Муниципальное бюджетное общеобразовательное учреждение «Арская начальная общеобразовательная школа №3 - детский сад» Арского муниципального района Республики Татарстан/Татарстан Республикасы Арча муниципаль районының "Арча 3 нче башлангыч гомуми белем мәктәбе -балалар бакчасы" муниципаль бюджет белем учреждениесе.
Визитная карточка
| Адрес: | 422000, РТ, Арский район, г. Арск, ул. Галактионова, д. 28 |
| Телефон: | +7(843)-663-10-05 |
| E-Mail: | S3.Ars@tatar.ru |
| Министерство: | Министерство образования и науки Республики Татарстан |
| Короткое название: | МБОУ "Арская НОШ №3 - детский сад" |
| Руководитель: | Загидуллина Гульнара Рафисовна |
| Год основания учреждения: | 1972 |
| У нас учатся: | 189/ Бездә укыйлар:189 |
| У нас учат: | 27 /Бездә укыталар 27 |
Муниципальное бюджетное общеобразовательное учреждение «Арская начальная общеобразовательная школа №3 - детский сад» Арского муниципального района Республики Татарстан/Татарстан Республикасы Арча муниципаль районының "Арча 3 нче башлангыч гомуми белем мәктәбе -балалар бакчасы" муниципаль бюджет белем учреждениесе. - новости
Страницы: << 231 232 233 234 235 236 237 238 ( 239 ) 240 >>
-
Г.Тукай "Кызыклы шәкерт" 10.04.2017 Бүген балалар бакчасында,филология айлыгы кысаларында,татар теле тәрбиячесе Гыйлфанова Л.К ачык шөгыль үткәрде.Балалар белән Г.Тукайның тормыш юлы һәм иҗаты турында әңгәмә үткәрелде."Кызыклы шәкерт" мультфильмын карагач,балалар шигырьне үзләре дә сәхнәләштереп карадылар.Шөгыльнең тәрбияви әһәмияте бик зур .
-
Язгы өмә. 08.04.2017
Язгы өмә дәвам итә.Җомга һәм шимбә көнне мәктәп яны территориясе җыештырылды.
-
Сәламәт тәндә - сәламәт акыл 07.04.2017 Бүген Арча шәһәренең үзәк стадионында Бөтендөнья сәламәтлек көненә багышланган шәһәркүләм шигырь бәйгесе узды.Безнең балалар бакчасыннан мәктәпкә әзерлек төркемендә тәрбияләнүче Заһидуллина Азалия катнашты һәм 3 нче урын яулады.Котлыйбыз!
-
“Мин татарча сөйләшәм” акциясе 07.04.2017
“Мин татарча сөйләшәм” акциясе беренче тапкыр 2006 нчы елда уздырыла. Шуннан бирле ул һәр елны үткәрелеп килә. Акциянең төп максаты: татар теленә игътибарны җәлеп итү, татар телен яшьләр арасында популярлаштыру.Безнең “Арча өченче номерлы мәктәп-балалар бакчасы” укучылары “Мин татарча сөйләшәм” акциясендә быел беренче тапкыр катнашты. Каникул көннәрендә 3 Б сыйныф укучылары укытучылары Һадиуллина Ф.М. белән берлектә Арча район китапханәсендә булдылар. Китапханәче Сафина Роза Мөхәммәтхан кызы балаларны китапханәнең эше белән таныштырды. Анда һәр мәгълүмат татар телендә матур итеп язылган. Укучылар бу көнне укырга татар язучыларының китапларын да алдылар.Арча үзәк даруханәсендә дә балаларны татарча сәламләп каршы алдылар. Укучылар анда эшләүчеләрнең татар телен белүләрен дә “тикшерделәр”: “Мәкальне дәвам ит” уены оештырдылар.6 нчы апрель көнне “Мин татарча сөйләшәм” акциясе кысаларында укучылар район мәгариф бүлегендә булдылар. Алар анда милли мәсьәләләр буенча методист Мостафина Энҗе белән әңгәмә оештырдылар. Энҗе Габдуллаҗан кызы балаларның сорауларына бик теләп җавап бирде.