Бүген лагерьның икенче көне .Патриотик  тәрбия бирү атнасы кысаларында лагерыбызда бүгенге көн“Без тынычлык телибез!” дип исемләнгән иде. Патриотик темага презентация карадык. .Асфальтта 1 июнь-Балаларны яклау көненә  рәсемнәр ясадык. Көннең икенче яртысында саф һавада күмәк уеннар уйнадык.

 4 нче июнь көнне Шушмабаш урта мәктәбендә 50 балага исәпләнгән "Күбәләкләр" исемендә җәйге мәктәп яны лагеры эшли башлады. Балаларны иртән,тәрбияче апалары матур итеп бизәп,җиһазландырылган бүлмәләрдә каршы алдылар. Отрядларга бүлделәр. Россия,Татарстан гимннары астында тантаналы линейка үткәрелде.Көн тәртибе җиткерелде,лагерьдагы тәртип,үзеңне тоту кагыйдәләре аңлатылды. Спортзалда матур көйләр астында иртәнге зарядка ясадылар.Зарядкадан соң ашханәдә тәмле иртәнге аш ашадылар.Балалар саф һавада төрле кызыклы уеннар уйнадылар.Шушмабаш табигате буенча сәяхәткә чыктылар.Тәрбияче апалары әкиятләр укыды.Көнебез күңелле үтте.

Бүген мәктәбебездә зур бәйрәм-"Дуслык учагы-2022" үткәрелде. Матур кояшлы көндә укучыларыбыз табигатьтә рәхәтләнеп ял итте, төрле станцияләрдә үзләренең белем һәм практик күнекмәләрен күрсәттеләр, тәмле ризыклар пешереп сыйландылар, ачык һавада спорт уеннары уйнап, рәхәтләнеп күңел ачтылар. Оештыручы педагог - оештыручыбызга, барлык класс җитәкчеләренә, педагогларга,әти-әниләргә зур рәхмәтләребезне җиткерәбез!

     Бүген мәктәптә гомуми ата-аналар җыелышы үткәрелде. Җыелышта Арча муниципаль районы балигъ булмаганнар арасында гаилә  иминлеге һәм хокук бозуларны кисәтү буенча әйдәп баручы белгеч Хабирова Р.Г., ЮХИДИ ның профилактика бүлеге җитәкчесе Мухаметзянова Э.Г, участок инспекторы майор Хисамиев Л.А. катнашты. Белгечләр ата-аналарга җәйге чорда балаларның иминлеге буенча инструктаж үткәрде, юл йөрү, кич чыгу, начар гадәтләрне кисәтеп, җаваплылык хакында сөйләделәр. Мәктәпнен бу уку елына анализ ясалды. яңа уку елына планнар билгеләнде. 

   Бүген мәктәптә "Соңгы кыңгырау" бәйрәме үткәрелде.  11 класстан 14 укучыбыз , 9 класстан 12 укучыбыз өчен соңгы кыңгырау шалтырады. Мәктәпне тәмамалаучы барлык укучыларга ак юллар, имтиханнарында уңышлар телибез!  Искиткеч матур бәйрәм тамашасы әзерләгән өчен 11 класс укучыларына һәм класс җитәкчеләре Файзрахманова Г.И зур рәхмәт!

  Бүген 4 нче класс укучыларын РДШ составына кабул итү тантанасы булды. Укучылар  Россия балалар хәрәкәте антын кабатладылар, гимнын җырладылар. матур шигырьләре, чыгышларын тәкъдим иттеләр. 6 класс укучылары балаларга РДШ галстуклары такты.  

9 һәм 11 класс укучыларының имтиханнар бирү чоры якынлаша.Бүген укучылар сайлау фәннәреннән пробный имтихан эшлиләр.

   Бүген Шушмабаш урта мәктәбе Бөек Җиңүнең 77 еллыгы уңанннан тантаналы митинг үткәрде. Митингта Арча муниципаль районы башкарма комитеты җитәкчесе вазифаларын вакытлыча башкаручы Галимуллин Ильшат Ахатович катнашты. Ватан өчен сугышта газиз гомерләрен корбан иткән ил уллары истәлегенә 1 минутлык тынлык игълан ителде, батырлар данына венок куелды. Батырларның даны мәңгелек!

   Бүген Шушмабаш урта мәктәбендә ветеран укытучыларыбыз белән очрашу булды. Театр түгәрәгенә йөрүче укучыларыбыз К Тимбикованың "Кызыл алмалар" спектаклен куйдылар. Шулай ук Шекә башлангыч мәктәбе фольклор түгәрәгенә йөрүчеләр "Сыер саклаганда" күренешен тәкъдим иттеләр. Әлеге чаралар Бөек Җиңүнең 77 еллыгына барыбызга да менә дигән бүләк булды. Афәрин, егетләр һәм кызлар!!!

30 апрель -агач утырту көне уңаеннан мәктәбебез коллективы "Сад памяти" акциясендә катнаштылар. Агач үсентеләре утырту , аларны тәрбияләү  Бөек Ватан сугышында һәлак булганнарны искә алу максатыннан үткәрелә.