Бүген мәктәбебездә  "Язмышларга буйсынмас җаннар" дип исемләнгән зур очрашу булып узды. Очрашу Балтач районы Кариле авылының "таң  йолдызы"-4 шигьри китап авторы, шашка буенча спорт мастеры, сәламәтлекләре чикләнгәннәр арасында узган  "Татарстан энҗесе" конкурсы җиңүчесе , йөзләгән грамота һәм медальләр иясе Чулпан Габделганиева белән иде. Дөньяга, кешеләргә, яшәешкә, язмышка карата күңелендәге хисләрен шигырьләрендә белдерүче, кешеләр белән аралашучан, күпкырлы талант иясе, тормышка оптимизм белән караучы әлеге шәхес белән аралашу укучыларда , укытучыларда зур соклану хисе уятты. Язмыш тарафыннан  кыерсытылган бик күпләрнең киңәшчесе, остазы да әле ул Чулпан. 10 елдан бирле Балтач районында инвалидларның "Фикердәш" оешмасының оештыручысы, әйдәп баручысы ничек бөтен эшкә дә өлгерә? Әле бик уңган пешерүче, кул эшләре остасы икәнен дә исәпкә алсак, безгә, укучыларга,  өлге, зур үрнәк мисалы ул Чулпан Габделганиева.Очрашуда "Фикердәш" оешмасына йөрүче Алсу һәм Гүзәл дә катнашып, үзләренең зур конкурсларда, ярышларда җиңү яулау мизгелләре белән уртаклаштылар. Кызларга зур түземлелек, рух ныклыгы, сәламәтлек, иҗади уңышлар телибез!!!

Котлыйбыз! Ел укытучысы-2015 конкурсының район этабында катнашып, физика укытучысы Нуриева Рәмлә Равиловна "Лидер в образовании" номинациясендә җиңү яулады. Аңа эшендә иҗади уңышлар теләп калабыз.

Туган тел ул –

Бездән соң да

Яшәр өчен туган тел.

Бүгенгедән киләчәккә

Дәшәр өчен туган тел.                                      

                       Дәрдмәнд

1999 нчы елның ноябрендә, Бангладеш дәүләте тәкъдиме белән, ЮНЕСКО Генераль конференциясе, ЮНЕСКОга кергән илләр һәм Берләшкән Милләтләр оешмасы

21 февраль көнен Туган тел көне дип игълан итте.          

            Беренче мәртәбә ул 2000 нче елның 21 февралендә Парижда ЮНЕСКО штаб-квартирасында тантаналы рәвештә билгеләп үтелде.   

            Дөньяда 6000 нән артык телдә сөйләшәләр. Аларның һәрберсе авазлар,

мәгънәләр һәм грамматик кагыйдәләрнең катлаулы системасыннан тора.

            “Халыкара туган тел көнендә барлык телләр дә тигез дәрәҗәдә итеп

таныла, чөнки һәр тел кеше халәтенә бердәнбер җавап һәм без сакларга тиеш тере мирас булып тора”,- ди ЮНЕСКО ның Генераль директоры Коитиро Мацуура.

             21 нче февраль көнне, “Туган тел көне” уңаеннан мәктәбебездә Балтач районында яшәп иҗат итүче яшь шагыйрә Чулпан Габделганиева белән очрашу булды.  Ул укучыларга үзе иҗат иткән шигырьләрен тәкъдим итте. Туган як, туган телгә багышланган шигырьләрен укучыларыбыз сәхнәдән сөйләде. Шулай ук башка шагыйрьләрнең шигырьләре дә кичәдә яңгырады. Очрашу бик эчтәлекле булды.

Бүген, башлангыч класс укучылары арасында "Күңелле старт" уеннары булып узды, физкудьтура укытучысы Гүзәл Рүзәлевна күңелле,хәрәкәтчән уеннар әзерләгән иде.Барлык уенчыларда уенда теләп  катнаштылар.Җитезләр командасы 35 очко белән җиңеп чыкты аларны җиңүләре белән котлыйбыз

Әтнә район үзәгендә, татарча көрәш буенча уздырылган бәйгедә безнең мәктәп командасы кабат беренче урынны яулап кайттылыр. Бу җиңүгә күп көч түккән тренерларына һәм укучыларга бик зур РӘХМӘТ! Афәрин баһадирлар!

Бүген,мәктәбебез шугалагында шорт-трек ярышлары булып узды.Анда тимераякта оста шуучыларыбыз көч сынашты.Башлангыч класс укучылары һәм шулай ук 5-8 класс укучылары арасында иң осталары билгеләнде.Аларга алга таба да тимераякта шууларын ташламасыннар иде дигән теләктә калабыз.

Кичә, 17 февраль көнне, белем бирү йортлары арасында профсоюз беренчелегенә чаңгы ярышлары булып үтте. Барлык мәктәпләрдән дә укытучылар бик күп җыелган иде, безнең  укытучылар да үзләренең көчләрен сынап, уңышлы чыгыш ясап кайттылар. 

        Бүген мәктәбебез актлар залы  тагын кинозал функциясен башкарды. 1-11 класс   укучылары Балтач районы муниципаль бюджет кинооешмасы тарафыннан әзерләнеп алып килгән "Тайна четырех принцесс" һәм "Чаклун и Румба" кинофильмын карадылар.Бөек Ватан сугышында сугышчыларыбыз күрсәткән батырлыкларны тагын бер кат барлап, күңелдән сокланып һәм яратып  карадылар укучылар  бу фильмнарны. 

Китапханәче Хашимова Ләлә Фоатовна һәм татар теле укытучысы Сабитова Тәслимә Әфләтуновна 5-8 класс укучылары арасында патриот-шагыйрь Муса җәлил иҗатына багышланган " Нәрсә? Кайда? кайчан? " интеллектуаль уены үткәрделәр. Чара матур презентация, эчтәлекле материал, укучыларның сәнгатьле шигырь сөйләүләре, патриотик җырлар белән бергә үрелеп барды.

11 февраль көнне 3 класс укучылары Гөлшат Ринатовна җитәкчелегендә "Без - Тукай оныклары" тапшыруына бардылар. Бөек Җиңүнең 70 еллыгына багышланган шигырьләрен сөйләделәр.  18 февраль көнне Яшь ТНВ каналында безнең кызларны карарга онытмагыз!