Арча социаль яклау бүлеге җитәкчесе вазыйфаларын башкаручы Галиуллина Резеда Котдус кызы балаларны үз эше белән татар телендә таныштырды.Администрация бинасында укучыларның изге максат белән йөрүләренә бик сөенделәр. Арча муниципаль районы контроль-хисап палатасы рәисе Сафиуллина Надия Равил кызы белән әңгәмә бик җанлы үтте. Ул сорауларга җавап биреп кенә калмады, балаларның үзләренә дә сорауларны яудырды. Укучылар каушап калмадылар, татар телен белүләрен күрсәттеләр.Татар теле, татар мәдәниятенең киләчәгенә битараф булмаска кирәк, чөнки татар теле яшәсә генә, милләтебез дә яшәячәк. -
Филология атналыгы дәвам итә. 06.04.2017
Бүген филология атналыгы кысаларында, мәктәп күләмендә Тукайның 131 еллыгына багышланган "Тукай безнең күңелләрдә" дип исемләнгән презентацияләр һәм рефератлар яклау бәйгесе уздырылды.Бәйгедә 5,6 класс укучылары катнашты. Алар Тукайның тормыш юлы, иҗаты буенча бик бай мәгълүматлы эшләр тәгъдим иттеләр. Ахырдан укучыларның эшләренә бәя бирелде.
-
Әлифба бәйрәме. 05.04.2017
Бүген, 1 в татар һәм инглиз телле сыйныф укучылары Хайруллина А.Р. җитәкчелегендә, "Әлифба бәйрәме" уздырды. Бәйрәмдә Арча районы мәгариф бүлеге җитәкчесе З.М.Дәүләтбаев, Арча муниципаль районы башкарма комитетының социаль мәсьәләләр буенча урынбасары Гарифҗанов Р.И., укучыларның әти-әниләре катнашты. Укучылар төрле телдә, татар, рус, гарәп, инглиз телләрендә, шигырь сөйләделәр, җырладылар,биеделәр. Килгән кунакларга бик ошады. Алар балаларга үзләренең теләкләрен җиткерде.Бәйрәм күтәренке рухта үтте.
-
Конференциядә катнашу. 04.04.2017
Бүген мәктәбебез укучылары, Сабирҗанова А.Ф., Тихомирова Г.А., Закирова Г.К. җитәкчелегендә, Г.Тукай исемендәге "Арча педагогик көллияте" тарафыннан уздырылган, экология елы уңаеннан, "Фән һәм мин" дип исемләнгән X нчы муниципаль фәнни-гамәли конференциядә актив катнашып призлы урыннар яуладылар:Тихомирова А. 2 нче дәрәҗә диплом, Мухаметзянова И., Султанбекова А. 3 нче дәрәҗә диплом, Минуллина А. "оригиналь якын килү" номинациясендә җиңүче дипломы.Афәрин! Алга таба да уңышлар телибез.
-
"Кунаклар каршылыйбыз" 04.04.2017
Бүген балалар бакчасы тәрбиячесе Галәвутдинова Г.И., филология атналыгы кысаларында, инглиз теле өйрәнү буенча ачык шөгыль үткәрде.Балалар инглиз телендә төрле җырлар җырладылар , уеннар уйнадылар .Шөгыльдә балалар телне бик яратып өйрәнүләрен күрсәттеләр.
-
Филология атналыгы башланып китте. 03.04.2017
Бүген филология атналыгының беренче көне. Шуның белән бәйле рәвештә татар теле һәм әдәбияты укытучылары Г.Тукай тууының 131 нче еллыгына багышлап "Татар теле- Тукай теле" дип исемләнгән китап күргәзмәсе һәм Тукай әкиятләре буенча ясалган рәсемнәр күргәзмәсе оештырдылар.
-
"Дус классның серләре" дип исемләнгән бәйге. 01.04.2017
Бүген Гаптелбарова Д.М. җитәкчелегендәге 5 нче б сыйныф укучылары һәм аларның әти-әниләре район буенча уздырылган "Дус классның серләре" дип исемләнгән бәйгедә уңышлы гына чыгыш ясадылар.
