Мәктәбебездә 8 Март бәйрәме гөрләп үтеп китте. Кызларыбыз төрле бәйгеләрдә көч сынашты.

     Бүген Шушмабаш урта мәктәбендә хәрби-патриотик айлык кысаларында "Аҗаган"-"Зарница"  уены үткәрелде. 1-11 нче класс укчылары, барысы да хәрби формадан, башлангыч класслар сугыш коралы белән хәрби строй ярышында катнаштылар. Командирлар доклады, стройда атлау, командаларны үтәү, җыр, речевка - жюри тарафыннан барысы да  исәпкә алынды. Шулай ук граната ату, химзащита, яралыны күчерү, автомат сүтеп җыю һ.б. ярышларда укучылар бик тырышып катнаштылар.

    Китапханәләр арасында  "Милли мәдәният-саекмас чишмә" дип исемләнгән районкүләм сынау бәйгесендә "Әкият" мәктәп балалар театры Фоат Садриевның "Мактандылар" әсәрен у.йнадылар.  Җитәкчесе Каюмова Г.Н.

   Бүген  5 класс укучылары белән "Компетенции будущего успеха" түгәрәгендә профессияләр белән танышу макстатыннан  "Как стать успешным? " тренингы  үткәрелде. Түгәрәк җитәкчесе Самигуллина Ч.М уен форматында  укучыларның кызыксынучанлыгын ачыклады,. укучыларны киләчәк профессияләре белән таныштырды

     Хәрби -патриотик айлык кысаларында 5-8 класс укучылары арасында чаңгы ярышы үткәрелде. Чаңгы ярышында җиңүчеләр бүген иртәнге линейкада мактау грамоталары һәм медальләр белән бүләкләнде. 

     Мәктәбебездә 23 февраль - Ватаннны саклаучылар көне уңаеннан бәйрәм концерты үткәрелде. Бию түгәрәгенә йөрүче укучыларның биюләре, театр түгәрәгенә йөрүче укучыларның театраль күренеше, музыкаль номерлар - барысы да искиткеч иде! Барлык ир -егетләребезне әлеге бәйрәм белән ихлас котлыйбыз! Илләребез тыныч, күгебез аяз булсын! 

     21 февраль- Халыкара туган тел көне уңаеннан мәктәбебездә бәйрәм оештырылды. Мәктәп фойесында "Туган телем-иркә гөлем" күргәзмәсе эшләде. Милли орнаментлар таккан, калфак, түбәтәйләр кигән укучылар бүген аеруча матур иде. Матур җырлар, татар халкы  әдипләренең шигырьләре , биюләр белән алып барылган әдәби-музыкаль композиция   туган телебезгә карата хөрмәт, горурлык хисе тәрбияләүдә зур өлеш кертте.

   Бүген мәктәбебезнең 7 класс - агрокласс  укучылары Арчада экскурсиядә булып кайттылар.Укучылар  "Казан арты" тарихи-этнографик музеенда бик күп информация тупладылар. Агрокласс укучылары  КФХ Бариев Р.Х ның "Якты көн" кошчылык фабрикасында кунакта булдылар , тавыклар, чебиләр үстерү технологиясе белән таныштылар. Аннары соң Мөндеш авылында урнашкан КФХ Гарипов Х.К .нын сыер фермасында экскурсиядә булып, сыерлар белән якыннан танышып, аларның яшәү шартлары, тукландыру технологияләре турында өйрәнделәр. Һәр ике хуҗалыкта да     үтә тырыш, максатчан ,үз авылын , хезмәтне яратучы хөрмәткә лаек шәхесләргә авыр эшләрендә зур  уңышлар теләдек.   Әлеге бик кирәкле, файдалы экскурсияне оештыручы Арча районының авыл хуҗалыгы идарәсе начальнигы Абдуллин Л.И.ка, финанс бүлеге мөдире Абдуллин М.Р. ка олы рәхмәтләребезне белдерәбез. 

Мәктәбебезнең 1 класс укучылары өчен "Әлифба" бәйрәме үткәрелде. Бәйрәмдә әти-әниләр дә катнашты. Укучылар үзләренең яраткан Әлифба китабы белән саубуллашып төрле өлкәләрдә үзләренең белемнәрен, мөмкинлекләрен күрсәттеләр. Укучыларга алга таба да уңышлар юлдаш булсын! 

  Бүген   герой -шагыйрь , Советлар Союзы Герое Муса Җәлилнең туган көне. Шушы уңайдан мәктәптә күптөрле чаралар үткәрелде. Герой-шагыйрь иҗатын, тормышын яктырткан китап күргәзмәсе эшләде. Укучыларыбыз Муса Җәлилнең шигырьләрен яттан сөйләде. Бик күп укучыларыбыз "Татар уллары- 2023" акциясендә катнаштылар.      Муса Җәлилнең якты истәлегенә багышланган "Батырлык гасырларда саклана " дип исемләнгән кичә узды. Батырларның даны мәңгелек!