Безнең лагеребызның өченче көне.Лагеребыз көн саен кызыклы, мавыктыргыч уеннар,  конкурслар, викториналар  белән үрелеп бара. Бүген дә балалар көннәрен бик күңелле итеп уздырдылар.Төшкә кадәр "Морской бой" дип исемләнгән уен оештырылды. Аннары укучылар Арча муниципаль районы буенча МЧС бүлегенә экскурсиягә бардылар.

Бүген лагерьның икенче көне. Көн гадәттәгечә күтәренке төстә ачылып китте.  Лагерь ачылу хөрмәтенә отрядлар арасында пионербол уены үткәрелде.Төштән соң эвакуация һәм медсестра  укучылар белән шәхси гигиена буенча әңгәмә уздырды.

Җәй көне урамда уйнарга бик күңелле.Бүген балалар бакчасына йөрүче  балалар мәйданчыкта төрле уеннар уйнадылар.Саф һавада булу балаларга бик ошый.

Бүген лагерьның беренче көне. Лагерь оешкан төстә ачылып китте. Укучылар бик теләп каникулның беренче көнендә ял итәргә килделәр.

Балалар бакчасында тәрбияләнүче балалар белән  Сабантуй бәйрәме үткәрдек .Сабантуеның милли бәйрәм икәнлеге, аның язгы чәчү эшләре беткәч уздырылганлыгы турында сөйләштек.Балалар бу бәйрәмне бик көтеп алдылар, барлык уздырылган уеннарда да теләп катнаштылар.Алар кашыкка йомырка салып та йөгерделәр, кашык белән стаканга су да тутырдылар, аркан да тартыштылар, күз бәйләп чүлмәк тә ваттылар.Сабантуй бәйрәме бик күңелле узды.

Уку елы тәмам. Һәр класс әти-әниләр белән берлектә  кайда да булса  экскурсия ясады.Мәсәлән, 3 а сыйныф укучылары Казан шәһәренә бардылар.Укучылар шәһәрнең истәлекле урыннары белән танышты. Экскурсия бик файдалы һәм күңелле үтте.

Бүген  мәктәбебездә 4 а сыйныф укучыларының чыгарылыш кичәсе  булып узды. Чыгарылыш сыйныф укучылары үзләренең яраткан укытучыларына, әти- әниләренә, рәхмәт әйтеп җырлар җырлады, биеде һәм шигырь сөйләде. Бәйрәм котлаулар, концерт номерлары белән үрелеп барды. Кичә әзерлекле төстә оештырылган иде. Бәйрәм бик күңелле үтте.

30 нчы май көнне безнең балалар бакчасында чыгарылыш кичәсе булып узды.Балалар да, өлкәннәр дә бу көнне түземсезлек белән көтеп алды.Чыгарылыш кичәсендә бик куңелле булды.Бу бәйрәм әкият геройлары , җыр,бию,матур шигырьләр белән бергә урелеп барды. Зал бәйрәмчә бизәлгән, балалар бик матур киенгәннәр, әти-әниләрнең күзләрендә шатлык яшьләре....Бәйрәм кичәсен директорның hәм әти-әниләр комитетының җылы рәхмәт сүзләре дә бизәде.Алар шушы балалар белән эшләгән hәр белгечкә үзләренең зур рәхмәтләрен җиткерделәр.

Класстан тыш эшчәнлек ачык дәресләр бирүне дәвам итә. Бүген инглиз теле буенча түгәрәккә йөрүче 2 сыйныф укучылары белән берлектә Давлетшина Г.Р. ачык чара үткәрде.Чара бик оешкан төстә үтте. Укучылар актив катнашты. Әти-әниләргә бик ошады.