Бүген лагерьда "Сәяхәтләр көне". Без шул уңайдан безгә якын авылларның тарихлары белән кызыксынып Кырлай авылына сәяхәт кылдык.Габдулла Тукай музеенда булдык. Чишмәләр белән таныштык,аның саф суларын эчтек,тәннәребезгә шифа алдык.Ял итү урыннарында булып,күңелле итеп ял итеп кайттык.

Буген "Күбәләкләр" лагеренда "Балыкчы көне" булды. Музыка астында иртәнге зарядканы эшләп,тәмле итеп сыйлангач,тезелешеп су буена төштек . Балалар кармакларын әзерләп килгән иделәр,рәхәтләнеп балык тоттык. Иң күп балык тотучы Юсупов Булат белән Шакирова Эльмира булдылар. 

 Көннең икенче яртысында рәсем конкурсы үткәрелде.

 "Күбәләкләр" мәктәп яны лагеренда бүгенге көнебез "Сулыклар-табигать байлыгы" дип аталды. Без балалар белән Шушма елгасына сәяхәткә бардык. Елга буйларында сулар кереп,чәчрәтеп уйнадык.Тәннәребезгә шифа,көч алдык. Көннең икенчче яртысында сулыкларны саклау турында әңгәмә үткәрелде. Көнебез күңелле үтте.

Бүген, кояшлы матур иртәдә балалар лагерьга бик теләп җыелдылар. Иртәнге зарядкадан соң, тәмле ашлар белән сыйлангач,балалар төркемнәрдә шөгыльләнделәр."12 июнь - Россия көне" уңаеннан әңгәмә үткәрелде.Илебез турында белгәннәрне искә төшереп,викторина узды, рәсемнәр ясадылар. "Окна России" акциясендә катнашып,тәрәзәләрне бизәделәр.

  Көннең икенче яртысында саф һавада хәрәкәтле уеннар уйнадылар.Көнебез бик файдалы булды.

Сабантуй. Бу бәйрәмне язгы кыр эшләре беткәч,май һәм июнь айларының соңгы көннәре аралыгында үткәрәләр.Бәйрәмнең конкрет датасы юк,ул шул язгы кыр эшләренең кайчан бетүенә бәйле.Нәрсә соң ул Сабантуй һәм аның татарлар өчен нинди әһәмияте бар?Сабантуй-  чынлап торып массакүләм күңел ачу һәм спорт чарасы, бу чарада профессионал спортчылар гына түгел,ә бәйрәмгә килгән һәр тамаша кылучы катнаша ала.Соңгысы исә, төрле кызыклы һәм көлкеле хәлләр, гомуми берләшүлек, катнашулык атмосферасы тудыра, шуңадыр да бәлки, Сабантуй- татарларның гына да түгел, ә башка халыкларның да, ә хәзер Сабантуйда ул үткәрелүче территориядәге бар халык вәкилләре дә бик теләп катнашалар, - иң яраткан бәйрәме дә.

 Бүген лагерьга йөрүче балаларга Сабантуй бәйрәме турында әңгәмәләр үткәрелде. 

"Күбәләкләр" мәктәп яны җәйге лагеренда бүгенге көнебез"Дуслар җыелган җирдә" дип атала. Шушы көнгә багышлап,1 отряд "Җиләкләр " Ташкичү авылына сәяхәт кылдылар.Алар анда "Мәрҗәни" музеенда булдылар.  2 отряд "Карлыганнар" авылның җәйге табигатенә экскурсиягә бардылар. Көннең икенче яртысында "Наркотикларсыз тормыш!" дигән девиз астында флешмоб биеделәр.

Буген "Күбәләкләр" мәктәп яны җәйге сәламәтләндерү лагеренда дүртенче көн. Иртәбезне Россия һәм Татарстан гимннары тыңлап,линейкада бүгенге көнгә эшләнәсе эшләр турында җиткерелде. Иртәнге зарядкадан соң тәмле ашлар ашап,авылыбызның мәчетенә сәяхәт кылдык. Барганда Габделхәй Кәримов чишмәсенә тукталдык. Шифалы чишмә суларын эчтек. Ә мәчеттә безне Рөстәм хәзрәт белән Халисә абыстай һәм Суфия апалар каршы алдылар.Алар балаларга тәрбияви вәгазьләр сөйләделәр.Бик зур рәхмәт Сезгә! Көннең икенче яртысында матур рәсемнәр ясадылар,татарча дискәтүк булды,рәхәтләнеп биеделәр.

"Күбәләкләр" мәктәп яны сәламәтләндерү лагеренда өченче көн, иртәдән бик күңелле рухта башланып китте.Иртәнге зарядка,иртәнге тәмле ботка балаларның организмын ныгыта,сәламәтләндерә,көне буена җитәрлек  энергия бирә.Иртәнге аштан соң мәктәпнең актлар залында  лагерьны ачу тантанасы булды. Балалар матур җырларын,шигырьләрен бүләк иттеләр.Җырлар,шигырьләр,матур биюләр белән үрелеп барган бәйрәмебез бик күңелле булды. Төшке аштан соң саф һава суларга,төрледән-төрле кызыклы уеннар уйнарга табигать кочагына чыктык.

 Бүген лагерьның икенче көне .Патриотик  тәрбия бирү атнасы кысаларында лагерыбызда бүгенге көн“Без тынычлык телибез!” дип исемләнгән иде. Патриотик темага презентация карадык. .Асфальтта 1 июнь-Балаларны яклау көненә  рәсемнәр ясадык. Көннең икенче яртысында саф һавада күмәк уеннар уйнадык.

 4 нче июнь көнне Шушмабаш урта мәктәбендә 50 балага исәпләнгән "Күбәләкләр" исемендә җәйге мәктәп яны лагеры эшли башлады. Балаларны иртән,тәрбияче апалары матур итеп бизәп,җиһазландырылган бүлмәләрдә каршы алдылар. Отрядларга бүлделәр. Россия,Татарстан гимннары астында тантаналы линейка үткәрелде.Көн тәртибе җиткерелде,лагерьдагы тәртип,үзеңне тоту кагыйдәләре аңлатылды. Спортзалда матур көйләр астында иртәнге зарядка ясадылар.Зарядкадан соң ашханәдә тәмле иртәнге аш ашадылар.Балалар саф һавада төрле кызыклы уеннар уйнадылар.Шушмабаш табигате буенча сәяхәткә чыктылар.Тәрбияче апалары әкиятләр укыды.Көнебез күңелле үтте.