Бүген мәктәбебездә башлангыч класс укучылары өчен "Кызыл, сары, яшел" дип исемләнгән интеллектуаль уен үткәрелде.Чарада Арча районы ГБУ " БДД" профилактика бүлеге җитәкчесе Мухаметзянова Э.Г. катнашты. Укучылар ике командага бүленеп көч сынаштылар. Юл йөрү кагыйдәләре, юл билгеләре искә төшерелде, ребуслар, башваткычлар, табышмаклар   чишелде, Очрашу ахырында Энҗе Газизовна укучыларга истәлек бүләкләре тапшырды.

    Бүген " Разговоры о важном " проекты кысаларында "Россия в мире" темасыныа дәресләр булып үтте.Сөйләшүләр барышында Россиянең бөтен дөньяга биргән атаклы шәхесләре, икътисады, мәдәнияте хакында презенацияләр , видеороликлар тәкъдим ителде. Укучылар  зур горурлык хисе белән илебез турында күп информация тупладылар.

  11 февраль көнне илебез буенча "Чаңгы юлы-2023" спорт бәйрәме булып үтте. Безнең мәктәп коллективы да бу чарадан читтә калмады. Шимбә , дәресләрдән сон укытучылар һәм техник хезмәткәрләр табигатькә чыкты. Саф һавада рәхәтләнеп чаңгы шуып, тәмле коймак һәм самавырдан хуш исле чәйләр эчеп , ял иттек. Барыбыз да сәламәт булыйк!

      Бүген Шушмабаш урта мәктәбендә "Татарстан Республикасының хатын-кыз исемнәре: тарих һәм хәзерге заман"  проекты кысаларында Арча районының почетлы гражданины, хезмәт ветераны Фатхуллина Рая Ахуновна  белән очрашу үткәрелде. Театр түгәрәгенә йөрүче укучыларыбыз "Каз өмәсе" фольклор күренешен тәкъдим итте. Рая ханым үзенең чыгышында укучыларны үзенең тормыш юлы, хезмәт юлы белән таныштырды, сугыш чоры баласы буларак мәңге хәтердән  уелмый торган истәлекләре белән уртаклашты. Укучыларга үзе язган шигырьләрен тәкъдим итте, балаларга үзенең үгет-нәсихәтләрен, киңәшләрен җиткерде. Рая Ахуновнага ныклы саулык -сәламәтлек, озын гомерләр, кайгы-хәсрәтсез имин  көннәр телибез! 

Табигать фәннәре атналыгын йомгаклап укучылар 5-11 класс укучылары "Белемнәр парады" нда катнашып, үзләренең иҗат эшләрен якладылар. Барлык укучыларга активлык күрсәткәннәре өчен рәхмәт. Февраль ае - хәрби-патриотик айлыкка старт бирелде..Барлык укчыларга да уңышлар!

Бүген "Мөһим сойләшүләр"  "Россия фәне көне" темасына багышланган иде. Класс җитәкчеләре укучыларга Россиянең танылган галимнәре, аларның хезмәтләре турында информация бирде, кызыксынган укучылар өчен атаклы галимнәрнең ачышлары видеотасмада күрсәтелде.

    6 нчы классларда биологиядән "Яшел үсемлекләр" фабрикасына виртуаль экскурсия" темасына ачык дәрес булды.Биология укытучысы Самигуллина Ч.М. укучыларны һәм укытучыларны мавыктыргыч сәяхәткә чакырды. Дәрес,  чыннан да,  бик күңелле һәм файдалы булды.

Табигать фәннәре атналыгында 10 класста "Карбон кислоталары" темасына ачык дәрес булды. Химия укытучысы Фатхрахманова Л.Ш.күп төрле эшчәнлек формаларын кулланып, укучыларны кызыксындырып,  теманы тулаем яктыртты, практик юнәлеш бирде.

     Бүген табигать фәннәре атналыгының 5 нче көнендә 8 класста биологиядән "Кешенең сулыш системасы" темасын гомумиләштерү дәресе булды. Биология укытучысы Хадиева Р.Р. укучылар белән берлектә теоретик белемнәрне барлап , практик юнәлештә бик күп тәҗрибәләр башкарылды., ясалма сулыш алу механизмы, беренче ярдәм күрсәтү практик күнекмәләре бирелде.

   Табигать фәннәре атналыгы кысаларында бүген 8-10 класс укучылары "Үсеш ноктасы" цифрлы лабораториясен кулланып   мастер-класс күрсәттеләр. Укучыларга электроэнцефалограмма, электрокардиограмма , сулыш күрсәткечләрен үлчәү, аларның үзгәреше, физик нагрузкадан соң күрсәткечләрне чагыштыру, организмдагы тайпылышлар турында бик күп мәгълумат бирделәр.