әниләр җыелышы үткәрелде. Җыелышта Сеҗе бүлекчәсе янгын сүндерү җитәкчесе Нуриев С.Х. һәм участок полициясе Мифтахов И.Р.  катнашып, җәйге каникул чорындагы куркынычсызлык кагыйдәләре белән таныштырдылар. Әти-әниләр дә үзләрен кызыксындырган сорауларга җаваплар алдылар. Җыелышка килгән һәркем хәвеф-хәтәрсез, имин җәйләр булуын теләп таралыштылар.

     Бүген мәктәбебездә  балалар Сабантуе бик күңелле һәм мавыктыргыч  үтте. Анда төрле-төрле ярышлар, уеннар үткәрелде. Укучылар бик теләп һәр уенда, ярышта катнаштылар. Ахырдан җиңүчеләр билгеләнде, бүләкләр тапшырылды. Балалар бик шат булдылар.

     Бүген 4 нче класс укучыларын Татарстан Варислар Берлегенә кабул итү тантанасы булды. Укучылар варислар үтәргә тиешле кагыйдәләр, лозунглар, символлар белән таныштылар, тантаналы вәгъдә бирделәр. Өлкән класс варислары 4 нче класс укучыларына Татарстан Варислар Берлегенең галстукларын бәйләделәр. Тантана бик матур үтте. 

     30 нчы май көнне башлангыч класс укучылары класс җитәкчеләре Мәҗитова Р.Г., Хәбирова Р.П., укытучылары Гарипова А.А. җитәкчелегендә табигать кочагына походка чыктылар. Алар анда спорт уеннары, милли уеннар уйнадылар, казан асып уха пешерделәр, тәмле әйберләр ашадылар. Поход бик күңелле һәм мавыктыргыч үтте, укучылар бик шат булып калдылар.

        Бу көнне мәктәбебез укучылары, Нәбиуллин Р.Р. җитәкчелегендә, велосипедта табигатькә экскурсиягә чыктылар. Саф һавада төрле уеннар уйнадылар. Балаларга чишмәләрне, сулыкларны чиста тотуның мөһимлеге турында сөйләнелде.

9 нчы классларда имтиханнарга  әзерлек дәвам итә. Иртәгедән чыгырылыш  сыйныф  укучылары өчен Бердәм дәүләт имтиханнары башлана.  Укучыларыбызга зур  уңышлар телибез!

Соңгы кыңгырау яңгырый бүген,

Яңа юл яра гомер агышы:

Соңгы кыңгырау – әнкәй догасы,

Изге юл тели аның тавышы.

Мәктәп елларын онытмыйк, дуслар,

Туган оясын онытмый кошлар.

Соңгы кыңгырау, моңлы җыр булып,

Еллар узгач та колакта чыңлар.

      22 нче май көнне безнең мәктәбебездә “Балаларны саклау көне”  булып узды.  “Балалар – Җиребез чәчәкләре” исеме астында укучылар асфальтта рәсем конкурсында бик теләп катнаштылар.