Сталинград сугышы- Бөек Ватан сугышында иң зур бәрешләрнең берсе булган. 2 февраль- Сталинград янында немец-фашист гаскәрлэрен тар-мар иткән көн. Шушы истәлекле көн уңаеннан  5,6,7,8 класс укучылары арасында "Сталинград сугышы" тәмамлануга 79  ел уңаеннан тарихи квест үткәрелде.

     29-31 январь көнне Казанда татар теле буенча олимпиаданың республика этабы булып узды. Мәктәбебезнен 3 укучысы әлеге олимпиадада катнашты һәм сөенечле нәтиҗәләр белән кайтты. 6 класс укучысы Самигуллина И. һәм 10 класс укучысы Фаттахова А. - призерлар, 11 класс укучысы Хадиева Р-республикада җиңүче булды. Укучыларыбызны һәм аларны әзерләгән татар теле укытучылары Сабитова Т.Ә. , Гобәйдуллина Э.А. ны зур уңышлары белән чын күңелдән котлыйбыз!

   Ленинград бокадасы-тарихның онытылмас бите булып уелган. Меңләгән, миллионлаган корбанга китергән бу вакыйганы онытырга безнең хакыбыз юк та. Шушмабаш урта мәктәбендә бу уңайдан тәрбия сәгатьләре һәм әңгәмәләр циклы дәвам итә. Бүген укучылар "Блокадный хлеб" хәтер дәресендә катнаштылар. 

   Бүген  башлангыч сыйныфларда тәрбия сәгатендә Шушмабаш авыл китаханәчесе Зарипова Чулпан катнашты. Ул укучыларга "Ленинград блокадасы" темасына бик бай эчтәлекле әңгәмә тәкъдим итте. 

  20 январь көнне Шушмабаш шугалагында Шушмабаш урта мәктәбе һәм Носы төп гомум белем мәктәбе укучылары арасында иптәшләрчә хоккей уены узды. Ике мәктәпнең уенчылары да бик матур уен күрсәттеләр. Оештыручы укытучыларга зур рәхмәт!

17 января проводился   очередной педсовет по теме " Формирование системы работы школы по повышению качества подготовки обучающихся к ГИА в форме ОГЭ и ЕГЭ на уровне начального, основного и среднего общего образования."

17 январь көнне чираттагы педсовет үткәрелде. 

    Мәктәптә җомга көнне барлык классларда да тәрбия сәгатьләре үтә. 10 класста "Вакыт кадере" дигән темага тәрбия сәгате үткәрелде. Вакыт бик тиз уза да китә, укуга игьтибарны арттырып, яхшы гамәлләрне күбрәк эшләргә ашыгыгыз , укучылар!

   Балаларның кышкы каникуллары дәвам итә. Мәктәпнең башлангыч  класс укытучылары укучылар өчен шугалакта төрле уеннар оештырдылар. Балалар саф һавада рәхәтләнеп төрле ярышларда катнаштылар, тимераякта шуып сәламәтлекләрен ныгыттылар. 

Мәктәптә укучылар өчен конесультацияләр дәвам итә. Бүген укучылар физика фәненнән шөгыльләнәләр.

       Мәктәп укучыларының ялларын күңелле һәм файдалы итеп оештыру максатыннан мәдәният йортында укучылар өчен дискотека оештырылды. Бәйрәм төрле уеннар белән үрелеп барды. Эх, рәхәтләнеп күңел ачты бүген балалар афәрин!