Табигатьне саклау – һәркемнең изге бурычы. Безнең мәктәбебезнең укучылары  су буйларын, чишмәләрне чистартуда ел саен актив катнашып киләләр. Быел да авылыбызны чистартуда катнашып үзләреннән зур өлеш керттеләр.

8 нче май көнне мәктәбебез янындагы һәйкәл каршында Бөек Җиңүнең  70 еллыгына бәйрәм булды. Бәйрәмгә тыл ветераннары әти-әниләр чакырылды. Бәйрәм бик күңелле үтте. Бәйрәмнең икенче өлеше чәй өстәле артында дәвам итте. Тыл ветераннарын котларга җирле үзидарә башлыгы Арсланов Тәбрис Әсфәндияр улы да килде. Бәйрәмнән һәркем канәгать калды

9 нчы класс укучылары сугыш ветераны Хабибуллин Габделбәр абыйны котладылар. 

 8 класс укучылары,7 май көнне сугыш ветераны Фәхриев Минкамулла абыйны Бөек Җиңүнең 70 еллыгы белән котларга бардылар. Ул безгә үзенең, илнең ничек итеп авыр сугыш елларында яшәве турында сөйләгән. Безгә киләчәктә илебезнең сакчылары булуыбызны теләде. Аның өчен тырышып укырга кирәклеге турында әйтте.

 9 май – Җиңү бәйрәме. 4 ел буена сугыш газапларын кичергән илебезгә тынычлык китергән беренче көн!   Һәр ел саен без бу көнне шатланып, моңаеп һәм зур дулкынлану белән бәйрәм итәбез. Бөек Ватан сугышының дәһшәтле еллары ерагая барса да, кешеләр күңелендәге җәрәхәтләр, яралар һаман да төзәлми. Шуңа күрә бу бәйрәм – сагышлы да моңсу да.  Бәйрәм уңаеннан 6 класс укучылары  Арча районы Симентбаш авылында яшаүче Бөек Ватан сугышы ветераны Сафин Габдрахман Сафа улы янында булып кайттылар. Укучылар ветеранга  матур теләкләр теләделәр, үзләрен кызыксындырган сорауларны бирделәр. Өчрашуның истәлеге итеп фотога төштеләр

Алыгыз, Сез, буген булэк итеп
Котлауларнын ин зур бэйлэмен
Каршылагыз тагын бик куп тапкыр
Якты Жину бэйрэмен.

5 класс укучылары сугыш ветераны Галәвиев Мөхәммәтдин абыйны котладылар. 

Бөек Җиңүнең 70 еллыгы зурлап билеләп үтелә. Бу вакыйгага карата бик күп эшләр эшләнде, чаралар үткәрелде. Бүген Кишет җирлегендә Җиңүнең 70 еллыгына багышланган бәйрәм тантанасы узды. Бу чарага сугыш һәм тыл ветераннары чакырылды. Мәктәбебез укучылары эчтәлекле бәйрәм программасы күрсәттеләр. Авыл уртасында урнашкан һәйкәлгә чәчәкләр салынды. Арча шәһәре меры урынбасары  Камил Василович, авыл җирлеге башлыгы Тәбрис Әсфәндиярович, мәктәбебез директоры Фарсель Марселович бәйрәм белән котладылар. Ветераннарыбыз истәлекләре белән уртаклаштылар, хәзерге яшь буынга изге теләкләрен җиткерделәр. Без дә үз чиратыбызда, барлык ветераннарыбызны Данлы Җиңү көне белән котлыйбыз. 

Мәктәбебездән ике укучы Саба районында узган “Филология, мәдәният, тарих  һәм җәмгыять: яңа караш” II республика фәнни –гамәли конференциясендә уңышлы чыгыш ясап кайттылар. 5 нче сыйныф укучысы Закирова Гөлсылу  “Бөек Ватан сугышы татар әдәбиятында” юнәлешендә  актив катнашкан өчен  грамотасы белән (Җитәкчесе: А. М. Җамалиева), 3 нче сыйныф укучысы Җамалиева Ралинә “Рәхмәт бабаема  Җиңү китергән өчен!” юнәлешендә ясаган чыгышы өчен 3 дәрәҗә диплом белән бүләкләнде. (Җитәкчесе: Э. Ф. Минҗанова). Афәрин, кызлар! Киләчәктә дә уңышлар сезгә!

Авылыбызда тарихи вакыйга, Советлар Союзы Герое Гани Сафиуллинга багышланган музей ачу тантанасы узды. Бу чарада мәктәбебез укучылары чыгыш ясады. Якташыбызның тормыш юлы, сугышчан юллары турында сөйләделәр, ветераннарыбызны Җиңү бәйрәме белән котладылар.