7 класста  тәрбия сәгате  “Мин талантлы” (Я талантлив) темасы астында узды. Тәрбия сәгате рус телендә баруына карамастан бик җанлы узды. Балалар сорауларга җаваплар бирделәр, уеннарда актив катнаштылар.  Чара ахырында һәрбер бала үзендә нинди дә булса бер талант барлыгына инанды, аны үстерү өстендә эшләргә кирәк дигән фикергә килде. Балаларга материал презентация аша җиткерелде. Чарада шулай ук  ветеран укытучы Альфия Гарифзяновна катнашты. Ул  чара ахырында укучыларны Белем көне белән котлады, уңышлар теләде.

1 сентябрь - Белем бәйрәме мәктәбебездә мавыктыргыч, куңелле узды. Килгән кунаклар, ветеран укытучылар укучыларга, укытучылар коллективына изге теләкләрен җиткерделәр. 

Укытучылар Сабантуе кысаларында үткәрелгән " ГабдуллаТукай - безнең йөрәкләрдә" конкурсының "Җыр сәнгате" номинациясендә 7 нче сыйныф укучысы Минҗанова Фирүзә 1 урынга ия булды. Аны зур җиңүе белән котлыйбыз. Киләчәктә дә зур уңышлар телибез.

Районда мәктәпләр ярминкәсе гөрләде. Мәктәбебез дә Арча халкын мәктәп яны тәҗрибә бакчасында үстерелгән мул уңыш белән куандырды. Тәмле-тәмле ризыклар белән сыйлады. 

«Арча хәбәрләре” газетасы һәм  Арча районы хәрби комиссариаты белән берлектә үткәрелгән “Туган ил кайдан башлана?” конкурсында актив катнашкан Җамалиева Ралинә, Кәримов Илназ, Шакирова Энҗе мактау грамоталары һәм 500 сумлык сертификат белән бүләкләнделәр.Җитәкчеләре Фазылҗанова Гөлфия Наил кызына Рәхмәт хаты тапшырылды.

Районда балалар Сабантуе узды. Бу күңелле чарада мәктәбебез укучылары да катнашты. Төрле кызыклы уеннар уйнап, бәйгеләрдә катнашып ял иттеләр. 

Мәктәбебез Республика программасы буенча уздырылган "Яңа уку елына иң яхшы әзерлекле мәктәп" смотр-конкурсында катнашты.

Мәктәп яны бакчасында укучыларыбыз яшелчәләрне, чәчәклекләрне карап, чүп үләннәреннән чистартып торалар.