Җиһанга Яңа 2022 ел атлый!  Мәктәбебездә  бәйрәм атмосферасы ! Укучыларыбыз бизәлгән чыршы янында үзләренең Яңа ел бәйрәмнәрен үткәрәләр. Искиткеч матур костюмнар, оригиналь матур сценарийлар, һәр елдагыча зәвык белән шаулап -гөрләп уза бәйрәмнәр. Төкле аягың белән, Яңа ел!!!

   Сабада узган татарча көрәш ярышында укучыбыз Каримов Таһир 1 урынга лаек булды. Көрәшче егетебезне әм аның тренеры Саляхов М. уңышлары белән чын күңелдән котлыйбыз!

  Мәктәбебез Яңа ел бәйрәмнәренә әзерләнә. Классларда бизәлгән чыршылар хуҗа булды, коридор һәм фойеда искиткеч зәвыклы фотозоналар, урамда кардан ясалган сыннар, ут бизәлеше, ел символы- Тигр урын алды.Яңа ел барлык укучыларга һәм укытучыларга уңышлар алып килсен иде!!!

12 декабрь-Россия Федерациясе Конституциясе көне илебездә бик мөһим дәүләт бәйрәме буларак билгеләп үтелә. Шушы уңайдан барлык классларда да тәрбия әңгәмәләре узды.

9 декабрь — Ватан Геройлары көне. РФ Дәүләт Думасы кабул иткән карар нигезендә, РФ Геройларын гына түгел, шулай ук, Советлар Союзы, Социалистик Хезмәт Геройларын, Изге Георгий һәм Дан орденнары кавалерларын да хөрмәтлибез бу көнне.Бүген барлык классларда да шушы уңайдан тәрбия чаралары булып узды. 

Инвалидлар декадасы уңаеннан мәктәбебез  коллективы    укучы балаларның өйләрендә булып, аларның хәлләрен белеп,  күчтәнәчләр тапшырды.   

      Бүген Шушмабаш урта мәктәбендә барлык классларда 3 декабрь-  Хәбәрсез югалган солдатларны искә алу көне уңаеннан тәрбия сәгатьләре булып узды.  Укучылар билгесез югалганнар һәйкәлен барлыкка килү тарихы белән таныштылар, аларны хөрмәт белән искә алып, батырлыклары турында күп информация тупладылар. 

     6 декабрь -патриот  Артем Айдиновны искә алу көне уңаеннан Форпост отряды 7 нче классларда чара үткәрде. Әңгәмә барышында укучыларны тәртип саклау хәрәкәте әйдәп баручысы Артем Айдиновның тормыш юлы, батырлыгы хакында сөйләнде Укучыларны Айдинов исемендәге музей белән таныштырып , отряд членнары укучыларга памяткалар өләште.

     Бүген табигать фәннәре атналыгының соңгы көнендә укучыларның индивидуаль проектлары буенча эшчәнлеге оештырылды. "Волонтеры могут все" экологик проектлар конкурсына проект эшләре тәкъдим ителде. Химия укытучысы Фатхрахманова Л.Ш., биология укытучылары Самигуллина Ч.М., Хадиева Р.Р. укучыларга  белемгә омтылышларының зур булуын , куйган максатларына ирешүләрен теләделәр.