24 гыйнвар көнне көчле чаңгычы Ф.Гәрәфиев истәлегенә багышланган район беренчелегенә чаңгы ярышлары узды. Мәктәбебез укучылары ярышларда уңышлы катнаштылар. Команда составында катнашучы укучылар: Минҗанова Фирүзә, Сәләхиев Илназ, Сафин Илсаф, Каримов Илнур, Гайфуллина Диләрә, Шакиров Нурфис, Абдуллина Илүзә, Гайфуллина Динә, Гайфуллин Булат. Аларга алда яңа уңышлар телибез. 

19 нчы гыйнвардан 24 гыйнварга кадәр "Физкультура һәм технология атналыгы"узды. Шул уңайдан 23 нче гыйнвар көнне технология укытучысы Сәләхиева М.Р. "Чигү" темасына 5 нче класста ачык дәрес күрсәтте. Дәрес  яңа технологияләр кулланып башкарылды. Укучылар чигү төрләрен,тарихын,  аларны башкару тәртибен, куркынычсызлык технологияләре кагыйдәләрен өйрәнделәр. Дәрес файдалы һәм мавыктыргыч үтте. 

Бүген 6 нчы класс укучылары катнашында "Туган телем - татар теле, аны саклау - безнең бурыч" темасына тәрбия сәгате узды. Укучылар тел темасына багышланган шигырьләр укыдылар, табышмаклар, телгә кагылышлы кызык вакыйгалар белән таныштылар. Тәрбия сәгатенең максаты: туган телебезгә карата балаларда кызыксыну һәм мәхәббәт тәрбияләү, татар теле белән горурлану хисләре тәрбияләү. Класс җитәкчесе: Н.Ш.Габдрахманова.

23 нче гыйнвар көнне 7-8 нче класс укучылары белән "Туган теле кирәк кешегә" темасы буенча тәрбия сәгате үтте. Укучылар тәрбия сәгатендә тел көне билгеләнү тарихы, күренекле шәхесләрнең шигырьләре, бүгенге көндә үлә баручы телләр белән таныштылар. Рөстәм Зәкуанның "Туган теле кирәк кешегә" дип исемләнгән шигыренә анализ ясалды. Класс җитәкчесе: М.Р.Сәләхиева.

23 январь көнне 1,2 нче классларда “Туган телем – татар теле, иң кадерле тел бит ул!” дигән тематика астында тәрбия сәгате үтте. (Укытучылары Д.В.Абдуллина). Тәрбия сәгатендә ана теле булган – татар телебезнең байлыгы, матурлыгы турында сөйләнде. Укучылар ана телендә үзләре белгән шигырьләрен яттан сөйләделәр. Җир йөзендә бүгенге көндә исәпләнгән 600 тел арасында һәр милләтнең үз телен кадерләп сакларга, аралашырга, киләчәк буыннарга мирас итеп калдырырга бурычлы булуы аңлатылды

22 январь көнне Фазылҗанова Гөлфия Наиловна 3-4 класс укучылары өчен “Туган телем-иркә гөлем, киңдер сиңа күңел күгем “ дигән темага тәрбия сәгате үткәрде.Укучылар татар теленең тарихы,  дөнья телләре арасындагы урыны белән таныштылар.Туган телгә мәхәббәт хисләре тәрбияләнде.Узара әңгәмә бик җанлы үтте.

5 нче класста Ибраһимова Г.Р. җитәкчелегендә "Тел язмышы -халык язмышы" дигән тема астында тәрбия сәгате булып узды. Укучылар  Тел- ул байлык, хәзинә. Ә хәзинәне саклый белергә кирәк икәнлеге турында фикер алыштылар.

 

Г.Р.Җәләлетдинова 9 класс укучылары белән "Ана теле бер булыр" темасы буенча тәрбия сәгате үткәрде. Татар теленең тарихы, күренекле шәхесләре турында мәгълүмат бирелде.

География укытучысы Галимҗанова Л.Б. 6 – 8 класс укучылары өчен “Күренекле географлар” дигән темага тәрбия сәгате үткәрде. Юбиляр сәяхәтчеләрнең тормыш юллары, аларның сәяхәтләре, ачышлары турында өстәмә мәгълүмат бирелде. Укучылар үзләре кызыксындырган сорауларга җаваплар алдылар.

Авылларыбыздагы һәйкәлләрне укучыларыбыз һәрвакыт карап, кардан чистартып торалар. Бу эштә 6 нчы класс укучылары активлык күрсәтәләр.