Бүген Арчаның 3 нче номерлы башлангыч мәктәбенең 1 нче В татар сыйныфында әйләнә-тирә фәненнән интеграль дәрес үткәрелде. Дәресне 1 нче В укучыларының сыйныф җитәкчесе Хайруллина А.Р., инглиз теле укытучысы Тихомирова Г.А. һәм гарәп теле укытучы Гыйлфанова Л.К. үткәрделәр. Дәрес татар, инглиз һәм гарәп телләрендә алып барылуы белән үзенчәлекле узды.  “Хайваннар илендә” темасына сәяхәт дәрес итеп оештырылган иде. Укучылар төрле авырлыктагы биремнәр чиштеләр, кыргый җәнлекләр турында чыгыш ясадылар, хайваннар дөньясында булган проблемаларга чишү юлларын эзләделәр һәм  булган белемнәрен һәр өч телдә дә күрсәтә алдылар. Инглиз телендә “Диңгез дулкыны” уены һәм гарәп телендә хайваннар турында санамышлар әйтүләре дәресне тагы да кызыклы итте. Бүгенге дәрестә алган белем һәм күнекмәләрен киләчәктә практикада дөрес кулланырлар дигән өметтә калабыз. Дәрескә Татарстан Республикасы Экология һәм табигый байлыкларны саклау министрлыгының Төньяк территориаль идарәсенең 1 нче категорияле белгече Фирдәүсә Камил кызы Латыш чакырулы иде. Ул 1 нче сыйныф укучыларына һәм мәктәбебезгә  истәлекле бүләкләр тапшырды, балаларның табигатьне яратуларын һәм әйләнә-тирәбезгә сакчыл карашта булуларын теләп калды.

Бүген уртанчылар төркемендә тәрбияләнүче балалар белән тәрбияче Гарапшина Л.И. "Язгы урманга сәяхәт"дигән күңел ачу чарасы үткәрде.Балалар урманда яшәүче кыргый хайваннар , кошлар тормышы белән таныштылар . Хайваннар турында табышмаклар чиштеләр .Язның беренче чәчәге - умырзая турында әңгәмә үткәрелде.Чара төрле күңелле уеннар белән үрелеп барды.Чараның тәрбияви әһәмияте бик зур .

Филология атналыгы кысаларында уку  һәм тәрбия эшләре буенча директор урынбасары  Сабирҗанова А.Ф.әдәби уку фәненнән ,3 а сыйныф рус төркеме укучылары белән берлектә, "Минем яраткан хайваннарым" "Кем хаклы?"дип исемләнгән тема астында ачык дәрес күрсәтте.Дәрес төрле яңа технологияләр: сингапур методикасы, уен формасы кулланып  оештырылган иде.  

Бүген бездә социаль яклау бүлеге белгечләре  кунакта булды. Алар 6 сыйныф укучылары белән әңгәмә уздырды һәм бергәләп ветераннарга хат яздылар. Укучыларга очрашу бик ошады. Әңгәмә бик файдалы һәм күңелле узды.

"Педагог на все времена" проекты кысаларында бүген ветеран укытучы Закирова С.М 6 а сыйныф укучылары белән математикадан ачык дәрес күрсәтте.

Бүген озынайтылган көн группасына йөрүче укучылар "Укучылар сараенда" уздырылган,  космонавтика көненә багышланган,   ракетомоделирование буенча мастер- класста катнаштылар.Чарада укучылар үз куллары белән ракета ясарга өйрәнделәр.Балаларга бик ошады. Ахырдан һәрбер балага сертификат  тапшырылды.

Бүген традицион линейка уздырылды.Линейкада, тәрбия эшләре буенча  директоры урынбасары Галимова Л.Р. укучыларны "Балаларны яклау" көненә багышланган эш планы, Бөек Ватан сугышы тәмамлануга 75 ел уңаеннан эзерлек эше планы, "Язгы мәрхәммәтлелек атналыгы" планы белән таныштырды.  Шулай ук район буенча кызлар арасында уздырылган волейбол ярышында 3 нче урын алган 5 һәм 6 нчы сыйныф  кызларын котлап үтте. 

Һадиуллина Ф.М. җитәкчелегендәге 3 б сыйныф укучылары катнашында без "Мин татарча сөйләшәм" акциясендә катнаштык һәм в контакте да үз сайтыбызны булдырдык.