Бүген мәктәбебезнең 10 класс укучылары класс җитәкчеләре Нуриева Р.Р. җитәкчелегендә "Шушмабаш авылының электрон хәтер китабын төзү" социаль проекты кысаларында хәрби комиссариатның архивында документларны өйрәнделәр, батыр авылдашларыбыз турында мәгълүмат тупладылар.

Шушмабаш мәктәбенең театр түгәрәгенә йөрүче укучылары җитәкчеләре Вильданова Гөлфия Шамилевна җитәкчелегендә Кенәр мәктәбендә кунакта булдылар. Алар  укучыларга үзләренең иҗат җимешен -  "Золушка-Зөхрә кыз" театральләштерелгән музыкаль тамашасын тәкъдим итте.Кечкенә артистларның чыгышын Кенәр мәктәбе укучылары бик ошатты, аларны алкышларга күмде.

 Атналык  кысаларында , татар теле һәм әдәбияты укытучысы , Сабитова Т.Ә. 5 нче сыйныфларда, Ә.Еникинең "Бала " хикәясе буенча ачык дәрес күрсәтте. Укучылар сугыш афәте китергән авырлыклар, бу кайгыларның , хәтта, балаларны да аямавы турында белделәр.   Дәрес  бик эчтәлекле   һәм җанлы  үтте.

Бүген, мәктәбебездә, 5-7 нче сыйныфлар арасында "Дөрес язу" бәйгесе үткәрелде. Һәр сыйныфтан өчәр укучы матур, дөрес язу буенча көч сыныштылар. Бәйге булгач , анда җиңүчеләр дә булырга тиеш. Менә алар:

Кәримова Алинә- I урын

Вәлиева Зилә-  II урын

                                                     Шаймуллина Илүзә-III урын. Афәрин, кызлар!

Татар теле атналыгы кысаларында, 5-6 нчы сыйныфлар арасында "Йөгерек уку" бәйгесе оештырылды. Укучылар  чарада  бик теләп катнаштылар. Дөрес, сәнгатьле, аңлап йөгерек  укуларын күрсәттеләр. Бәйгедә җиңүчеләр:

                               Кәримова Алинә- Iурын

                               Нигмәтҗанова Наилә- II урын

                                                                  Мортазина Гүзәл - III  урынга ия булдылар. Афәрин кызлар.

Бүген мәктәбебездә ачык ишекләр көне үткәрелде. Барлык классларда ачык дәресләр, тәрбия сәгатьләре үткәрелде. Тәрбия сәгатьләре Бөек Җиңүнең 70 еллыгына багышланган иде. Мәктәп фойесында кул эшләре күргәзмәсе эшләде. Очрашуның икенче өлешендә "Мәктәптә патриотик тәрбия бирү эшчәнлеге" темасы буенча ОБЖ укытучысы Гараев Р.К., "Хәтер" электрон китабы презентациясе белән Нуриева Р.Р. чыгыш ясады.Әти-әниләр белән үткәрелгән эшлекле уен ата-аналар һәм укытучылар арасындагы хезмәттәшлекне тагын да ныгыттты. Ә инде ачык ишекләр көненең кульминацион ноктасы әти-әниләр арасында узган волейбол ярышы булды.Очрашуда катнашкан әти-әниләр күтәренке рух, позитив энергия алып таралыштылар.

Тарих атналыгы кысаларында, 5-6 нчы сыйныф укучылары мәктәбебез музее эшчәнлеге белән таныштылар. Тарих укытучысы Сагдуллина Р.Р. укучыларны музей бүлекләре белән таныштырды. Һәрбер бүлектән укучылар  яңа мәгълуматлар  алдылар., үзләрен кызыксындырган сорауга җавап таптылар. 

Бүген, мәктәбебездә 5-11 нче сыйныфларда "Татар теле язмышы" дип исемләнгән әңгәмә үтте. Чараны татар теле укытучысы Сабитова Т.Ә.үткәрде. Укучылар тел, милләт язмышы турында сөйләштеләр, фикер алыштылар. Туган телебездә иҗат итүче әдипләрнең шигырьләрен тыңладылар, анализ ясап, үзләренә телнең кадере турында нәтиҗә ясадылар.

Бүген, тарих атналыгы кысаларында, 5-6 нчы сыйныфлар арасында "Син тарихны беләсеңме?"  исеме астында , тарих укытучысы Вилданов Р.Г. КВН үткәрде. Укучылар ике командага бүленеп , тарихтан мавыктыргыч сорауларга җавап бирделәр. Өстенлек 5 нче сыйныфлар ягында булды. Афәрин!

19 нчы гыйнвардан мәктәбебездә татар теле һәм тарих атналыгы башланды.  Укучыларны кызыклы  чаралар, эшлекле дәресләр,  мавыктыргыч иҗади эшләр көтә.