12 ноябрь көнне Шушмабаш урта мәктәбендә   якташыбыз Хабибрахманов Алмаз Мансур улының якты истәлегенә музей почмагы ачу тантанасы булды. Митингта Алмазның тормыш иптәше , әнисе, балалары, туганнары, сыйныф җитәкчесе, классташлары катнашты. Арча районы башкарма комитеты җитәкчесе урынбасары Вафина Э.Ш., авыл җирлеге башлыгы Сагитов В.В., "Северный" күмәк хуҗалыгы җитәкчесе Мухлисов И.И.  солдат истәлегенә бик җылы сүзлзр җиткерделәр.Хәрби бурычларын үтәгәндә һәлак булган батыр ир -егетләребезне 1 минутлык тынлык белән искә алдык. Алмазның тормышы безнең барыбыз өчен дә Ватанга хезмәт итү үрнәге булып тора.Солдатларыбыз батырлыгы мәңгегә йөрәкләрдә сакланачак! Мәңгелек хәтер!

Бүген лагерьның соңгы көне . Безнең туган телебез-татар теле, иң кадерде, газиз, җанга якын тел, чөнки без-татар балалары. Бу тел белән безнең әби-бабайларыбыз, әти- әниебезсөйләкән. Шул тел белән безнең телебез ачылган. Телебезнең сафлыгын, байлыгын күрсәтү максатыннан бүген лагерьда үз туган телебездә язылган матур әсәрләр укыдык. Көннең  икенче яртысында татарча мультфильмнар карап үткәрдек.

Иртән барыбыз да лагерьга җыйналдык. Иртәнге зарядка ясадык,тәмле ашлар ашадык.Бүгенге көнебез “Көчлеләр,җитезләр” дип аталды. Мәктәп  спортзалында  “Күңелле стартлар”уенында катнашып,сәламәтлекләребезне ныгыттык. Дәртле,матур көй астында флешмоб биедек.

Укучыларыбыз өчен  тагын бер көн артта калды. Иртәнге аштан соң лагерьга йөрүче балаларыбыз мәктәпнең спортзалга тоштеләр. Рәхәтләнеп ял иттеләр,уеннар уйнадылар. Оригами белән шөгыльләнделәр.Төрле төстәге күбәләкләр ясадылар. Көннең икенче яртысында шахмат,шашка ярышы үткәрелде. Бию түгәрәкләрендә калдырмыйча бик рәхәтләнеп дәртле биюләр биеделәр.

“Күңелле ял итәбез!” Әйе чыннан да “Күбәләкләр” лагерында бик күңелле итеп үзебезнең вакытыбызны үткәрәбез.ял итәбез,көч туплыйбыз. Көнебез сизелми дә үтеп китә.Сәяхәтләргә йөрүебезне дәвам итәбез. Көннең икенче яртысында өстәл уеннары уйнап көнебезне файдалы үткәрәбез.

Бүген лагерыбызның өченче көне. Укучылар лагерьга ашкынып торалар. Бүген  3-4 сыйныф укучылары белән Арча шәһәренә сәяхәткә бардык. "Әдәбият  һәм сәнгать" һәм "Казан арты музеенда кунакта булдык. "Арча" боз сараенда укучылар рәхәтләнеп тимер аякларда шудык. Көнебезне "Көзге каникулларда" үзебезне ничек тоту турында әңгәмә белән дәвам иттек.  Балар белән спорт уеннары уйнадык. П.П. Ершовның "Конек горбунок" дигән мультфильмын карадык. Көнебезне күтәренке кәеф белән тәмамладык.

Бүген лагерыбызның икенче көне. Бүгенге көн кызыклы һәм бик күңелле үтеп китте. Көнебез "Разговоры о важном" әңгәмәсе белән башланып китте. Бүгенге әңгәмә "Халыклар бердәмлеге" көненә багышланган иде. Көнебезне  күңелле спорт уеннары белән дәвам иттек. Көннең икенче яртысында В.Г. Губаревның "Королевство кривых зеркал" әкиятен карадык. Бүгенге көнне "Иң күп белүче" интеллектуаль уен белән тәмамладык. 

31 октябрь көнне Шушмабаш урта мәктәбендә "Көзге лагерь" үзенең эшен башлап җибәрде. Лагерь- ул үзе бер тормыш. Баланың бу тормышын истә калырлык, кызыклы һәм мавыктыргыч, күңелле вакыйгаларга бай итеп үткәрү педагог-вожатыйлардан тора. Бу-уку чиреге дәвамында арыганнарны бетерү, яңа көч туплау, сәламәтлекне ныгыту, балаларның бер-берсе белән иркенләп аралашу чоры.

28 октябрь көнне мәктәбебезнең башлангыч класс укучылары үзләренең яраткан әбиләрен мәктәпкә кунакка чакырды. Укучылар кунакларыбызга искиткеч матур концерт тәкъдим итте, җырлар,. матур биюләр, шигырьләр белән әбиләрне сөендерделәр.Соңыннан әбиләребез тәмле коймак, чәй белән сыйланды.