Бүген ягъни 6 январь көнне Гөлсинә Камилевна һәм Лилия Мөдәрисовна җитәкчелегендә башлангыч класс укучылары тау шуарга барды. Балалар тавышы Биләнгәр елгасын шаулатып торды.

Кышкы каникулларны күңелле һәм файдалы итеп үткәрәбез.  5 январь көнне мәктәбебездә башлангыч класс укучылары өчен "Күңелле стартлар" уздырылды. Балалар  җитезлектә, өлгерлектә, тырышлыкта көч сынашты. Чара һәркемгә ошады.

Мәктәбебезнең "Могҗизалы иҗат дөньясы" стенды һәрдаим яңартылып тора. Бүген исә ул "Карлар ява тын гына..." исеме астында бизәлде.Укучылар иҗади якын килеп авыл өйләре һәм кар бөртекләре ясадылар. Якынлашып килүче Яңа ел ак кар бөртекләредәй күп итеп бәхет-шатлыклар алып килсен! Бәйрәмнәр котлы-мөбарәк булсын!

Бүген бездә профсоюз членнарының теннис,шашка,шахмат буенча зона ярышлары булып узды.5 мәктәп һәм 2 детсад катнашты: Яңа Кырлай мәктәбе, ,Яңа Кишет мәктәбе,Ашытбаш мәктәбе, Носы мәктәбе һәм Шушмабаш мәктәбе, Яңа Кенәр детсад һәм Арчаның №1 детсад. Ярышларда катнашып җиңү яулаган укытучыларыбызны чын күңелдән котлыйбыз.

Гараев Р.К. 2 урын (теннис),

Касимова Г.К. 1 урын (шахмат),

Вильданов Р.Г. 2 урын (шахмат),

Нуризянов Э.Т. 2 урын (шашка)

Бүген Шушмабаш урта мәктәбендә 5-8 класс укучыларының Яңа ел елкасы булып узды.Барлык классларда үзләренең һөнәрләрен бик оста итеп күрсәттеләр,чыршы тирәли җырлар җырладылар,кунакка урманнан төрле җәнлекләр дә килгән иде.Барлык укучыларны,укытучыларны якынлашып килүче Яңа ел белән.

Кичә мәктәбебезнең башлангыч класс укучылары өчен Яңа елга багышланган бәйрәм-тамаша үткәрелде.Бәйрәмнең  беренче өлешендә укучылар "Золушка" әкиятен тәкъдим иттеләр . (Җитәкчесе Вильданова Г.Ш.). 2 нче өлештә театральләштерелгән тамашада укучылар Кыш бабайга үз һөнәрләрен күрсәттеләр, Кыш бабай һәм Кар кызыннан матур бүләкләр алдылар.Бәйрәм кызыклы һәм мавыктыргыч узды.

15.12.14.- 22.12.14. атна дәвамында 9 -11 класс укучылары  төп фәннәрдән һәм сайлау фәннәреннән пробный БДИ һәм ОГЭлар эшләделәр. Эшләр тикшерелде, анализлау, укучыларны таныштыру бара. Укытучылар да, укучылар да нәтиҗәләр буенча үз эшчәнлекләрен планлаштыра. Тырышлык, сабырлык, зур ихтыяр көче телибез.

Мәктәбебезне генә түгел, бөтен тирә - юньне бәйрәм рухына күмүче, һәркемне елмаерга, сокланырга мәҗбүр итүче, беркайгысыз балачакка дәшүче "Кар сыннары" шәһәрчеге барлыкка килде. Күңелләрне чисталыкка, матурлыкка өндәүче әлеге күркәм иҗади хезмәт нигезендә укучыларыбыз һәм укытучыларыбыз,техник хезмәткәрләребезнең бердәм эше ята. Һәркем өчен күңелле, никадәрле  саф хисләр өләшә алуыбызга без бик шат.

 Сез фото сүрәттә традиция буенча ясала торган  11 класс укучыларының  "Кыш бабай"  композициясен күрәсез. Әлеге класс елдагыча матур эше белән безне тагын бер тапкыр куандырды. 

Олимпиада һәм спорттагы уңышлары өчен мәктәбебез укучылары: 11 класс укучысы - Хасанова Гөлназ, 10 класс укучысы - Каюмов Айрат, 8 класс - укучысы Каримов Камил - 21.12.14. көнне Республикабызда үткән Президент ёлкасында катнашып, ял итеп, яңа ел күчтәнәчләре белән  кайттылар. Уңышларыгыз тагын да үзегезне дә, мәктәбебезне дә бизәсен.